2008
* 8 تامىزدا ەلباسى نۇرسۇلتان نازارباەۆ قحر استاناسى بەيجىڭدە وتكەن ءححىح جازعى وليمپيا ويىندارىنىڭ سالتاناتتى اشىلۋىنا قاتىستى. ءتورت جىلدىقتىڭ ەڭ باستى سپورتتىق جارىسىنىڭ رەسمي اشىلۋ سالتاناتىنا الەمنىڭ 80-نەن استام ەلىنەن مەملەكەت جانە ۇكىمەت باسشىلارى كەلدى. وسى وليمپيا ويىندارىندا قازاقستاندىق سپورتشىلار سپورتتىڭ 6 تۇرىنەن 13 مەدال يەلەندى.
* 13 تامىزدا ەلباسى نۇرسۇلتان نازارباەۆ قىرعىزستاننىڭ شولپان-اتا قالاسىندا وسى ەلدىڭ پرەزيدەنتى قۇرمانبەك باكيەۆپەن كەزدەستى.
* 25 تامىزدا ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ سىرتقى ىستەر مينيسترلەرى كەڭەسىنىڭ ءىىى وتىرىسى ءوتتى. القالى جيىن ەلباسى نۇرسۇلتان نازارباەۆتىڭ كىرىسپە سوزىمەن اشىلدى. بۇل تۋرالى «ەگەمەن قازاقستان» گازەتىنىڭ 26 تامىز كۇنگى نومىرىندە «نۇرسۇلتان نازارباەۆ: سىرتقى ساياساتتاعى جالعىز دۇرىس قاعيدا – توزىمدىلىك پەن جاۋاپكەرشىلىك, ۇنقاتىسۋ» تاقىرىبىمەن ماقالا جاريالاندى.
* 28 تامىزدا تاجىكستان استاناسى دۋشانبەدە شانحاي ىنتىماقتاستىق ۇيىمىنا مۇشە-ەلدەر باسشىلارىنىڭ سامميتى ءوتتى. وتىرىستا قازاقستان پرەزيدەنتى نۇرسۇلتان نازارباەۆ ءسوز سويلەدى. مەملەكەت باسشىسى ۇيىمنىڭ دامۋ قارقىنىنا جانە العا قويىلعان مىندەتتەردىڭ شەشىلۋ بارىسىنا قاناعاتتاناتىندىعىن ءبىلدىردى. سونىمەن بىرگە, نۇرسۇلتان نازارباەۆ قاۋىپسىزدىك پەن تۇراقتى دامۋعا قاتەر توندىرەتىن بىرقاتار ماسەلەلەردى اتاپ كورسەتتى.
* 3 قىركۇيەكتە ەلباسى نۇرسۇلتان نازارباەۆ مەملەكەتتىك ساپارمەن ەلىمىزگە كەلگەن گەرمانيا فەدەراتيۆتىك رەسپۋبليكاسىنىڭ فەدەرالدىق پرەزيدەنتى حورست كەلەرمەن كەزدەستى. پرەزيدەنتتەر ساياسي, ساۋدا-ەكونوميكالىق جانە مادەني-گۋمانيتارلىق سالالار بويىنشا ەكىجاقتى كەلىسسوزدەر جۇرگىزدى.
* 5 قىركۇيەكتە مەملەكەت باسشىسى نۇرسۇلتان نازارباەۆ ماسكەۋ قالاسىندا بولىپ, ۇجىمدىق قاۋىپسىزدىك شارتى ۇيىمىنىڭ (ۇقشۇ) وتىرىسىنا قاتىستى.
* 22 قىركۇيەكتە اقتوبە قالاسىندا ەلباسى نۇرسۇلتان نازارباەۆ پەن رەسەي پرەزيدەنتى دميتري مەدۆەدەۆتىڭ قاتىسۋىمەن ەكى ەلدىڭ شەكارالاس وڭىرلەرى باسشىلارىنىڭ V فورۋمى ءوتتى.
