2016 جىلعى 18 اقپان, استانا قالاسى
قازاقستان رەسپۋبليكاسىندا رەۆماتولوگيالىق كومەك كورسەتۋدى ۇيىمداستىرۋ ستاندارتىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 6) تارماقشاسىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسىندا رەۆماتولوگيالىق كومەك كورسەتۋدى ۇيىمداستىرۋ ستاندارتى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسىنىڭ نورماتيۆتiك قۇقىقتىق اكتىلەرىنىڭ ەتالوندىق باقىلاۋ بانكiنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جولداۋدى;
3) وسى بۇيرىق مەملەكەتتىك تىركەلگەننەن كەيىن بەس جۇمىس كۇنى ىشىندە باسپا جانە ەلەكتروندىق تۇردە مەملەكەتتىك جانە ورىس تىلدەرىندە ءبىر دانادا ونىڭ كوشىرمەسىن قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە قوسۋ ءۇشىن «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى;
4) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرۋدى;
5) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى تارماقتىڭ 1), 2), 3) جانە 4) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ە.ا. بىرتانوۆقا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە
الەۋمەتتىك دامۋ ءمينيسترى ت.دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2016 جىلعى 18 اقپانداعى №126 بۇيرىعىمەن بەكىتىلگەن
قازاقستان رەسپۋبليكاسىندا رەۆماتولوگيالىق كومەك كورسەتۋدى ۇيىمداستىرۋ ستاندارتى
1. جالپى ەرەجەلەر
1. قازاقستان رەسپۋبليكاسىندا رەۆموتولوگيالىق كومەك كورسەتۋدى ۇيىمداستىرۋ ستاندارتى (بۇدان ءارى – ستاندارت) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابى 1-تارماعىنىڭ 6) تارماقشاسىنا سايكەس ازىرلەندى جانە مەنشىك نىسانىنا جانە ۆەدومستۆالىق تيىستىلىگىنە قاراماستان امبۋلاتوريالىق-ەمحانالىق, ستاتسيونارلىق جانە ستاتسيوناردى الماستىراتىن دەڭگەيلەردە پاتسيەنتتەرگە رەۆماتولوگيالىق كومەك كورسەتۋدى ۇيىمداستىرۋعا قويىلاتىن تالاپتاردى بەلگىلەيدى.
2. وسى ستاندارتتا پايدالانىلاتىن انىقتامالار:
1) رەۆماتيكالىق اۋرۋلار – ونىڭ نەگىزىندە دانەكەر ءتىننىڭ جۇيەلى نەمەسە جەرگىلىكتى زاقىمدانۋى بار اۋرۋلار;
2) رەۆماتولوگيالىق كومەك – رەۆماتيكالىق اۋرۋلارى بار پاتسيەنتتەردى ۋاقتىلى انىقتاۋ, ەمدەۋ جانە مەديتسينالىق وڭالتۋ;
3) پاتسيەنت – مەديتسينالىق قىزمەتتەردىڭ تۇتىنۋشىسى بولىپ تابىلاتىن (بولىپ تابىلعان) جەكە تۇلعا;
4) بەيىندى مامان – «رەۆماتولوگيا» ماماندىعى بويىنشا (ەرەسەكتەر, بالالار) سەرتيفيكاتى بار جوعارى مەديتسينالىق ءبىلىمى بار مەديتسينا قىزمەتكەرى;
