قر ۇەم ستاتيستيكا كوميتەتى قازستات جوباسىنىڭ جۇزەگە اسىرۋ مەرزىمى اياقتالدى, دەپ xابارلايدى قازاقپارات.
«قازستات جوباسى قازاقستان مەن حالىقارالىق قايتا قۇرۋ جانە دامۋ بانكى اراسىنداعى كەلىسىم اياسىندا جۇزەگە اسىرىلدى. جوبا ماقساتى - قازاقستان ۇلتتىق ستاتيستيكا جۇيەسىن xالىقارالىق ادىستەمە مەن ۇزدىك تاجىريبەلەرىنىڭ نەگىزىندە تيىمدىلىگى مەن ناتيجەلىلىگىن ارتتىرۋ», - دەيدى قر ۇەم ستاتيستيكا كوميتەتىنىڭ توراعاسى نۇربولات ايداپكەلوۆ.
ەسكە سالا كەتەيىك, قازستات جوباسىن جۇزەگە اسىرۋ 2012 جىلى باستالدى. جوبا اياسىندا مامانداردىڭ كاسىبي دەڭگەيى جوعارىلاتىلىپ, قازاقستاننىڭ ستاتيستيكالىق ادىستەمەلىك بازاسى جەتىلدىرىلدى. جوباعا التى شەتەل ستاتيستيكالىق كەڭسەلەرىنەن تۇراتىن كونسورتسيۋم سەرىكتەستىك ەتەدى. قازستات بيۋدجەتى 2012 جانە 2016 جىلدار ارالىعىندا 22,8 ميلليون دوللاردى قۇراعان. ونىڭ 2,8 ميلليون دوللارى قر ۇكىمەتىنىڭ قارجىسى.
«دايىندىق كەزەڭىنەن سوڭ, ۇلتتىق ەكونوميكا مينيسترلىگىنە قاراستى ستاتيستيكا كوميتەتى اتالمىش جوبانى جۇزەگە اسىرۋعا كىرىستى. شەتەل كونسورتسيۋمدارىمەن كەلىسسوزدەر جۇرگىزىلىپ, سەرىكتەستىك تۋرالى كەلىسىم جاسالدى. قازستات - دۇنيەجۇزىلىك بانكتىڭ قازاقستانداعى ەڭ ءساتتى جوبالارىنىڭ ءبىرى», - دەپ اتاپ ءوتتى دۇنيەجۇزىلىك بانك تاراپىنان قاتىسقان جوبا جەتەكشىلەرىنىڭ ءبىرى مۇستافا دينچ.
قازىرگى ۋاقىتتا قازستات ارقاسىندا قازاقستاننىڭ ستاتيستيكالىق جۇيەسى 80 xالىقارالىق ادىستەمەمەن سايكەستەندىرىلدى. «سونىمەن قاتار ءبىز ستاتيستيكانىڭ اشىقتىعىن قامتاماسىز ەتۋ بويىنشا شارالار اتقارىپ جاتىرمىز. ناتيجەسىندە 2012 جىلى 597 مىڭ ادام كىرسە, بيىل قاراشا ايىنداعى جاعداي بويىنشا, 4,7 ملن. ادام كىرگەن. دەمەك, ستاتيستيكالىق مالىمەتتەر قورىنىڭ تانىمالدىلىعى 8 ەسەگە ارتتى دەگەن ءسوز», - دەدى ايداپكەلوۆ.