بۇقارالىق اقپارات قۇرالدارى ارقىلى سايلاۋالدى ۇگىت جۇرگىزۋ

سايلاۋ-2011

مەملەكەت ازاماتتارعا, قوعامدىق بىرلەستىكتەرگە كەدەرگىسىز سايلاۋالدى ۇگىت جۇرگىزۋ قۇقىعىنا كەپىلدىك بەرەدى.

سايلاۋالدى ۇگiت – سايلاۋشىلاردىڭ قازاقستان رەس­پۋبليكاسى پرەزيدەنتتىگىنە بەلگiلi بiر كان­دي­دات­تى (بۇدان ءارى – كانديدات) جاقتاپ نەمەسە قارسى داۋ­ىس بەرۋگە قاتىسۋىنا تۇرتكi بولۋ ماقساتىنداعى قىز­مەت («قازاقستان رەسپۋبليكاسىنداعى سايلاۋ تۋ­را­لى» كونستيتۋتسيالىق زاڭنىڭ 27-بابىنىڭ 1-تار­ماعى (بۇدان ءارى – سايلاۋ تۋرالى كونستيتۋتسيالىق زاڭ). بۇقارالىق اقپارات قۇرالدارىنداعى ساي­لاۋال­دى ۇگiت دەپ: 1) كانديداتتاردى جاقتاپ نەمەسە قارسى داۋىس بەرۋگە شاقىرعان ۇندەۋلەردى; 2) سايلاۋشىنىڭ قانداي دا بiر كانديداتتارعا قا­­تىستى ارتىقشىلىق جاساۋىن, سونىڭ ىشىندە, كان­دي­­داتتاردىڭ قايسىسىنا داۋىس بەرۋ كەرەكتىگىن كورسەتۋدى; 3) كانديداتتاردىڭ سايلانۋ نەمەسە سايلان­باۋى­­نىڭ مۇمكiن دەگەن سالدارلارىن سيپاتتاۋدى قامت­يتىن بۇقارالىق اقپارات قۇرالدارى ماتەريال­دارىن شى­عارۋ (ەفيرگە شىعارۋ) جونىندەگى قىزمەت تانىلادى. مىنالارعا: 1) مەملەكەتتiك ورگاندارعا, جەرگiلiكتi ءوزiن-ءوزi باسقارۋ ورگاندارىنا, سونداي-اق قىزمەتتىك مiندەتتە­رiن ورىنداۋ كەزىندە ولاردىڭ لاۋازىمدى ادامدارىنا; 2) قارۋلى كۇشتەردiڭ, باسقا دا اسكەرلەر مەن اسكەري قۇرىلىمداردىڭ اسكەري قىزمەتشiلەرiنە, ۇلتتىق قاۋiپسiزدiك ورگاندارىنىڭ, قۇقىق قورعاۋ ورگاندارىنىڭ قىزمەتكەرلەرi مەن سۋديالارعا; 3) سايلاۋ كوميسسيالارىنىڭ مۇشەلەرiنە; 4) ءدىني بiرلەستiكتەرگە سايلاۋالدى ۇگiت جۇرگiزۋگە, كەز كەلگەن سايلاۋالدى ۇگiت ماتەريالدارىن تارا­تۋعا تىيىم سالىنادى (سايلاۋ تۋرالى كونستي­تۋتسيالىق زاڭنىڭ 27-بابىنىڭ 4-تارماعى). مەملەكەتتiك ورگانداردىڭ لاۋازىمدى ادام­دا­رى بولىپ تابىلاتىن كانديداتتارعا ءوزiنiڭ لاۋا­زىم­دىق نەمەسە قىزمەت جاعدايىنىڭ ارتىقشى­لىقتارىن پايدالانۋعا تىيىم سالىنادى. مىنالار: 1) باعىنىشتى نەمەسە باسقا دا قىزمەت جاعىنان تاۋەلدi ادامداردى, اتالعان ادامدار كانديداتتىڭ سەنiم بiلدiرگەن ادامدارى رەتiندە ۇگىتتi جۇزەگە اسىراتىن جاعدايلاردى قوسپاعاندا, سايلاۋالدى