وبلىستاعى ءىرى ونەركاسىپ ورنى – «اقتوبە حروم قوسىندىلارى زاۋىتى» اق ۇستىمىزدەگى جىلى ءوندىرىستى دامىتۋعا وسىنشاما تەڭگە قارجى جۇمساماقشى
زاۋىتتا ءبىرىنشى كەزەكتە ءونىمنىڭ وزىندىك قۇنىنا ىقپال ەتەتىن قۋات ۇنەمدەۋ تەحنولوگياسىن يگەرۋگە باسىمدىق بەرىلۋدە. كاسىپورىندا وندىرىلەتىن ءونىم ساپاسى جاقساردى. مۇندا وندىرىلەتىن ءونىمنىڭ 95 پايىزى الىس شەتەلدەرگە ەكسپورتقا شىعارىلادى. قازاقستان, رەسەي جانە بەلورۋسسيا اراسىندا كەدەندىك وداق قۇرىلعاننان كەيىن زاۋىتقا سىرتتان اكەلىنەتىن شيكىزاتتىڭ جەتكىزىلۋ مەرزىمى اناعۇرلىم قىسقاردى. بۇل زاۋىتتىڭ ىرعاقتى جۇمىس ىستەۋىنە العىشارت جاساپ وتىر.
ال ءوندىرىستى دامىتۋعا قارالعان جوعارىداعى قارجىعا جاڭا نىساندار سالۋ, شلام توعاندارىن جوندەۋ جانە قايتا جاراقتاندىرۋ, ءسويتىپ, قورشاعان ورتانى قورعاۋ مەن قاۋىپسىزدىك تەحنيكاسىن جاقسارتۋ, جۇمىسشىلاردىڭ دەنساۋلىعىن ساۋىقتىرۋ كوزدەلۋدە. كاسىپورىن جاڭا جىلدىڭ باسىنان جۇمىس قارقىنىن ارتتىرا ءتۇستى.
ساتىبالدى ءساۋىرباي, اقتوبە وبلىسى.