قازاقستاندىق اۋىر اتلەت اننا نۇرمۇحامبەتوۆا لوندونداعى 2012 جىلعى وليمپيادا ويىندارىنىڭ قولا جۇلدەگەرى اتاندى, دەپ حابارلايدى Sports.kz حالىقارالىق وليمپيادا كوميتەتىنىڭ سايتىنا سىلتەمە جاساپ.
2012 جىلعى وليمپيادادا نۇرمۇحامبەتوۆا 69 كەلى سالماق دارەجەسىنە دەيىن ونەر كورسەتىپ, 5-ورىنعا يە بولدى. حوك 3-ءشى جانە 4-ءشى ورىن العان بەلورۋسسيالىق زىلتەمىرشىلەر مارينا شكەرمانكوۆا مەن دينا سازونوۆەتستى دوپينگ سىنامانىڭ وڭ ناتيجەسىنە بايلانىستى شەتتەتتى. وسىلايشا قولا مەدال قازاقستاندىق سپورتشىعا بۇيىردى.
وسىعان دەيىن قارسىلاستارىنىڭ دوپينگ پايدالانعانى ءۇشىن قازاقستاندىق جەڭىل اتلەت ولگا رىپاكوۆا 2008 جىلعى وليمپيادانىڭ قولا مەدالىنە يە بولدى.