جۋىردا كوشەدە بولعان كولىك قاقتىعىسى كەزىندە «اۋدي» مەن «لادا پريورا» كولىگى سوقتىعىسىپ قالىپ, رەسەيلىك كولىكتەن تۇسكەن جىگىتتەر الىمجەتتىك قىلىپ, ماشيناداعى ءىرى كولەمدەگى اقشانى الىپ قاشىپ كەتكەن. وبلىستىق ءىىد تاراتقان مالىمەتتە وسىلاي دەپ حابارلاندى. اقشاسىن الدىرعان ازامات كۇيىنىپ, پوليتسياعا ارىزداندى. وڭاي اقشا ەمەس, 10 ملن تەڭگە. وسى ىسكە پوليتسيانىڭ جەدەل ۋاكىلدەرى, كريميناليستەر مەن تەرگەۋشىلەر جۇمىلدىرىلعان.
وبلىستىڭ پوليتسەيلەرى ءبىر كىسىدەي جۇمىلىپ, تاپا-تال تۇستە جۇرگىزۋشىنى ۇپتەپ كەتكەن قاراقشىلاردى ىزدەپ جۇرگەندە اقشاسى قولدى بولعان ازامات مۇرتىنان ك ۇلىپ ءجۇرىپتى.
وسى قىلمىستى ۇيىمداستىرۋعا بايلانىستى كۇدىك وزىنە تۇسكەندە عانا ۇرى كۇلكىسى تىيىلعان. «باقسام, باقا ەكەن» دەمەكشى, «توناۋشىلار» مەن «تونالۋشىلار» ۇيىمداسىپ, وسى ستسەناريدى دايىنداعان ەكەن.
تەرگەۋ بارىسىندا ءىرى ساۋدا ورنىنىڭ وكىلى بولىپ جۇمىس جاسايتىن 1986 جىلعى ازامات ءوز كۇناسىن تولىق مويىنداپتى. ول سول كۇنى ساۋدا ورنىنان ءىرى كولەمدە اقشا الىپ شىعىپ, سىبايلاستارىنا توناتۋ ارقىلى ءىز جاسىرعىسى كەلگەن. الايدا, ارام ويى ىسكە اسپادى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى