استاناداعى كونگرەسس-حولل اتاۋى «استانا» كونتسەرت زالى» بولىپ وزگەرمەك. وسىعان بايلانىستى نىساننىڭ قاسبەتىنە قايتا جاڭعىرتۋ جۇمىستارى جۇرگىزىلىپ جاتىر. بۇل تۋرالى «استانا اقشامى» باسىلىمى حابارلادى.
كونگرەسس-حولل بۇرىن تىڭ يگەرۋشىلەر سارايى بولعانىن بايىرعى تۇرعىندار جاقسى بىلەدى. كەيىن جاڭا شاھاردىڭ ءبىتىم-بولمىسىنا بايلانىستى 1998 جىلى قايتا تۇرلەنىپ, استانانىڭ ايشىقتى نىساندارىنىڭ بىرىنە اينالدى. ءتىپتى «كونگرەسس-حولل» اتاۋىمەن مەملەكەتتىك مەكەمە دە قۇرىلدى. الايدا 2010 جىلى وسىندا استانا مەملەكەتتىك اكادەميالىق فيلارمونياسى كوشىپ كەلۋىنە وراي ەكى مەكەمە بىرىگىپ, سوڭىندا «كونگرەسس-حولل» جەكە مەكەمە رەتىندەگى قىزمەتىن مۇلدە توقتاتتى. بىر سوزبەن ايتقاندا, بۇگىندە بۇل عيمارات تۇگەل - فيلارمونيانىڭ ەنشىسىندە.
«كونگرەسس-حولل» دەگەن ماجىلىستەر, رەسمي جيىندار وتەتىن ورىن دەگەن ماعىنانى بىلدىرەدى. ال مۇندا كوبىنە انشىلەردىڭ, ونەر ۇجىمدارىنىڭ كونتسەرتتىك باعدارلامالارى ۇيىمداستىرىلىپ ءجۇر. فيلارمونيانىڭ كونتسەرتى دە وسىندا وتەدى. بىراق جۇرتشىلىق كەيدە فيلارمونيانىڭ قايدا ەكەنىن بىلمەي, شاتاستىرىپ الاتىنى بار. سوندىقتان عيماراتتىڭ ماڭدايشاسىنداعى جازۋدى وزگەرتپەكشىمىز. بۇل تۋرالى قالا اكىمىنىڭ قاۋلىسى شىقتى. ال نىساننىڭ قاسبەتىندەگى ۇلكەن ەكرانعا «فيلارمونيا» دەگەن جازۋ تۇرادى, اينالاسى قازاقتىڭ ويۋ-ورنەگىمەن كوركەمدەلەتىن بولادى» , - دەيدى استانا مەملەكەتتىك اكادەميالىق فيلارمونياسىنىڭ باس ديرەكتورى ءارى كوركەمدىك جەتەكشىسى ساكەن ابدراحمانوۆ.
ءيا, عيماراتتىڭ اتاۋى وزگەرگەنىمەن, استانا كونگرەسس-حوللسىز قالمايدى. «ەكسپو-2017» حالىقارالىق كورمە اۋماعىندا جاڭا كونگرەسس-حولل عيماراتىنىڭ قۇرىلىسى جۇرگىزىلىپ جاتىر. بۇل تۋرالى جاقىندا جاھاندىق كورمەنىڭ دامۋىنا وراي وتكەن جيىندا ايتىلدى.