بۇگىنگى كۇندە قازاقستاندا وندىرىلگەن تاۋارلارعا باسىمدىق بەرۋ باعىتىنداعى شاراپاتتى ىستەردىڭ كۇن وتكەن سايىن ءورىسىن كەڭگە جايىپ كەلە جاتقانى ءمالىم. تاياۋدا «NاDLoC» جەرگىلىكتى مازمۇندى دامىتۋ جونىندەگى ۇلتتىق اگەنتتىگى» اق ۇيىمداستىرعان «قازاقستاندا جاسالعان» اكتسياسى اياسىندا قاراعاندى وبلىسىندا جۇمىس ىستەيتىن كاسىپورىنداردى ارالاۋعا ارنالعان ءباسپاسوز تۋرى جوعارىدا ايتىلعان سوزدەردىڭ نەگىزسىز ەمەستىگىنە تاعى ءبىر مارتە كوز جەتكىزدى.
اتالعان شارا بارىسىندا رەسپۋبليكالىق باق وكىلدەرى «گيدرو سەرۆيس» جشس, «Alian Paint» جشس, «قاراعاندى اياق كيىم فابريكاسى» جشس, «رۋمي-ەن» جشس, «ەلەكترود-سك» جشس, «قاراعاندى-بەتون» جشس سىندى بۇگىنگى كۇندە تابىستى جۇمىس ىستەپ تۇرعان وندىرىستىك كاسىپورىنداردى ارالاپ, ولاردىڭ تىنىس-تىرشىلىگىمەن تانىستى.
العاشقى ايالداعان كاسىپورىن «قاراعاندى اياق كيىم فابريكاسى» جشس بولدى. بۇگىنگى كۇندە 60 ادام ەڭبەك ەتەتىن فابريكادا ايىنا 4 مىڭ جۇپ اياق كيىم شىعارىلادى. كاسىپورىن ەلىمىزدىڭ جەڭىل ونەركاسىپ سالاسىنداعى ۇزدىكتەردىڭ بىرىنەن سانالادى. قازىرگى تاڭدا كەندى وڭىردەگى ءوندىرىس وشاقتارىنىڭ سۇرانىسىن تولىق قامتاماسىز ەتىپ وتىرعانىنا قاراماستان, فابريكا باسشىلىعى بولاشاقتا ءوندىرىستى كەڭەيتۋگە بەيىلدى ەكەن. دەگەنمەن, ازىرگە ول دەڭگەيگە الىپ شىعار سۇرانىس بولماي تۇر. جىل باسىندا كاسىپورىندا تاعى ءبىر جاڭا جەلى ىسكە قوسىلىپ, مودەلدى اياق كيىمدەر شىعارىلا باستادى. بۇل تۋرالى ءباسپاسوز تۋرى كەزىندە جۋرناليستەرگە كاسىپورىن باسشىلىعى ايتىپ بەردى.
بۇدان كەيىن ءباسپاسوز تۋرىنا قاتىسۋشىلار 1997 جىلى قاراعاندى ش ۇلىق فابريكاسىنىڭ نەگىزىندە قۇرىلعان «رۋمي-ەن» فيرماسىنىڭ تىرلىگىمەن تانىستى. كاسىپورىن ەرلەر, ايەلدەر جانە بالالارعا ارنالعان ش ۇلىقتاردىڭ 50-دەن استام ءتۇرىن شىعارادى ەكەن. بۇل ونىمدەر «ۇلتتىق ساراپتاۋ جانە سەرتيفيكاتتاۋ ورتالىعى» اق كورسەتكەن بارلىق زاماناۋي تالاپتار مەن حالىقارالىق ستاندارتتارعا تولىقتاي سايكەس كەلەتىن كورىنەدى.
