• رەسەي اقش-تا ۇكىم كۇتىپ جاتقان كاسىپكەر ۆيكتور بۋتتى شپيوندىق جاسادى دەپ ايىپتالعان رەسەي قورعانىس مينيسترلىگىنىڭ بۇرىنعى وفيتسەرى اندرەي حلىچەۆپەن ايىرباستامايتىنىن مالىمدەدى. وعان, ۆ.بۋتتىڭ ەشقاشان مەملەكەتتىك قىزمەتتە ىستەمەگەنى سەبەپ كورىنەدى. بىراق رەسەي تارابى ءوز ازاماتىنا جاردەمدەسۋدەن باس تارتپايتىنىن اشىق ايتىپ وتىر.
• ليۆيادا ازامات سوعىسى جالعاسۋدا. ەلدىڭ تابيعي بايلىعى مول اۋداندارى قولدان-قولعا كوشىپ جاتىر. كۇن وتكەن سايىن وپات بولعاندار سانى دا وسە تۇسۋدە. بيلىكتەن كەتەتىن ويى جوق مۋاممار كاددافيگە قاتىستى فرانتسيا مەن انگليا باستاعان ەۋروپا ەلدەرى قانداي شارا قولدانۋ كەرەكتىگى جونىندە پىكىر تالاستىرۋدا.
• رەسەيدىڭ ۋكرايناعا ساتاتىن گازىنىڭ باعاسى 2011 جىلى 1 مىڭ تەكشە مەترى ءۇشىن 300 دوللاردان اسىپ كەتۋى ىقتيمال. بۇل تۋرالى ۋكراينانىڭ ەنەرگەتيكا جانە كومىر ونەركاسىبى ءمينيسترىنىڭ ورىنباسارى ۆلاديمير ماكۋحا حابارلادى. رەسەي جاعى مۇنىڭ سەبەبىن الەمدىك رىنوكتا مۇنايدىڭ, باسقا دا وتىن تۇرلەرىنىڭ باعاسى وسكەنىمەن ءتۇسىندىرىپ وتىرعان كورىنەدى.
ينتەرنەت ماتەريالدارى نەگىزىندە ازىرلەندى.