5) مەديتسينالىق ۇيىم (بۇدان ءارى - مۇ) – ونىڭ نەگىزگى قىزمەتى مەديتسينالىق كومەك كورسەتۋ بولىپ تابىلاتىن دەنساۋلىق ساقتاۋ ۇيىمى;
6) مەديتسينالىق كومەكتىڭ ساپاسى – كاسىبي ماماننىڭ بىلىكتىلىگىنە نەگىزدەلگەن دارىگەر مەن پاتسيەنتتىڭ ءوزارا ارەكەتتەسۋ قاسيەتى;
7) مەديتسينالىق-الەۋمەتتىك ساراپتاما (بۇدان ءارى - ءماس) – بۇل ورگانيزم فۋنكتسياسىنىڭ تۇراقتى بۇزىلۋىنان تۋىنداعان تىرشىلىك-تىنىسىنىڭ شەكتەلۋىن باعالاۋ نەگىزىندە كۋالاندىرىلاتىن ادامنىڭ الەۋمەتتىك قورعاۋ شارالارىنا (سونىڭ ىشىندە ەڭبەك قىزمەتىنە قابىلەتتىلىگىنىڭ شەكتەلۋ دارەجەسى) قاجەتتىلىكتەرىن ايقىندايتىن ساراپشىلار توبى;
8) تەگىن مەديتسينالىق كومەكتىڭ كەپىلدىك بەرىلگەن كولەمى (بۇدان ءارى - تمككك) - قازاقستان رەسپۋبليكاسىنىڭ ازاماتتارىنا جانە ورالماندارعا كورسەتىلەتىن تىزبەسى بويىنشا بىرىڭعاي مەديتسينالىق كومەكتىڭ كولەمى;
9) ەمدەۋگە جاتقىزۋ بيۋروسى پورتالى (بۇدان ءارى - پورتال) - تمككك شەڭبەرىندە پاتسيەنتتەردى ستاتسيونارعا جوسپارلى ەمدەۋگە جاتقىزۋ جولدامالارىن ەلەكتروندىق تىركەۋدىڭ, ەسەپكە الۋدىڭ, وڭدەۋدىڭ جانە ساقتاۋدىڭ بىرىڭعاي جۇيەسى;
10) گەندىك-ينجەنەرلىك تەراپيا – رەۆماتيكالىق اۋرۋلاردى ەمدەۋ ماقساتىندا ادامنىڭ سوماتيكالىق جاسۋشالارىنىڭ گەنەتيكالىق اپپاراتىنا وزگەرىستەر ەنگىزۋگە باعىتتالعان گەندىك-ينجەنەرلىك (بيوتەحنولوگيالىق) (بۇدان ءارى - گيبت) جانە مەديتسينالىق ادىستەردىڭ جيىنتىعى;
11) پروفيلاكتيكا – اۋرۋلاردىڭ پايدا بولۋىنىڭ, ولاردىڭ ەرتە ساتىدا ءورشۋىنىڭ الدىن الۋعا جانە ورىن العان اسقىنۋلاردى, اعزالار مەن تىندەردىڭ ب ۇلىنۋلەرىن باقىلاۋعا باعىتتالعان مەديتسينالىق جانە مەديتسينالىق ەمەس ءىس-شارالار كەشەنى;
12) سكرينينگ – اۋرۋلاردى ەرتە انىقتاۋ ماقساتىندا حالىقتىڭ نىسانالى توبىن مەديتسينالىق قاراپ-تەكسەرۋ.
2. رەۆماتولوگيالىق كومەك كورسەتۋدى ۇيىمداستىرۋ
3. قازاقستان رەسپۋبليكاسىندا رەۆماتيكالىق اۋرۋلارى بار پاتسيەنتتەرگە مەديتسينالىق كومەك تمككك شەڭبەرىندە ايقىندالاتىن قازاقستان رەسپۋبليكاسىنىڭ ازاماتتارى مەن ورالماندارعا كورسەتىلەتىن مەديتسينالىق كومەك كولەمىنىڭ مەديتسينالىق قىزمەتتەر تىزبەسى بويىنشا كورسەتىلەدى.
4. رەۆماتولوگيالىق كومەك كورسەتەتىن ۇيىمداردىڭ شتاتتارى «دەنساۋلىق ساقتاۋ ۇيىمدارىنىڭ ۇلگى شتاتتارىنىڭ جانە شتات نورماتيۆتەرىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 7 ساۋىردەگى № 238 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6173 بولىپ تىركەلگەن) بەكىتىلگەن شتات نورماتيۆتەرىنە سايكەس بەلگىلەنەدى.
