قاراعاندى وبلىسىندا وسىمەن ءتورتىنشى رەت ىشكى ىستەر ورگاندارىنىڭ قىزمەتكەرلەرى اراسىندا «كاسىبى بويىنشا ەڭ ۇزدىك» اتتى كونكۋرس ءوتتى. بۇل جولعى بايقاۋدا قاراعاندىلىق ۋچاسكەلىك پوليتسەيلەر زاڭدى ءبىلۋ, دەنە جانە وق اتۋ دايارلىقتارى بويىنشا نورماتيۆ تاپسىرىپ, كۇش سىناستى.
بىلتىرعى جىلدىڭ سوڭىنا تامان ەلىمىزدە جەرگىلىكتى پوليتسيا قىزمەتىنىڭ قۇرىلعانى بەلگىلى. قازىرگى تاڭدا بۇل قۇرىلىم ءوزىنىڭ قۇرامى جانە اتقاراتىن مىندەتى بويىنشا ىشكى ىستەر ورگاندارىندا جەتەكشى قىزمەتكە اينالدى. ال بۇل سالانىڭ باتپان جۇگىن ارقالاعان باستى قۇرىلىمنىڭ ۋچاسكەلىك ينسپەكتورلار ەكەندىگى ءسوزسىز.
مىنە, وسى قىزمەتتىڭ بەدەلىن كوتەرۋ بويىنشا وتكەن بايقاۋ قورىتىندىسىندا وكتيابر اۋداندىق پوليتسيا ءبولىمىنىڭ ۋچاسكەلىك ينسپەكتورى, پوليتسيا كاپيتانى ماناربەك فايزۋللين ۇزدىك دەپ تانىلدى. جەڭىمپازعا ەستەلىك كۋبوكتى بىلتىرعى جىلدىڭ ەڭ ۇزدىك ۋچاسكەلىك ينسپەكتورى, پوليتسيا مايورى قۋانىش تىلەكباەۆ تاپسىردى. سونداي-اق, سىننان سۇرىنبەي وتكەن كاپيتانعا 80 مىڭ تەڭگە كولەمىندە سىياقى بەرىلدى.
قايرات ءابىلدينوۆ,
«ەگەمەن قازاقستان»
قاراعاندى