ۇگىت جۇرگiزۋگە تارتۋ; 2) كانديداتتىڭ سايلانۋىنا سەپتiگiن تيگiزەتiن قىز­مەتتi جۇزەگە اسىرۋ ءۇشiن مەملەكەتتiك ورگاندار ورنالاسقان ءۇي-جايلاردى پايدالانۋ, ەگەر وزگە كان­ديداتتارعا اتالعان ءۇي-جايلاردى وسىنداي شارتتارمەن پايدالانۋعا كەپiلدiك بەرىلمەسە, لاۋازىمدىق نەمەسە قىزمەت جاعدايىنىڭ ارتىقشىلىقتارىن پاي­دالانۋ دەپ ۇعىنىلادى (سايلاۋ تۋرالى كونس­تيتۋ­تسيالىق زاڭنىڭ 27-بابىنىڭ 5-تارماعى). بارلىق قازاقستان رەسپۋبليكاسى پرەزيدەنتتىگىنە كانديداتتاردىڭ ۇگىت ماتەريالدارى بۇقارالىق اقپا­رات قۇرالدارىندا تەك 2011 جىلعى 3 ناۋرىزدان باستاپ 1 ءساۋىر كۇنگى 24.00-گە دەيىن ورنالاستىرىلا الا­دى (سايلاۋ تۋرالى كونستيتۋتسيالىق زاڭنىڭ 27-بابىنىڭ 2-تارماعى). تىيىم سالىنعان كەزەڭدە سايلاۋالدى ۇگىت ءجۇر­گىزۋ اكىمشىلىك قۇقىق بۇزۋشىلىق تۋرالى كودەكستىڭ 99-بابى بويىنشا جاۋاپكەرشىلىك جۇكتەيدى, قازاق­ستان رەسپۋبليكاسى پرەزيدەنتتىگىنە كانديدات­تى تىركەۋدەن باس تارتۋعا نەمەسە تىركەۋ تۋرالى شە­شىم­نىڭ كۇشىن جويۋعا (سايلاۋ تۋرالى كونستيتۋ­تسيا­لىق زاڭ­ناڭ 59-بابىنىڭ 7-تارماعى 3)-تارماقشاسى), سون­داي-اق سايلانعان تۇلعانى تىركەۋدەن باس تارتۋعا (ساي­لاۋ تۋرالى كونستيتۋتسيالىق زاڭنىڭ 66-با­بى­نىڭ 2-تارماعى 2)-تارماقشاسى) نەگىز بولادى. كانديداتتاردىڭ سايلاۋالدى ۇگiت جۇرگiزۋi ءۇشiن بۇقارالىق اقپارات قۇرالدارىنا بىردەي قولجە­تىم­دىلىگىنە كەپiلدiك بەرiلەدi (سايلاۋ تۋرالى كونستي­تۋتسيالىق زاڭنىڭ 28-بابىنىڭ 2-تارماعى). سايلاۋ كۇنi جانە ونىڭ قارساڭىنداعى كۇنi ۇگiت ماتەريالدارىن بۇقارالىق اقپارات قۇرالدارىندا جاريالاۋعا (ەفيرگە شىعارۋعا) تىيىم سالىنادى (سايلاۋ تۋرالى كونستيتۋتسيالىق زاڭنىڭ 27-بابى­نىڭ 2-تارماعى). سايلاۋالدى ۇگiت كەزەڭiندە كانديداتتاردىڭ ساي­لاۋالدى ۇگiتiنە بايلانىستى مەرزىمدى باسپا با­سىلىمىنىڭ تارالىمى بارلىق كانديداتتار ءۇشىن بىردەي بولۋعا ءتيىس. بۇقارالىق اقپارات قۇرالىنىڭ رەداكتسياسى كان­ديداتتاردىڭ سايلاۋالدى باعدارلامالارىن, ەگەر ولار رەسپۋبليكانىڭ كونستيتۋتسيالىق قۇرى­لى­سىن كۇش­تەپ وزگەرتۋ, ونىڭ تۇتاستىعىن بۇزۋ, مەملەكەت قاۋiپ­سiز­دiگiنە نۇقسان كەلتiرۋ, الەۋمەتتiك, ءناسiل­دiك, ۇلتتىق, دiني, تەكتiك-توپتىق