بىلتىر وسىنشاما قارجىعا تەڭ ءتارتىپ بۇزۋشىلىقتار تىركەلگەن
وبلىستىق قارجى باقىلاۋ ينسپەكتسياسى بىلتىر ءتۇرلى مەنشىكتەگى 347 نىساننىڭ ەسەپ-قيساپ جۇمىستارىن تەكسەرىپ, 7489 ميلليون تەڭگەنىڭ ءتۇرلى ءتارتىپ بۇزۋشىلىقتارىن انىقتادى. بۇل كورسەتكىش الدىڭعى جىلعا قاراعاندا ايتارلىقتاي ازايعانىمەن, ماقساتسىز جۇمسالعان قاراجاتتىڭ ورنىن تولتىرۋ جايى كوڭىل كونشىتە بەرمەيدى. بيۋدجەتكە قايتارىلعانى – بار-جوعى 168,6 ميلليون تەڭگە. ورىن العان كەمشىلىكتەردى جويۋ ماقساتىمەن 370 ەسكەرتۋ جىبەرىلسە, ولاردان ورىن-دالعانى – 347 عانا.
اكىمشىلىك شارا قولدانۋ تۋرالى 54 قاۋلى شىعارىلىپ, 4 ميلليون 344 مىڭ تەڭگە ءوندىرىلگەن. قۇقىق قورعاۋ ورىندارىنا 510 ميلليون تەڭگەنىڭ ءتارتىپ بۇزۋشىلىعى جايلى 53 حاتتاما تاپسىرىلعان. 19 قىلمىستىق ءىس قوزعالىپ, 6 لاۋازىمدى تۇلعا سوتتالعان. مەملەكەتتىك ساتىپ الۋ تۋرالى شارتتاردى جارامسىز دەپ تانۋ جونىندە سوت ورگاندارىنا 14 تالاپ-ارىز تۇسىرسە, قاناعاتتاندىرىلعانى – 9.
ءومىر ەسقالي, سولتۇستىك قازاقستان وبلىسى.