پەتروپاۆل قالاسىندا «بولاشاق» اتتى جەدەل-ساۋىقتىرۋ شاراسى ءوتتى, دەپ حابارلايدى egemen.kz سولتۇستىك قازاقستان وبلىسى ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساپ.
4 كۇننىڭ ىشىندە ءتارتىپ ساقشىلارى 1400-دەن استام مەملەكەتكە قارىزدار ازاماتتارمەن كەڭەس جۇرگىزدى. ساۋىقتىرۋ شاراسىنىڭ ناتيجەسىندە جالپى سوماسى 4,4 ملن تەڭگە بولاتىن 450 ايىپپۇل تولەندى. «بورىشكەر» شاراسىنىڭ بارىسىندا بەرەشەك ازاماتتاردىڭ جۇمىس ورىندارىنا قۇنى 1,5 ملن تەڭگە بولاتىن اكىمشىلىك ايىپ سالۋ تۋرالى 140 قاۋلى جىبەرىلدى, 4 كولىك ارنايى تۇراققا قويىلدى.
پوليتسيا قىزمەتكەرلەرى سالىنعان ايىپپۇل زاڭدا رۇقسات ەتىلگەن 30 كۇننىڭ ىشىندە تولەنبەيتىن بولسا, ول قارىز ءماجبۇرلى تۇردە الىناتىندىعىن ەسكەرتەدى. مۇنداي جاعدايدا ايىپپۇل قارىزدارىن ازاماتتار 25 پايىز قوسىمشامەن تولەيدى.