جۋرناليستەر تانىسقان تاعى ءبىر ورتا بيزنەس وكىلى – «ALIAN-paint» كومپانياسى لاك جانە بوياۋ ونىمدەرىن شىعارادى. قۇرىلعاننان بەرگى 13 جىلدىڭ ىشىندە ىرگەلى كاسىپورىنعا اينالىپ ۇلگەرگەن. مىسالى, فيرما استاناداعى ەكسپو نىساندارىنا بيىلعى كوكتەمدە 97 مىڭ توننا ەكونوم-سىنىپتى بوياۋ جەتكىزىپتى. تاياۋدا تاعى دا 50 توننا ونىمگە تاپسىرىس العان. سونىمەن قاتار, كاسىپورىن كەلەسى جىلى الماتىدا وتەتىن قىسقى ۋنيۆەرسيادانىڭ نىساندارىنا دا بوياۋ جەتكىزۋدى جوسپارلاپ وتىر. جالپى, مۇنداعى تا-ۋارلار ەكى رەتتەن ساپا باقىلاۋىنان وتەدى ەكەن. كاسىپورىنعا ەنگىزىلگەن جاڭا تەحنولوگيانىڭ ارقاسىندا قۇرىلىسقا ارنالعان سۋلى نەگىزدەگى لاك بوياۋ ونىمدەرىنىڭ الۋان ءتۇرى شىعارىلادى. ولاردىڭ اراسىندا بوياۋ, لاك, ەمال, گەرمەتيكتەر, ەدەن جاپقىشتارعا ارنالعان جەلىمدەر بار. «ALIAN-paint» ونىمدەرى ەۋروپالىق, ەكولوگيالىق ستاندارتتارعا تولىق جاۋاپ بەرەدى. ءبىر ايتا كەتەرلىگى, مۇنداعى شيكىزاتتىڭ 65 پايىزى – وتاندىق ونىمدەر. سىرتتان تەك حيميالىق زاتتار عانا الىنادى.
سونداي-اق, رەسپۋبليكالىق باق وكىلدەرى «قاراعاندى-بەتون» كاسىپورنىندا دا بولدى. 2004 جىلى قۇرىلعان كومپانيا بەتوندى قوسپا جانە تسەمەنتتى قۇم ەرىتىندىسىن وندىرۋمەن اينالىسادى. وندىرىستە 50 ادام جۇمىس ىستەيدى.
مىنە, قازىرگى تاڭدا وسىنداي حالىقارالىق تالاپتارعا ساي ساپاسى جوعارى ءونىمدى شىعاراتىن وتاندىق وندىرۋشىلەرگە ينۆەستيتسيالار جانە دامۋ مينيسترلىگى جانىنداعى جەرگىلىكتى مازمۇندى دامىتۋدىڭ ۇلتتىق اگەنتتىگى بارىنشا قولداۋ كورسەتۋدە. مىسالى, ءۇش جىل قاتارىنان اتالعان اگەنتتىك وتاندىق وڭدەلگەن تاۋارلاردىڭ, جۇمىستار مەن كورسەتىلگەن قىزمەتتەردىڭ ىشكى نارىقتاعى شىعىندارىن وتەپ كەلەدى.
سونداي-اق, ءباسپاسوز تۋرى شەڭبەرىندە «قازاقمىس» كورپوراتسياسى» جشس, «قازتسينك» جشس, «ERG» جشس سياقتى ءىرى كومپانيا وكىلدەرىنىڭ قاتىسۋىمەن كەزدەسۋلەر دە ۇيىمداستىرىلدى. شارا بارىسىندا يمپورتتالاتىن ونىمدەردى وتاندىق تاۋارلارمەن الماستىرۋ ماسەلەلەرى تالقىلاندى.
بۇدان بولەك, اگەنتتىك ءونىمنىڭ جاڭا تۇرلەرىن شىعارۋعا جاردەمدەسۋ جۇمىستارى اياسىندا «ERG», «قازاقمىس», «قازمىرىش» سياقتى الەۋەتتى تاپسىرىس بەرۋشىلەردى تارتۋ ارقىلى شاعىن جانە ورتا بيزنەس كاسىپورىندارىندا كوشپەلى جيىندار وتكىزدى. بۇل باسقوسۋلاردا قاجەتتى تاۋارلاردىڭ وتاندىق ءوندىرۋشىلەردەن مەيلىنشە كوبىرەك ساتىپ الىنۋى كەرەكتىگىنە باسا ءمان بەرىلدى.
قاراعاندىدا وتكەن ءباسپاسوز تۋرىنىڭ باستى ماقساتى وتاندىق ءونىم شىعارۋمەن اينالىساتىن كاسىپورىنداردى بارىنشا قولداۋعا نازار اۋدارۋ بولاتىن. شاراعا قاتىسقان قازاقستاندىق باق وكىلدەرىنىڭ نارىقتىڭ تامىرىن تاپ باسىپ, تابىستى جۇمىس ىستەپ جاتقان قاراعاندىلىق ورتا بيزنەس نىساندارىنا دەگەن زور قىزىعۋشىلىعىنا قاراپ, ۇيىمداستىرۋشىلار وزدەرىنىڭ كوزدەگەن ماقساتتارىنا جەتتى دەپ سەنىممەن ايتۋعا بولادى.
قايرات ءابىلدينوۆ,
«ەگەمەن قازاقستان»
قاراعاندى