نيۋ-يوركتە قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان ۆەلوشەرۋ ءوتتى. وعان اقش-تاعى وتانداستارىمىز, ستۋدەنتتەر مەن ديپلوماتتار قاتىستى, دەپ حابارلايدى egemen.kz «حابار 24» ارناسىنا سىلتەمە جاساپ.
قازاقستاندىق كوماندانى اتاقتى ۆەلوشاباندوز, وليمپيادا چەمپيونى الەكساندر ۆينوكۋروۆ باستاپ باردى. ۆەلوشەرۋگە ەلىمىزدىڭ نيۋ-يوركتەگى باس كونسۋلدىعى ۇيىتقى بولىپ, قازاقستان-امەريكا اليانسى قولداۋ كورسەتتى.
«تۋىمىزدى جەلبىرەتىپ, نيۋ-يورك تورىندە ۆەلوسيپەد تەبەمىز دەپ 25 جىل بۇرىن كىم ويلاعان؟! وسىنداعى ورتالىق ساياباقتا جۇرگەننىڭ ءوزى ءبىر عانيبەت! ەرتە تۇرىپ, ساياباق ىشىندە جۇگىرىپ, اينالانى كورىپ العام. ادامدار قاپتاپ ءجۇر. سپورتتى بۇقارالىق سيپاتتا دامىتۋ دەگەنىمىز وسى. ءبىزدىڭ ەلىمىزدە دە سالاۋاتتى ءومىر سالتىن كەڭىنەن ناسيحاتتاۋعا كوپ كوڭىل ءبولىنىپ جاتىر. يگى ءىستىڭ جارقىن ۇلگىسى - الەمدى شارلاپ جۇرگەن ءبىزدىڭ «Astana Pro Team» كوماندامىز», - دەيدى وليمپيادا چەمپيونى الەكساندر ۆينوكۋروۆ.
ۆەلوشەرۋگە قاتىسقاندار پرەزيدەنت نۇرسۇلتان نازارباەۆتىڭ انتيادرولىق باستامالارى جانە EXPO مەن «استانا» حالىقارالىق قارجى ورتالىعىنىڭ بەلگىلەرى بەينەلەنگەن جەيدەلەر كيىپ, كوپشىلىك كوزايىمىنا اينالدى.