2017 جىلدىڭ 12 شىلدەسىندە ەكسپو-2017 حالىقارالىق كورمەسىندەگى گەرمانيا ۇلتتىق پافيلونىنىڭ اشىلۋى بولادى. بۇل تۋرالى اقوردادا مەملەكەتتىك حاتشى گۇلشارا ابدىقالىقوۆانىڭ گەرمانيا فەدەراتيۆتىك رەسپۋبليكاسى پارلامەنتى بۋندەستاگىنىڭ دەپۋتاتى سيبيللە پفايفەرمەن كەزدەسۋى بارىسىندا ءمالىم بولدى.
كەزدەسۋ بارىسىندا مەملەكەتتىك حاتشى بۋندەستاگ دەپۋتاتىنا استانادا وتەتىن اۋقىمدى شاراعا دايىندىقتار بارىسى جونىندە ماعلۇمات بەردى. سونداي-اق, كەلەر جىلدىڭ شىلدە ايىندا گەرمانيا ۇلتتىق پاۆيلونىنىڭ اشىلۋىنا قاتىساتىن مارتەبەلى مەيمانداردى قازاقستاندىق تاراپ قوناقجايلىقپەن قارسى الاتىندىعىن جەتكىزدى.
بۇل كۇنگى كەزدەسۋ بارىسىندا قوس تاراپ قازاقستان مەن ەۋروپالىق وداق اراسىنداعى كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمدى ىسكە اسىرۋ ماسەلەسىنە ەرەكشە نازار اۋداردى. كەلىسىمنىڭ جۇزەگە اسۋى ءوزارا ساۋدانىڭ ودان ءارى ورىستەۋىنە, قازاقستان مەن ەۋرووداق ەلدەرى اراسىنداعى ارىپتەستىكتىڭ نىعايۋىنا ۇلەس قوساتىنىنا سەنىم ءبىلدىردى.