جانە رۋلىق اراز­دىق­تى قوزدىرۋ, قاتى­گەزدiك پەن زورلىق-زومبىلىققا باس ۇرۋ, سونداي-اق زاڭداردا كوزدەلمەگەن اسكەري­لەن­دi­رiل­گەن قۇرىلىمدار قۇرۋ يدەيالارىن ۋاعىزدايتىن بولسا, جاريالاۋدان (ەفيرگە شىعارۋدان) باس تار­تا­دى (سايلاۋ تۋرالى كونستيتۋتسيالىق زاڭنىڭ 29-بابىنىڭ 1-تارماعى). بۇقارالىق اقپارات قۇرالدارى رەداك­تسيا­لارى­نىڭ لاۋازىمدى تۇلعالارى كانديداتتاردىڭ ولار­دىڭ سايلاۋ الدىنداعى ناۋقان بارىسىندا ايتقاندارى ءۇشiن, كونستيتۋتسيالىق زاڭنىڭ 29-با­بىندا كورسەتiلگەن ماتەريالداردى جاريالاۋ جاعدايلارىن قوسپاعاندا, جاۋاپ بەرمەيدi. قانداي دا بiر ادامنىڭ بەينەسiن – ونىڭ جازباشا كەلiسiمiنسiز, ال ول قايتىس بولعان جاعدايدا مۇ­را­گەر­لە­رi­نiڭ جازباشا كەلiسiمiنسiز پايدالانۋ ارقى­لى ساي­لاۋ­الدى ۇگiت جۇرگiزۋگە تىيىم سالىنادى (سايلاۋ تۋرالى كونستيتۋتسيالىق زاڭنىڭ 27-بابى­نىڭ 10-تارماعى). سايلاۋ ناۋقانى ءۇشiن ارنايى ازiرلەنگەن باسپا ماتەريالدارىن, سونىڭ iشiندە بەزەندiرiلگەن ماتە­ريال­داردى, سونداي-اق ومىراۋعا تاعاتىن بەلگi­لەر­دi, جالاۋلاردى, جالاۋشالاردى تەگiن تاراتۋدى قوس­پاعاندا, سايلاۋشىلارعا تەگiن نەمەسە جەڭiلدiك شارت­تارىمەن تاۋارلار, باعالى قاعازدار بەرىپ, قىز­مەتتەر كورسەتۋ, سونداي-اق لوتەرەيالار, قايى­رىمدىلىق اكتسيالارىن وتكiزۋ, اقشا تولەۋ بولماسا وسىندايلارعا ۋادە بەرۋ ارقىلى سايلاۋ الدىن­داعى ۇگiتتi جۇرگiزۋ سايلاۋالدى ءجونسiز ۇگىت دەپ سانالادى. سايلاۋالدى ءجونسiز ۇگىت جۇرگiزۋگە تىيىم سالىنادى. سايلاۋ تاعايىندالعان كەزدەن باستاپ, كاندي­داتتارعا, سونداي-اق ولاردىڭ اتىنان نەمەسە ولار­دى قولداپ كeز كەلگەن جەكە جانە زاڭدى تۇلعالارعا, ويىن-ساۋىق جانە سپورتتىق iس-شارالارىن ۇيىم­داس­تىرۋدى قوسپاعاندا, قايىرىمدىلىق iس-شارالارىن وتكiزۋگە تىيىم سالىنادى (سايلاۋ تۋرالى كونستيتۋتسيالىق زاڭنىڭ 27-بابىنىڭ 9-تارماعى). سايلاۋالدى ۇگىت جۇرگىزۋ قۇقىعىنا كەدەرگى كەلتىرگەنى جانە بۇقارالىق اقپارات قۇرالدارى ارقىلى سايلاۋالدى ۇگىت جۇرگىزۋ شارتتارىن بۇزعانى ءۇشىن اكىمشىلىك جاۋاپكەرشىلىك بەلگىلەنگەن (قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 99-1, 105-باپتارى).

