كەشە «قازمەديا ورتالىعىندا» «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپارات جانە كوممۋنيكاتسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەۋ جونىندەگى جۇمىس توبىنىڭ العاشقى وتىرىسى ءوتتى.
توپتىڭ جۇمىسىنا پارلامەنت دەپۋتاتتارى, مەملەكەتتىك ورگانداردىڭ, ۇكىمەتتىك ەمەس ۇيىمداردىڭ, بۇقارالىق اقپارات قۇرالدارىنىڭ جانە قوعامداستىقتىڭ وكىلدەرى قاتىستى.
ءىس-شارا بارىسىندا زاڭ جوباسىنىڭ نەگىزگى ەرەجەلەرى تالقىلاندى, ول 1 قاراشادا مينيسترلىكتىڭ رەسمي سايتىنا ورنالاستىرىلدى.
وتىرىستى اشۋ بارىسىندا اقپارات جانە كوممۋنيكاتسيالار ءمينيسترى داۋرەن اباەۆ زاڭ جوباسىن ازىرلەۋ باسىندا مينيسترلىك بارلىق مۇددەلى تۇلعالار قاتىسقان كەزدە ونى تالقىلاۋدىڭ اشىقتىعى مەن قولجەتىمدىگىن قامتاماسىز ەتۋ ماقساتىن العا قويعانىنا نازار اۋداردى.
ول, سونداي-اق, اقپارات, بايلانىس ءجانە اقپاراتتاندىرۋ سالاسى بۇگىندە شىن مانىندە, جاھاندىق دەڭگەيدە بولىپ جاتقان تەحنولوگيالىق جانە قوعامدىق قايتا قۇرىلۋ اۆانگاردىندا اۋقىمدى وزگەرىستەرگە ۇشىراپ جاتقانىن اتاپ ءوتتى.
د.اباەۆ قوعامداستىققا ۇسىنىلعان زاڭ جوباسى مينيسترلىكتىڭ پىكىرى بويىنشا قازىرگى كەزەڭدە تالاپ ەتەتىن وزگەرىستەردىڭ كورىنىسى بولىپ تابىلاتىنىن اتاپ ءوتتى.
مينيستر وسى جۇمىسقا بەلسەندى قاتىسقان جۇمىس توبىنىڭ بارلىق مۇشەلەرىنە ريزاشىلىعىن ءبىلدىردى جانە بارلىقتارىنا تابىستى ەڭبەك تىلەدى. ءىس-شارادا, سونداي-اق, اقپارات جانە كوممۋنيكاتسيالار ۆيتسە-ءمينيسترى ا.اجىباەۆ پەن جۇمىس توبىنىڭ باسقا دا مۇشەلەرى ءسوز سويلەدى.
وتىرىستا ايتىلعان بارلىق ۇسىنىستار مينيسترلىك تاراپىنان ەسكەرىلىپ, ودان ءارى جۇمىستا پايدالانىلاتىن بولادى.
زاڭ جوباسىنىڭ ماقساتى بۇقارالىق كوممۋنيكاتسيانىڭ تەحنولوگيالارىن دامىتۋعا سايكەس باق, تەلەراديو حابارلارىن تاراتۋ, اقپاراتتاندىرۋ جانە بايلانىس سالاسىندا قوعامدىق قاتىناستاردى قۇقىقتىق رەتتەۋ بولىپ تابىلادى.
قۇجاتتا 200-گە جۋىق تۇزەتۋلەر قامتىلعان جانە 4 كودەكس پەن 12 زاڭعا ءوزگەرىستەر مەن تولىقتىرۋلار ەنگىزۋ كوزدەلەدى.
جۇمىس توبىنىڭ قۇرامىنا 60-قا جۋىق ادام كىردى.
«ەگەمەن-اقپارات»