ەلباسى «قازاتومونەركاسىپ» ۇاك» اق باسقارماسىنىڭ توراعاسى اسقار جۇماعاليەۆتى قابىلدادى, دەپ حابارلايدى اقوردانىڭ ءباسپاسوز قىزمەتى.
كەزدەسۋدە ا.جۇماعاليەۆ مەملەكەت باسشىسىنا ۇلتتىق اتوم كومپانياسىنىڭ 2016 جىلعى 9 ايدا اتقارعان جۇمىسى تۋرالى باياندادى. قازاقستان پرەزيدەنتى بۇل سالا ءونىمىنىڭ الەمدىك نارىقتاعى ۇلەسى جوعارى ەكەنىن اتاپ ءوتتى.
ء"بىزدىڭ مىندەتىمىز - تولىق يادرولىق وتىن تسيكلىنىڭ بارلىق ۇدەرىسىنە قاتىسۋعا مۇمكىندىك الۋ. بۇل سالادا باسقا ەلدەرمەن ءوزارا ىنتىماقتاستىقتىڭ دەڭگەيىن ارتتىرۋ كەرەك", - دەدى نۇرسۇلتان نازارباەۆ.
سونداي-اق مەملەكەت باسشىسى ءپروفيلدى ەمەس اكتيۆتەردەن ارىلۋ جانە ترانسفورماتسيالاۋ باعدارلاماسىن ىسكە اسىرۋ ماسەلەلەرىنە نازار اۋداردى. ۇلتتىق اتوم كومپانياسى باسقارماسىنىڭ توراعاسى ەلباسىعا ءۇلبى مەتاللۋرگيا زاۋىتىنىڭ اۋماعىندا زاۋىت سالۋ جوباسىنىڭ تەحنيكالىق-ەكونوميكالىق نەگىزدەمەسىنىڭ اياقتالعانى جانە قاجەتتى جابدىق ءوندىرۋدىڭ باستالعانى تۋرالى باياندادى. بۇعان قوسا, ا.جۇماعاليەۆ شەتەلدىك سەرىكتەستەرمەن ارادا بيىل جاسالعان كەلىسىمدەر جانە بەكىتىلگەن كەلىسىمشارتتار تۋرالى, سونداي-اق كومپانيا قۇرامىنان ءپروفيلدى ەمەس 26 اكتيۆتىڭ شىعارىلاتىنى تۋرالى حاباردار ەتتى.
كەزدەسۋ قورىتىندىسى بويىنشا مەملەكەت باسشىسى بىرقاتار ناقتى تاپسىرما بەردى.