يسلام دامۋ بانكى 2017-2020 جىلدارى قازاقستان ەكونوميكاسىنا 300 ملن دوللاردان استام قاراجات قۇيۋدى جوسپارلاپ وتىر. بۇل تۋرالى جۋرناليستەرگە بەرگەن سۇحباتتا «استانا» حالىقارالىق قارجى ورتالىعىنىڭ (احقو) باسشىسى قايرات كەلىمبەتوۆ مالىمدەدى, دەپ حابارلايدى egemen.kz قازاقپاراتقا سىلتەمە جاساپ.
احقو باسشىسى اتاپ وتكەندەي, ەلباسىنىڭ ساۋد ارابياسى كورولدىگىنە جاساعان ساپارى اياسىندا بىرلەسكەن ۇكىمەتارالىق كەزدەسۋ ءوتىپ, ءتۇرلى مينيسترلىكتەر ءوز باعىتتارى بويىنشا ساۋد ارابياسىمەن ىنتىماقتاستىق مۇمكىندىكتەرىن قاراستىردى.
«ساۋد ەكونوميكاسى تاياۋ شىعىستاعى ىرىلەردىڭ ءبىرى. بۇل اتالعان وڭىردەگى ءبىزدىڭ نەگىزگى ستراتەگيالىق سەرىكتەسىمىز. سوندىقتان ۋاقىتتى سالىستىرىپ, ءوزارا ىنتىماقتاسۋ باعىتتارى تۋرالى كەلىسۋ ماڭىزدى بولدى», - دەدى قايرات كەلىمبەتوۆ.
سونداي-اق ول قارجى سالاسىندا يسلام دامۋ بانكى توبىمەن كەلىسسوزدەر جۇرگىزىلگەنىن قوستى.
«بۇل يسلامدىق قارجىلاندىرۋ سالاسىنداعى ءىرى بانك. ءبىز حالىقارالىق قارجى ورتالىعى اياسىندا يسلامدىق قارجىلاندىرۋ سالاسىنداعى ءوز جۇمىسىمىزدى راستادىق. يسلام دامۋ كورپوراتسياسىمەن ىنتىماقتاستىق تۋرالى مەموراندۋمعا قول قويدىق. بۇل جەكە سەكتورعا ىقپالداسۋمەن اينالىساتىن ارنايى ۇيىم. سونىڭ ىشىندە, يسلام دامۋ بانكى 2017-2020 جىلدارى قازاقستان ەكونوميكاسىنا 300 ملن دوللاردان استام قاراجات قۇيۋدى جوسپارلاپ وتىر», - دەدى قايرات كەلىمبەتوۆ.
ونىڭ سوزىنە قاراعاندا, يسلام دامۋ بانكى «استانا» حالىقارالىق قارجى ورتالىعىنا «استانا» حالىقارالىق قارجى ورتالىعى تۋرالى» كونستيتۋتسيالىق زاڭ اياسىندا يسلامدىق قارجىلاندىرۋدىڭ ەكو-جۇيەسىن قۇرۋعا كومەكتەسەدى.