5. حالىققا (ەرەسەكتەر مەن بالالار) رەۆماتولوگيالىق كومەك «قازاقستان رەسپۋبليكاسىنىڭ حالقىنا رەۆماتولوگيالىق كومەك كورسەتەتىن ۇيىمدار تۋرالى ەرەجەنى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2011 جىلعى 14 ناۋرىزداعى № 132 بۇيرىعىمەن بەكىتىلگەن قازاقستان رەسپۋبليكاسىنىڭ حالقىنا رەۆماتولوگيالىق كومەك كورسەتەتىن ۇيىمدار تۋرالى ەرەجەگە سايكەس كونسۋلتاتسيالىق-دياگنوستيكالىق جانە (نەمەسە) ستاتسيونارلىق مەديتسينالىق كومەك نىسانىندا كورسەتىلەدى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6869 بولىپ تىركەلگەن).
6. رەۆماتيكالىق اۋرۋلارى بار پاتسيەنتتەرگە (ەرەسەكتەر, بالالار) كونسۋلتاتسيالىق-دياگنوستيكالىق كومەك (بۇدان ءارى – كدك) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015
جىلعى 28 شىلدەدەگى № 626 بۇيرىعىمەن بەكىتىلگەن كونسۋلتاتسيالىق-دياگنوستيكالىق كومەك كورسەتۋ قاعيدالارىنا سايكەس جۇزەگە اسىرىلادى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11958 بولىپ تىركەلگەن) (بۇدان ءارى – № 626 بۇيرىق).
7. رەۆماتيكالىق اۋرۋلارى بار پاتسيەنتتەرگە (ەرەسەكتەر, بالالار) ستاتسيونارلىق مەديتسينالىق كومەك كورسەتۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 29 قىركۇيەكتەگى № 761 بۇيرىعىمەن بەكىتىلگەن ستاتسيونارلىق كومەك كورسەتۋ قاعيدالارىنا سايكەس جۇزەگە اسىرىلادى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 12204 بولىپ تىركەلگەن).
8. پاتسيەنت مساك ۇيىمىنا العاش جۇگىنگەن كەزدە مساك ۇيىمىنىڭ تىركەۋ ورنىندا «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسىنىڭ دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىنا سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلگەن) (بۇدان ءارى – № 907 بۇيرىق) 025/ە نىسانى بويىنشا مەديتسينالىق باستاپقى ەسەپكە الۋ قۇجاتتاماسى جانە 112/ە نىسانى بويىنشا بالانىڭ دامۋ تاريحى رەسىمدەلەدى.
9. رەۆماتيكالىق اۋرۋى بار پاتسيەنتكە كدك كورسەتۋ مساك دارىگەرىنىڭ نەمەسە باسقا بەيىندى ماماننىڭ جولداماسى بويىنشا تمككك شەڭبەرىندە جۇزەگە اسىرىلادى.
10. رەۆماتيكالىق اۋرۋى بار پاتسيەنتكە كدك-نى «رەۆماتولوگيا» ماماندىعى بويىنشا دارىگەرلەر:
1) اۋداندىق نەمەسە قالالىق ەمحانادا;
2) قالالىق نەمەسە وبلىستىق كونسۋلتاتسيالىق-دياگنوستيكالىق ورتالىقتا;
3) رەسپۋبليكالىق دياگنوستيكالىق ورتالىقتا كورسەتەدى.
11. رەۆماتيكالىق اۋرۋى بار پاتسيەنتتى كدك كورسەتۋگە جىبەرۋ № 626 بۇيرىقپەن بەلگىلەنگەن تارتىپتە جۇزەگە اسىرىلادى.
