قازاقستان پرەزيدەنتى نۇرسۇلتان نازارباەۆ يسلام دامۋ بانكىنىڭ باسشىسى باندار بەن مۇحامماد حادجارمەن كەزدەستى. تاراپتار قازاقستان مەن يسلام دامۋ بانكى اراسىنداعى ىنتىماقتاستىقتىڭ وزەكتى ماسەلەلەرىن تالقىلادى, دەپ حابارلايدى اقوردانىڭ ءباسپاسوز قىزمەتى.
مەملەكەت باسشىسى ەلىمىزدىڭ ەكونوميكاسىن نىعايتۋعا جانە حالقىمىزدىڭ ءال-اۋقاتىن ارتتىرۋعا يسلام دامۋ بانكى ەلەۋلى ۇلەس قوسقانىن اتاپ ءوتتى.
– قازىرگى تاڭدا ءبىز «استانا» حالىقارالىق قارجى ورتالىعىن قۇرۋدامىز. يسلام دامۋ بانكى ونىڭ قىزمەتىنە اتسالىساتىنىنا سەنىمدىمىن, – دەدى نۇرسۇلتان نازارباەۆ.
اڭگىمە بارىسىندا بانك پەن قازاقستاننىڭ ورتاق جوبالارىنىڭ جالپى قۇنى 1,3 ملرد دوللاردان اسقانى اتاپ ءوتىلدى. 2015 جىلى يسلام دامۋ بانكى قۇنى 665 ملن دوللار بولاتىن 4 جوبانى قابىلداپ العان.
باندار بەن مۇحامماد حادجار ءبىزدىڭ رەسپۋبليكامەن تابىستى ىنتىماقتاستىق ودان ءارى جالعاسىپ, بانك قازاقستان ەكونوميكاسىن دامىتۋعا باعىتتالعان جوبالارعا قاتىسا بەرەدى دەپ ۇمىتتەنەتىنىن جەتكىزدى.