قر ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ قازاقستانداعى ەۋروپالىق وداق وكىلدىگىنىڭ باسشىسى ترايان لاۋرەنتسيۋ حريستەامەن كەزدەستى, دەپ حابارلايدى egemen.kz primeminister.kz سايتىنا سىلتەمە جاساپ.
كەزدەسۋ بارىسىندا ن. ەرمەكباەۆ 2015 جىلعى 21 جەلتوقساندا قابىلدانعان استانادا قر مەن ەو اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى كەلىسىمگە باسا نازار اۋداردى.
مينيستر ۆەدومستۆو قىزمەتىنىڭ نەگىزگى باعىتتارى تۋرالى ايتا كەلە, مينيسترلىك مەملەكەت پەن ءدىني بىرلەستىكتەر, ازاماتتىق قوعام اراسىنداعى ارىپتەستىك جانە ءوزارا تۇسىنىستىك قاتىناستاردى دامىتۋدى قامتاماسىز ەتەتىنىن ايتتى. سونىمەن قاتار ۇكىمەتتىك ەمەس ۇيىمداردىڭ مەملەكەتتىك قولداۋ بويىنشا قابىلدانىپ جاتقان شارالارى تۋرالى, ولاردىڭ دامۋى ءۇشىن وزگە دە قولايلى جاعدايلاردى جاساۋ جونىندە حابارلادى. قازاقستاندا ورتاق الەۋمەتتىك جوبالاردى ىسكە اسىرۋ ماسەلەسىن پىسىقتاۋدى, كونسۋلتاتسيالار جۇرگىزىپ, جاھاندىق جانە وڭىرلىك قاۋىپسىزدىكتى قولداۋ شارالارىن قولدانۋدى ۇسىندى.
ەو وكىلدىگىنىڭ باسشىسى قازاقستاندا وڭىرلىك ىنتىماقتاستىق اياسىندا جۇرگىزىلىپ جاتقان جۇمىستار تۋرالى حابارلادى. ءوز جوسپارلارىمەن ءبولىسىپ, مينيسترلىكپەن ءوزارا ءىس-قيمىلدى دامىتۋعا نيەتتى ەكەنىن ايتتى.
قورىتىندى بويىنشا ازاماتتىق قوعامدى دامىتۋ مەن ازاماتتاردىڭ قۇقىعىن ءدىني سەنىم بوستاندىعىمەن قامتاماسىز ەتۋ ماقساتىندا ىنتىماقتاستىق تۋرالى ۋاعدالاستىققا قول جەتكىزىلدى.