12. كدك كورسەتۋ ءۇشىن رەۆماتولوگ دارىگەرگە جىبەرگەن كەزدە مساك دارىگەرى زەرتحانالىق جانە اسپاپتىق زەرتتەۋلەردىڭ ناتيجەلەرى بار № 907 بۇيرىقپەن بەكىتىلگەن № 001-4/ە نىسانى بويىنشا جولداما رەسىمدەيدى.
13. كورسەتىلىمدەر بويىنشا رەۆماتيكالىق اۋرۋلاردىڭ العاشقى دياگنوستيكاسى ءۇشىن: وزىندىك اۋتوانتي دەنەلەردى انىقتاي وتىرىپ, تىكەلەي ەمەس يممۋنوفليۋورەستسەنتسيا رەاكتسياسى, يممۋنولوگيالىق جانە مولەكۋليارلىق-گەنەتيكالىق تەستىلەر, يممۋنوگيستوحيميالىق زەرتتەۋلەر جۇرگىزىلە وتىرىپ, اعزالار مەن تىندەردىڭ بيوپسياسى, قوس ەنەرگەتيكالى ابسوربتسيالىق دەنسيتومەتريا, كەڭىستىكتىك جيىلىگى جوعارى ماگنيتتىك-رەزونانستى جانە كومپيۋتەرلىك توموگرافيا, پوزيتروندىق-ەميسسيالىق توموگرافيا, انگيوگرافيا, راديويزوتوپتىق ستسينتيگرافيا, ينەمەن ەلەكتروميوگرافيا جۇرگىزىلەدى.
14. رەۆماتولوگ دارىگەر كدك كورسەتكەن كەزدە پاتسيەنتتى كونسۋلتاتسياعا جىبەرگەن مساك دارىگەرىنە جۇرگىزىلگەن زەرتتەۋلەر مەن ەمدەۋدىڭ ناتيجەلەرى, سونداي-اق № 907 بۇيرىقپەن بەكىتىلگەن № 071/ە نىسانى بويىنشا رەۆماتيكالىق اۋرۋى بار پاتسيەنتتى ودان ءارى ەمدەۋ جونىندەگى ۇسىنىمدار كورسەتىلگەن № 086/ە نىسانى بويىنشا كونسۋلتاتسيالىق-دياگنوستيكالىق قورىتىندى بەرەدى.
15. كدك كورسەتەتىن مۇ-نىڭ رەۆماتولوگ دارىگەرى № 907 بۇيرىقپەن بەلگىلەنگەن تارتىپتە باستاپقى مەديتسينالىق قۇجاتتامانى جۇرگىزۋدى, ەسەپتەردى ۇسىنۋدى قامتاماسىز ەتەدى.
16. مساك دارىگەرى كونسۋلتاتسيالىق–دياگنوستيكالىق قورىتىندى العاننان كەيىن رەۆماتولوگ دارىگەردىڭ ۇسىنىمدارى بويىنشا پاتسيەنتكە ودان ءارى باقىلاۋ جۇرگىزۋدى جۇزەگە اسىرادى.
17. رەۆماتيكالىق اۋرۋى بار پاتسيەنتتەردى امبۋلاتوريالىق دەڭگەيدە دارىلىك پرەپاراتتارمەن قامتاماسىز ەتۋ قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 جىلعى 4 قاراشاداعى № 786 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7306 بولىپ تىركەلگەن) بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە امبۋلاتوريالىق دەڭگەيدە بەلگىلى ءبىر اۋرۋلارى (جاي-كۇيى) بار حالىقتى تەگىن قامتاماسىز ەتۋ ءۇشىن دارىلىك زاتتاردىڭ جانە مەديتسينالىق ماقساتتاعى بۇيىمداردىڭ جانە مامانداندىرىلعان ەمدىك ونىمدەردىڭ تىزبەسىنە سايكەس جۇزەگە اسىرىلادى.
