جالعان قۇجاتپەن كولىك جۇرگىزگەن

«جالعاننىڭ جارعا جىعا­تىنى» بەلگىلى. بىراق, مۇنى بىلە تۇرا قۋلىق-سۇمدىقتىڭ نەشە اتاسى كورىنىس بەرۋدە. جالعان اقشانى بىلاي قويعاندا, ايىپپۇل ءتۇبىر­تەگىن قولدان جاساۋشىلار پاي­دا بولعانىن جۋىردا گازەتى­مىزدە جازىپ ەدىك. ەندى, مىنە, جالعان كولىك جۇرگىزۋشى كۋالىگىن جانقالتاسىنا سالىپ جۇرەتىندەر ارامىزدان تابىلىپ جاتىر. 24 قازاندا كوكشەتاۋ قالا­سىنىڭ م.اۋەزوۆ اتىن­داعى كوشەسىندە جول-پاترۋلدىك باتالو­نىنىڭ قىز­مەتكەرلەرى «مەرسەدەس بەنتس» جەڭىل كو­لىگىن توق­تاتقان. تەكسەرىس بارىسىندا سولتۇستىك قازاق­ستان وبلىسى ايىرتاۋ اۋدا­نى­نىڭ تۇرعىنى ۇسىنعان كۋا­لىك كۇ­دىك تۋدىرعاندىقتان, ارنايى ورىندارعا سۇراۋ سالىنادى. كوپ ۇزاماي ان­تو­نوۆكا اۋىلىنىڭ تۇر­عىنى سوتتىڭ شەشى­مىمەن كولىك قۇ­­رالدارىن باسقارۋ قۇقى­عىنان ايى­­رىلعاندىعى, ال كورسەتىلگەن قۇجاتتىڭ قولدان جاسالعاندىعى انىقتالعان. ايىپتالۋشىنىڭ ايتۋىنشا, جۇرگىزۋشى كۋالىگىن مۇنىڭ تۋىسى 100000 تەڭگەگە جاساپ بەرىپتى. ايتسە دە, «بالا-شا­عانىڭ» قامىن مۇنداي قاۋىپتى جولمەن اتقارۋدىڭ تۇپكى سالدارىن ەسكەرە قوي­ماعان ازامات قر قك 385-با­بىنىڭ 3-بولىمىمەن جاۋاپقا تارتىلىپ, سوت الدىنداعى تەكسەرىستەر جۇرگىزىلۋدە. بۇل باپ ءتارتىپ بۇزۋشىنىڭ 300 اي­لىق ايىپ­پۇل (600 مىڭ تەڭگە) تولەۋىن نەمەسە 75 تاۋلىككە قاماۋعا الىنۋىن قاراستىرادى. باقبەرگەەن امالبەك, «ەگەمەن قازاقستان»