«100 ناقتى قادام» ۇلت جوسپارىنىڭ ەت ءوندىرۋ مەن وڭدەۋ ءىسىن دامىتۋ تۋرالى تاپسىرماسىنا وراي بالقاش اۋدانىندا ىرگەلى جۇمىستار اتقارىلۋدا. بۇل تۋرالى الماتى وبلىسى اكىمىنىڭ ءباسپاسوز قىزمەتى حابارلادى.
اۋدان اكىمى عالىم توقپەيىسوۆتىڭ ايتۋىنشا, بۇگىنگى كۇنگە دەيىن اۋدان ىشكى نارىققا 1038 توننا سيىر ەتىن وتكىزگەن. وتكەن جىلى «جاقسىلىق» شارۋا قوجالىعى قىرعىز ەلىنە ەكسپورتقا ەت شىعاردى.
وسى اۋدانداعى «دارحان» شارۋا قوجالىعى جەكە قاراجاتى ەسەبىنەن 12 ملن. تەڭگەگە 200 باس ءىرى قاراعا ارنالعان مال بورداقىلاۋ الاڭىن سالىپ جاتىر.
وتباسىلىق شارۋاشىلىق تۇرلەرىن قولداۋ اياسىندا «يگىلىك - 2009» شارۋا قوجالىعى 30 باسقا, «اڭسار» شارۋا قوجالىعى 40 باسقا ارنالعان وتباسىلىق بورداقىلاۋ الاڭدارىن قۇرىپ, جۇمىس ىستەۋدە.