18. رەۆماتيكالىق اۋرۋلارى بار, سونىڭ ىشىندە گيبت الاتىن پاتسيەنتتى ستاتسيونارلىق ەمدەۋ ءۇشىن مەديتسينالىق كورسەتىلىمدەر بولماعان جاعدايدا ديسپانسەردى رەۆماتولوگ دارىگەر, ال ول بولماعان كەزدە ۋچاسكەلىك تەراپەۆت, جالپى پراكتيكا دارىگەرى, پەدياتر دارىگەر جۇزەگە اسىرادى.
19. ستاتسيوناردا ەمدەۋ ءۇشىن مەديتسينالىق كورسەتىلىمدەر بولعان جاعدايدا رەۆماتيكالىق اۋرۋى بار پاتسيەنتتى قالانىڭ (وبلىستىڭ) دەنساۋلىق ساقتاۋ باسقارماسى ەمدەۋدىڭ جاڭا تەحنولوگيالارىن پايدالانا وتىرىپ, مامانداندىرىلعان مەديتسينالىق كومەك (بۇدان ءارى – ممك) جۇرگىزۋ ءۇشىن بەيىندى دەنساۋلىق ساقتاۋ ۇيىمدارىنا جىبەرەدى.
20. ممك-نى رەۆماتولوگ دارىگەرلەر كوپ بەيىندى ستاتسيونارلاردا كدك نىسانىندا, ال قاجەت بولعان جاعدايدا - دياگنوستيكا مەن ەمدەۋدىڭ ارنايى ادىستەرىن تالاپ ەتەتىن ستاتسيونارلىق مەديتسينالىق كومەك نىسانىندا كورسەتەدى.
21. پاتسيەنتتەردى ممك كورسەتۋ ءۇشىن جولداما بەرۋ قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 20 جەلتوقسانداعى № 986 بۇيرىعىمەن بەكىتىلگەن مامانداندىرىلعان, جوعارى مامانداندىرىلعان مەديتسينالىق كومەك كورسەتۋ ەرەجەسىنە سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6711 بولىپ تىركەلگەن) جۇرگىزىلەدى.
22. رەۆماتيكالىق اۋرۋى بار پاتسيەنتتى ستاتسيونارلىق مەديتسينالىق كومەكتى كورسەتۋ ءۇشىن جوسپارلى ەمدەۋگە جاتقىزۋ پاتسيەنتتىڭ تمككك شەڭبەرىندە دەنساۋلىق ساقتاۋ ۇيىمىن ەركىن تاڭداۋ قۇقىعى ەسكەرىلىپ, پورتال ارقىلى جۇزەگە اسىرىلادى.
23. تمككك شەڭبەرىندە رەۆماتيكالىق اۋرۋلارى بار پاتسيەنتتى ستاتسيونارعا ەمدەۋگە جاتقىزۋدى تاۋلىك بويعى مەديتسينالىق بايقاۋعا مەديتسينالىق كورسەتىلىمدەر بولعان كەزدە:
1) رەۆماتولوگ دارىگەردىڭ, تەراپەۆت دارىگەردىڭ, جالپى پراكتيكا دارىگەرىنىڭ, پەدياتر دارىگەردىڭ جولداماسى بويىنشا;
2) جولدامانىڭ بولۋ-بولماۋىنا قاراماستان شۇعىل كورسەتىلىمدەر بويىنشا جۇزەگە اسىرىلادى.