كانديداتتاردىڭ سايلاۋالدى باعدارلامالارى­مەن ءسوز سويلەۋى ءۇشىن مەملەكەت قارجىلاندىراتىن ەفير ۋاقىتى مەن ءباسپاسوز بەتiنەن ورىن بەرۋ شارتتارى

مەملەكەت كانديداتتارعا وزدەرىنىڭ سايلاۋالدى باعدارلامالارىمەن قازاقستان رەسپۋبليكاسى اۋما­عىن قامتيتىن تەلە- جانە راديوكومپا­نيا­لاردىڭ ەفي­رىن­دە, ون بەس ءمينوت كولەمىندە (الدىن الا جازىپ الىن­عان) – تەلەديداردان, ون ءمينوت كولەمىندە – راديودان ءسوز سويلەۋىنە بiردەي قاراجات بولiنۋىنە كەپiلدiك بەرەدi. مەملەكەت كانديداتتارعا مەرزىمدى باسپا باسى­لىم­دارىندا 0,1 باسپا تاباقتان اسپايتىن كولەمدە ەكi ماقالا جاريالاۋىنا بiردەي قاراجات بولiنۋiنە كە­پiلدiك بەرەدi. باسپا تاباق دەپ فورماتى 60ح90 سم, كولەمi 5400 سم قاعاز بەتiن ءتۇسiنۋ كەرەك. كولەمi 0,1 باسپا تاباق 540 سم2 كولەمگە تەڭ بولادى, ياعني ا-2 فور­ماتىنداعى گازەت بەتiنiڭ 1/4 قۇرايدى (سايلاۋ تۋ­رالى كونستيتۋتسيالىق زاڭنىڭ 28-بابىنىڭ 3-تارماعى) . كانديداتتارعا ءوز باعدارلامالارىمەن ءسوز سويلەۋ ءۇشiن ەفير ۋاقىتىن جانە مەرزiمدi باسپا باسىلىمدار بەتiنەن ورىن بەرۋ ءۇشىن كانديداتتىڭ كۋالiگi مەن شىعۋىن (ەفيرگە شىعۋىن) جۇزەگە اسى­راتىن بۇقارالىق اقپارات قۇرالى باسشىسىنىڭ اتىنا جەكە جازباشا ءوتiنiشi نە كانديدات ۋاكىلدىك بەرگەن زاڭدى نەمەسە جەكە تۇلعانىڭ راستايتىن قاجەتتى قۇجاتتاردى قوسا بەرىلگەن ءوتىنىشى نەگiز بولىپ تابىلادى.

تىركەلگەن كانديداتتارعا شارتتىق نەگىزدە

ەفير ۋاقىتى مەن باسپا باسىلىمىنان ورىن بەرۋ ءتارتىبى

بۇقارالىق اقپارات قۇرالدارىنىڭ رەداكتسيا­لا­رى تiركەلگەن كانديداتتارعا شارتتىق نەگiزدە ەفير ۋاقىتىن, ءباسپاسوز بەتiنەن ورىن بەرەدi. بۇقارالىق اقپارات قۇرالدارىندا كانديداتتارعا ەفير ۋا­قى­تىن, ءباسپاسوز بەتiنەن ورىن بەرۋ تۋرالى شارتتىڭ تالاپتارى بەلگiلi بiر كانديداتقا ارتىقشىلىق تۋعىزباۋعا تيiس. ەفيردەن جانە باسپاسوزدەن ورىن بەرۋ تولەمiنiڭ مولشەرi, شارتتارى مەن ءتارتiبi تۋ­رالى مالiمەتتەردi تيiستi تەلەراديوحابارلارىن تاراتۋ ۇيىمى, مەرزiمدi باسپا باسىلىمىنىڭ رەداك­تسيا­سى سايلاۋدىڭ تاعايىندالعانى تۋرالى شەشiم رەسمي جاريالانعاننان كەيiنگi ونىنشى كۇننەن كە­شiكتiرمەي حابارلاۋعا جانە جاريالاۋعا تيiس, سون­داي-اق قازاقستان رەسپۋبليكاسىنىڭ ورتالىق جانە وبلىستىق سايلاۋ كوميسسيالارىنا بەرۋى كەرەك. بۇقارالىق اقپارات قۇرالىنىڭ رەداكتسياسى كان­ديداتتاردىڭ بiرiنە ەفير ۋاقىتىن, ءباسپاسوز بەتiنەن ورىن بولۋگە بەرگەن كەلiسiمi باسقا دا كانديداتتارعا ەفير ۋاقىتىن, ءباسپاسوز