اعىمداعى جىلدىڭ 9 ايىندا ينۆەستيتسيالاردىڭ كولەمى 4,1%-عا 5,1 ترلن. تەڭگەگە ءوستى. ءوسۋ «نۇرلى جول» جانە «يدمب» باعدارلامالارىنىڭ شەڭبەرىندە يندۋستريالىق-يننوۆاتسيالىق جانە ينفراقۇرىلىمدىق جوبالاردى ىسكە اسىرۋعا نەگىزدەلگەن. بۇل تۋرالى توعىز ايدىڭ الەۋمەتتىك-ەكونوميكالىق قورىتىندىلارىنا ارنالعان ۇكىمەت وتىرىسىندا ايتىلدى.
وتكەن جىلدىڭ وسى كەزەڭىندە ينۆەستيتسيالاردىڭ ءوسۋى 3,5%-دى قۇراعان بولاتىن. ينۆەستيتسيالىق بەلسەندىلىكتى ارتتىرۋ اعىمداعى جىلى ەكونوميكالىق ءوسۋدىڭ وڭ قارقىندارىن قولداۋعا ىقپال ەتەدى جانە بولاشاقتا ەكونوميكانىڭ ورنىقتى ءوسۋىنىڭ نەگىزىن قالايدى دەدى ۇلتتىق ەكونوميكا ءمينيسترى قۋاندىق بيشىمباەۆ.
شەتەلدىك ينۆەستيتسيالاردىڭ تازا اعىنى ەسەپتى كەزەڭدە 5,7 ملرد. اقش دوللارىن قۇرادى, بۇل وتكەن جىلعى ناقتىلانعان دەڭگەيدەن 4,4 ەسەگە جوعارى (1,3 ملرد. اقش دولل.). تىكەلەي شەتەلدىك ينۆەستيتسيالاردىڭ قوماقتى ۇلەسى جاڭا ينۆەستيتسيالىق جوبالاردى قارجىلاندىرۋعا باعىتتالدى.
دينارا بىتىكوۆا