وبلىستىق دەنساۋلىق ساقتاۋ باسقارماسى مەديتسينالىق-سانيتارلىق كومەكتىڭ ساپاسىن جاقسارتىپ, شالعايداعى اۋىل تۇرعىندارىنا دارىگەرلىك قىزمەتتىڭ ءتۇرىن ۇلعايتۋ ماقساتىندا «دەنساۋلىق جولى» اكتسياسىن ۇيىمداستىردى.
قۇرامىندا سالاماتتى ءومىر سالتىن قالىپتاستىرۋ ورتالىعىنىڭ ماماندارى, گينەكولوگ, پەدياتر, بالالار تراۆماتولوگ-ورتوپەدى, فتيزياتر سيياقتى بىلىكتى دارىگەرلەرى بار اۆتوكەرۋەن جاقىندا وبلىستىڭ 10 اۋدانىنا ەكى باعىت بويىنشا جولعا شىقتى.
سونىمەن بىرگە, بيىل وبلىستا شالعاي اۋىلدارداعى مەديتسينالىق پۋنكتتەر مەن ەمحانا, اۋرۋحانالاردى جانە ولاردىڭ قۇرال-جابدىقتارىن جاڭارتۋ, ەلدى مەكەندەردەگى مەديتسينالىق قىزمەتتىڭ ساپاسىن ارتتىرۋ باعىتىندا ءبىرشاما وڭدى ىستەر قولعا الىنۋدا.
مىسالى, حالىقتىڭ ءومىر ءسۇرۋ جاسىن ۇزارتۋدىڭ ءبىر شارتى – اۋرۋدىڭ الدىن الىپ, ونى جان-جاقتى ەمدەۋ بولىپ تابىلادى. مىنە, وسى ماقساتتا شالعاي اۋىل تۇرعىندارى اۋرۋلارىنىڭ الدىن الىپ, دياگنوزدارىن ءدال قويۋ ءۇشىن جاقىندا وبلىسقا 2 جىلجىمالى كەشەن الىنباق. ونىڭ بىرەۋى – شۋ, مەركى اۋداندارى ماڭىنداعى تۇرعىندارعا, ەكىنشىسى – سارىسۋ, تالاس اۋداندارى ەلدى مەكەندەرىنىڭ تۇرعىندارىنا ساپالى قىزمەت ەتپەك.
كوسەمالى ساتتىباي ۇلى.
جامبىل وبلىسى.