* 5 قازاندا امەريكا قۇراما شتاتتارىنىڭ مەملەكەتتىك حاتشىسى كوندوليزا رايس قازاقستانعا ءبىر كۇندىك, ياعني قىسقا مەرزىمدى رەسمي ساپارمەن كەلدى. ەلباسى نۇرسۇلتان نازارباەۆ اقش مەملەكەتتىك حاتشىسىمەن اقوردادا كەزدەسىپ, كەلىسسوز جۇرگىزدى. تاراپتار حالىقارالىق, ايماقتىق ماسەلەلەردi تالقىلادى. كەزدەسۋدە قازاقستان-اقش قاتىناستارى كوپسالالى ەكەنى, ارادا ەشقانداي تۇسىنبەۋشىلىك جوق ەكەنى ءسوز بولدى.
* 10 قازاندا ەلباسى نۇرسۇلتان نازارباەۆ بىشكەكتە ءوتكەن تمد-عا مۇشە-مەملەكەتتەر باسشىلارى كەڭەسىنىڭ كەزەكتى وتىرىسىنا, سونداي-اق, ەۋرازەق مەملەكەتارالىق كەڭەسى جانە ورتالىق ازيا مەملەكەتتەرى باسشىلارىنىڭ كەزدەسۋىنە قاتىستى. سامميت قورىتىندىسى بويىنشا ءبىرقاتار ماڭىزدى قۇجاتتار قابىلداندى. ولاردىڭ اراسىندا دوستاستىقتىڭ ايماق-ارالىق جانە شەكارا ىنتىماقتاستىعى جونىندەگى كەڭەسى تۋرالى كەلىسىم, ەسىرتكى زاتتارىمەن, پسيحوتروپتىق زاتتارمەن جانە ولاردىڭ پرەكۋرسورلارىمەن كۇرەسۋدەگى ىنتىماقتاستىقتى جانداندىرۋ تۋرالى بىرلەسكەن مالىمدەمە دە بار.
* 13 قازاندا پرەزيدەنت ن.ءا.نازارباەۆتىڭ جارلىعىمەن «قازىنا» تۇراقتى دامۋ قورى مەن «سامۇرىق» مەملەكەتتىك اكتيۆتەردى باسقارۋ حولدينگى بىرىكتىرىلىپ, «سامۇرىق-قازىنا» ۇلتتىق ءال-اۋقات قورى قۇرىلدى.
* 14 قازاندا مەملەكەت باسشىسى نۇرسۇلتان نازارباەۆ ەلىمىزدە العاش رەت قازىرگى زامانعى تەحنولوگيالار كومەگىمەن سالىنعان استانا-ششۋچە اۆتوبانىنىڭ اشىلۋ راسىمىنە قاتىستى.
* 31 قازاندا ەلباسى نۇرسۇلتان نازارباەۆ قىتاي حالىق رەسپۋبليكاسى مەملەكەتتىك كەڭەسىنىڭ پرەمەرى ۆەن تسزياباونى قابىلدادى. تاراپتار ساياسي, ەكونوميكالىق جانە گۋمانيتارلىق سالالارداعى ىنتىماقتاستىقتىڭ كەڭ اۋقىمدى ماسەلەلەرىن تالقىلادى.
* 6 قاراشادا استانادا «نۇر وتان» پارتياسىنىڭ باستاماشىلىعىمەن جەمقورلىققا قارسى كۇرەس جونىندەگى فورۋم بولىپ ءوتتى. فورۋمدا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ ءسوز سويلەدى. فورۋمدا ەلباسى: «جەمقورلىق – مەملەكەتتىڭ, قوعامنىڭ دامۋىنا تەجەۋ بولاتىن, بولاشاعىنا كەسىرىن تيگىزەتىن ىندەت», – دەپ اتاپ كورسەتتى. بۇل تۋرالى «ەگەمەن قازاقستان» گازەتىنىڭ 7 قاراشا كۇنگى نومىرىندە «بۇل – نامىستىڭ ءىسى» تاقىرىبىمەن ماقالا جارىق كوردى.
