تارازدا سينوپتيكتەر بولجاعانداي اۋا رايى سۋىتتى دەپ حابارلايدى قازاقپارات.
كۇندىز وبلىس ورتالىعىندا جانە ونىڭ ماڭىنداعى اۋدانداردا جەل جىلدامدىعى كۇشەيىپ, 15-20 مەتر سەكۋندقا جەتتى. كەيىن جاۋىن جاۋىپ, ول قارعا ۇلاستى.
ءبىر ساعات ىشىندە عانا تارازدا 5 - 7 سانتيمەتر قار ءتۇستى. سىناپ باعاناسى نولدىك دەڭگەيگە دەيىن ءتۇستى.
جامبىل گيدرومەتەورولوگيا ورتالىعىنىڭ اقپاراتىنشا, 13 جانە 15 قازاندا وبلىس اۋماعىندا وڭتۇستىك باتىستان سوققان جەل كۇشەيەدى, كەي جەرلەردە ونىڭ جىلدامدىعى 15-20 م/س-گە دەيىن جەتەدى, تۇمان ءتۇسۋى ىقتيمال.