بەتiنەن ورىن بولۋگە كەلiسiم بەرۋi بولىپ تابىلادى. كانديداتتاردىڭ بۇقارالىق اقپارات قۇرال­دارىنا شىعۋىنىڭ كەزەكتiلiگi جازباشا وتiنiشتەردiڭ كەلiپ ءتۇسۋ رەتiمەن نە ەگەر وتiنiشتەر بiر مەزگiلدە كەلiپ تۇسسە, جەرەبە بويىنشا بەلگiلەنەدi. كانديداتتار جازباشا وتiنiشتەرiندە وزدەرiنiڭ سويلەۋiنiڭ بولجاۋلى كۇنiن, ۋاقىتىن كورسەتەدi. وسى ۇسىنىستاردىڭ نەگiزiندە بۇقارالىق اقپارات قۇرال­دارىنىڭ رەداكتسيالارى كانديداتتاردىڭ ءسوز سويلەۋى ءۇشىن ەفير ۋاقىتى مەن باسپا ورىندارىن بەرۋ كەستەسiن بەلگiلەيدi. كانديداتتاردىڭ تەلەديدار مەن راديودا ءسوي­لەپ جاتقان سوزدەرiن بولۋگە جانە سويلەگەن ءسوز­دە­رi­نە ءدال سول كۇنi iلە-شالا, سونداي-اق, مەرزىمدى باسپا باسىلىمدارىنداعى سوزدەرiنە سول نومiردە ءتۇ­سiنiك­تەمە جاساۋعا تىيىم سالىنادى (سايلاۋ تۋرالى كونستيتۋتسيالىق زاڭنىڭ 28-بابىنىڭ 3-تارماعى). مەرزiمدi باسپا باسىلىمدارىنىڭ, تەلە- جانە راديو حابارلارىن تاراتاتىن ۇيىمنىڭ كانديدات­تار­دىڭ سايلاۋ الدىنداعى ۇگiتi مازمۇندالعان بار­لىق جاريالانىمدارى قارجىلاندىرۋدىڭ كوزدەرi تۋرالى اقپاراتتى قامتۋعا تيiس. حابارلاندىرۋ ءتاسiلiن بۇقارالىق اقپارات قۇرالى رەداكتسياسىنىڭ ءوزi بەلگiلەيدi. كانديداتتاردىڭ ۇگىت ماتەريالدارىنىڭ شىعۋ (ەفيرگە شىعۋ) قۇنى كانديداتتىڭ سايلاۋ قورىنىڭ قاراجاتىنان تولەنەدi. قۇنى كانديداتتىڭ سايلاۋ قورىنان وزگە قارا­جات ەسەبىنەن تولەنگەن كانديداتتاردىڭ ۇگىت ماتە­ريالدارىن شىعارۋعا (ەفيرگە شىعۋعا) جول بەرىلمەيدى (سايلاۋ تۋرالى كونستيتۋتسيالىق زاڭنىڭ 28-بابىنىڭ 7-تارماعى).

سايلاۋدى بۇقارالىق اقپارات قۇرالدارى ارقى­لى اقپاراتتىق قامتاماسىز ەتۋ

سايلاۋدى اقپاراتتىق قامتاماسىز ەتۋدi مەم­لەكەتتiك بيلiك ورگاندارى, سايلاۋ كوميسسيالارى, بۇقارالىق اقپارات قۇرالدارى قازاقستان رەسپۋب­ليكاسىنىڭ زاڭدارىنا سايكەس جۇزەگە اسىرادى. ورتالىق جانە جەرگىلىكتى اتقارۋشى ورگان­دار­دىڭ مەرزىمدى باسپا باسىلىمدارىنىڭ رەداكتسيا­لا­رى تيiستi سايلاۋ كوميسسيالارىنا سايلاۋ ناۋقا­نىنىڭ بارىسى تۋرالى اقپاراتتى جانە سايلاۋ تۋرالى زاڭمەن بەلگiلەنگەن حابارلاردى كiدiرiسسiز جاريالاۋعا مۇمكiندiك تۋعىزادى (سايلاۋ تۋرالى كونستيتۋتسيالىق زاڭنىڭ 27-بابىنىڭ 7-تارماعى). وسى حابارلار مەملەكەتتiك ەمەس بۇقارالىق اق­پارات قۇرالدارىندا, ولاردىڭ رەداكتسيالارى كەلi­سiمiن بەرسە, جاريالانۋى مۇمكiن. بۇل جاعدايدا جاريالاۋ تيiستi سايلاۋ كوميسسياسى بەرگەن كولەمدە جۇزەگە اسىرىلادى. بۇقارالىق اقپارات قۇرالدارىنىڭ رەداكتسيالا­رى