* 21 قاراشادا اقوردادا مەملەكەت باسشىسى نۇرسۇلتان نازارباەۆتىڭ توراعالىعىمەن پرەزيدەنت جانىنداعى ۇلتتىق ينۆەستورلار كەڭەسىنىڭ العاشقى پلەنارلىق وتىرىسى ءوتتى. جيىندا مەملەكەت پەن بيزنەستىڭ بىرلەسۋى ناتيجەسىندە قارجى داعدارىسىنان شىعۋعا بايلانىستى وزەكتى ماسەلەلەر تالقىلاندى.
* 2 جەلتوقساندا 2009-2011 جىلدارعا ارنالعان «نۇرلى كوش» باعدارلاماسى ۇكىمەت قاۋلىسىمەن بەكىتىلدى.
* 10 جەلتوقساندا پرەزيدەنت نۇرسۇلتان نازارباەۆ «قازاقستان رەسپۋبليكاسىنىڭ سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى (سالىق كودەكسى)» كودەكسىنە قول قويدى.
* 15 جەلتوقساندا ەلباسى نۇرسۇلتان نازارباەۆ تاۋەلسىزدىك سارايىندا ەل ءتاۋەلسىزدىگىنىڭ 17-ءشى جىلدىعىنا بايلانىستى وتكىزىلگەن سالتاناتتى جيىندا ءسوز سويلەدى. «ءبىز بۇگىن تاۋەلسىزدىك مەرەكەسىن تۇڭعىش رەت استانانىڭ ەلوردالىق سيپاتىن اشا تۇسەتىن اسا ايشىقتى نىسان – تاۋەلسىزدىك سارايىندا قارسى الىپ وتىرمىز. «قازاق ەلى» مەموريالدىق كەشەنىن, بەيبىتشىلىك پەن كەلىسىم سارايىن جانە تاۋەلسىزدىك سارايىن بۇگىنگى قازاقستاننىڭ اجىراماس ەڭ قاستەرلى ۇشتاعان سيمۆولدىق بەلگىسى دەپ ايتۋعا بولادى. ەلوردانىڭ بۇل جاڭا نىساندارى – بابالارىمىز بىزگە امانات ەتىپ قالدىرعان قاسيەتتى اتامەكەنگە, بۇگىندە 130-دان استام ۇلت پەن ۇلىستىڭ وكىلى تاتۋ-ءتاتتى عۇمىر كەشىپ, حالىقتار دوستىعى, بەيبىتشىلىك پەن كەلىسىمدى تۋ ەتكەن وتانىمىزعا دەگەن ورتاق تاعزىم مەن قۇرمەتتى بىلدىرەدى», – دەدى ءوز سوزىندە ەلباسى نۇرسۇلتان نازارباەۆ.
* 25 جەلتوقساندا پرەزيدەنت نۇرسۇلتان نازارباەۆ «قازاقستان رەسپۋبليكاسىنىڭ باسەكەلەستىك تۋرالى» زاڭىنا قول قويدى.
* 29 جەلتوقساندا ەلباسى نۇرسۇلتان نازارباەۆ 2008 جىلدى قورىتىندىلاپ, ەلىمىزدىڭ جەتەكشى باق باسشىلارىنا سۇحبات بەردى. اڭگىمە بارىسىندا پرەزيدەنت 2008 جىلدىڭ قاۋىرت شارۋالارعا تولى بولعانىن, قولعا الىنعان شارالار ەلىمىزدىڭ داعدارىس سالدارىن ءساتتى ەڭسەرۋگە سەپتىگىن تيگىزگەنىن ايتىپ, وعان ناقتى مىسالدار كەلتىردى.