كانديداتتاردىڭ سايلاۋ ناۋقانىن وبەكتيۆتi تۇردە جاريالاۋدى جۇزەگە اسىرادى; كانديداتتىڭ ار-نامىسىنا, قادiر-قاسيەتiنە جانە iسكەرلiك بە­دە­لiنە كورiنەۋ نۇقسان كەلتiرەتiن ۇگiت ماتەريالدارى مەن وزگە دە اقپاراتتى جاريالاۋدان اۋلاق بولادى; ءوتiنiش كەلiپ تۇسكەننەن كەيiن مەرزىمدى باسپا باسى­لى­مىنىڭ تاياۋداعى نومiرiندە سول بەتتە, سونداي كو­لەمدە جانە سول قارiپپەن نەمەسە تەلەديدار نە راديو حابار­لارىندا جيىرما ءتورت ساعات iشiندە سونداي ۋاقىتتا اتالعان ادامدارعا ار-نامىسىن, قادiر-قاسيەتiن جانە iسكەرلiك بەدەلiن قورعاۋى ءۇشiن تەرiسكە شىعارۋدى تەگiن جاريالاۋىنا مۇمكiندiك بەرەدى (سايلاۋ تۋرالى كونستيتۋتسيالىق زاڭنىڭ 27-بابى­نىڭ 7-تارماعى). بۇقارالىق اقپارات قۇرالدارىنىڭ رەداك­تسيا­لا­رى كانديداتتىڭ سايلاۋ ناۋقانىن جاريا ەتكەن كەزدە كانديداتتاردىڭ قىزمەتi تۋرالى جاريالاۋدا ولار­دىڭ ەشقايسىسىنا ارتىقشىلىق تۋعىزباي, تەڭ­دiك جانە تەپە-تەڭدiك پرينتسيپتەرiن باسشىلىققا الادى. بۇقارالىق اقپارات قۇرالدارى بارلىق كاندي­دات­تار­دى ۇسىنۋ, ولاردى سايلاۋ كوميسسيالارىنىڭ تىركەۋى جونىندەگى ءىس-شارالار تۋرالى اقپاراتتى ءباسپاسوز بەتىندە, ەفير ۋاقىتىنىڭ كولەمى بويىنشا بىردەي تاراتۋعا مىندەتتى (سايلاۋ تۋرالى كونستيتۋتسيالىق زاڭنىڭ 27-بابىنىڭ 7-تارماعى). كانديداتتار نە ولاردىڭ سەنiم بiلدiرگەن ادام­دارى بولىپ تiركەلگەن جۋرناليستەردiڭ, بۇقارالىق اق­پارات قۇرالدارى رەداكتسيالارى لاۋازىمدى ادام­دا­رىنىڭ سايلاۋدى بۇقارالىق اقپارات قۇرال­دارى ار­قى­لى كورسەتۋگە قاتىسۋىنا قۇقىعى جوق (سايلاۋ تۋ­را­لى كونستيتۋتسيالىق زاڭنىڭ 27-بابىنىڭ 6-تارماعى). سايلاۋمەن بايلانىستى قوعامدىق پiكiرگە سۇراۋ سالۋ ناتيجەلەرiن جاريالاعان كەزدە بۇقارالىق اق­پ­ارات قۇرالدارىنىڭ رەداكتسيالارى سۇراۋ سالۋدى جۇرگiزگەن ۇيىمدى, سۇراۋ سالۋدى جۇرگiزۋگە تاپ­سى­رىس بەرگەن جانە ونىڭ اقىسىن تولەگەن ادامداردى, سۇراۋ سالۋ جۇرگiزiلگەن ۋاقىتتى, اقپارات جيناۋ ءادiسiن, سۇراۋ سالۋدىڭ ناقتى تۇجىرىمىن, سۇرال­عانداردىڭ سانى مەن سۇراۋ سالۋ ناتيجەسiنiڭ قاتەلiك كوەففيتسيەنتiن كورسەتۋگە مiندەتتi. بۇقارالىق اقپارات قۇرالدارىندا قوعامدىق پiكiرگە سۇراۋ سالۋ ناتيجەلەرiن, سايلاۋ ناتيجە­لە­رi­نiڭ بولجامىن, سايلاۋعا بايلانىستى وزگە دە زەرتتەۋلەردi داۋىس بەرiلەتiن كۇن الدىنداعى بەس كۇن iشiندە جانە داۋىس بەرiلەتiن كۇنi جاريالاۋعا جول بەرiلمەيدi (سايلاۋ تۋرالى كونستيتۋتسيالىق زاڭنىڭ 28-بابىنىڭ 9-تارماعى). قازاقستان رەسپۋبليكاسى ورتالىق سايلاۋ كوميسسياسى.