24. پاتسيەنتتى تمككك شەڭبەرىندە ستاتسيونارعا جوسپارلى ەمدەۋگە جاتقىزۋ ءۇشىن مساك ۇيىمى:
1) نوزولوگياعا سايكەس كلينيكالىق-دياگنوستيكالىق, زەرتحانالىق, ءينۆازيۆتى ەمەس اسپاپتىق زەرتتەۋلەردىڭ قاجەتتى تىزبەسىن, قاجەت بولعان جاعدايدا بەيىندى مامانداردىڭ كونسۋلتاتسياسىن جۇرگىزەدى;
2) №907 بۇيرىقپەن بەكىتىلگەن № 001-3/ە نىسانى بويىنشا جۇرگىزىلگەن زەرتتەۋلەردىڭ ناتيجەلەرىن كورسەتە وتىرىپ, ستاتسيونارعا ەمدەۋگە جاتقىزۋ جولداماسىن رەسىمدەيدى;
3) پورتال نەمەسە تەلەفون ارقىلى كۇتۋ پاراعىمەن ستاتسيونارعا ەمدەۋگە جاتقىزۋ كۇنى تۋرالى پاتسيەنتتى حاباردار ەتەدى. ەمدەۋگە جاتقىزۋ كودى بويىنشا پاتسيەنت www.bg.eisz.kz سايتىندا رەسپۋبليكا ستاتسيونارلارىنداعى بوس توسەكتەر جانە ستاتسيونارعا ءوزىنىڭ كەزەگىن جانە قايدا ەمدەۋگە جاتقىزۋ جوسپارلانىپ وتىرعانى تۋرالى اقپاراتتى قارايدى.
25. جوسپارلى ەمدەۋگە جاتقىزۋ كورسەتىلىمدەرى:
1) دياگنوزدى ناقتىلاۋ جانە بازالىق تەراپيانى تاڭداۋ;
2) رەۆماتيكالىق اۋرۋدىڭ جوعارى بەلسەندىلىگى;
3) رەۆماتيكالىق اۋرۋدان جانە جۇرگىزىلگەن دارىلىك تەراپيادان بولعان اسقىنۋلار;
4) بيوتەحنولوگيالىق پرەپاراتتى ەنگىزۋ باستاماسى (باستاپقى).
26. شۇعىل كورسەتىلىمدەر بويىنشا ەمدەۋگە جاتقىزۋ رەۆماتولوگ دارىگەردىڭ, تەراپەۆت دارىگەردىڭ, جالپى پراكتيكا دارىگەرىنىڭ, پەدياتر دارىگەردىڭ جولداماسى بويىنشا جەدەل مەديتسينالىق جاردەم جولداماسى بويىنشا, ءوز بەتىمەن جۇگىنگەن كەزدە جانە پاتسيەنتتى جەتكىزۋدىڭ كەز كەلگەن ءتاسىلى كەزىندە تۇرعىلىقتى جەرىنە جانە بەكىتىلگەن جەرىنە قاراماستان تمككك شەڭبەرىندە جۇزەگە اسىرىلادى.
27. شۇعىل ەمدەۋگە جاتقىزۋ كورسەتىلىمدەرى:
1) رەۆماتيكالىق اۋرۋ بەلسەندىلىگىنىڭ جوعارى دارەجەسى;
2) بازالىق تەراپيانى, سونىڭ ىشىندە گيبت قابىلداپ جۇرگەن پاتسيەنتتە اۋىر ينتەركۋررەنتتىك ينفەكتسيانىڭ دامۋى;
3) جۇرگىزىلگەن دارىلىك تەراپيادان ىشكى اعزالارى مەن جۇيەلەردىڭ اۋىر زاقىمدالىپ رەۆماتيكالىق اۋرۋدىڭ اسقىنۋى.
28. رەۆماتيكالىق اۋرۋى بار پاتسيەنتكە ستاتسيونارلىق دەڭگەيدە رەۆماتولوگيالىق كومەك كورسەتۋ مىنالاردى قامتيدى:
1) ونىڭ جاي-كۇيىن انىقتاۋ جانە دياگنوز قويۋ ماقساتىندا دارىگەردىڭ پاتسيەنتتى تەكسەرىپ-قاراۋى;
2) № 907 بۇيرىققا سايكەس مەديتسينالىق قۇجاتتامانى رەسىمدەۋ;
3) ەمدىك-دياگنوستيكالىق ءىس-شارالاردى جۇرگىزۋ;
4) بەكىتىلگەن كلينيكالىق حاتتامالارعا سايكەس تەراپيانى تاڭداۋ جانە تاعايىنداۋ;
5) كورسەتىلىمدەر بويىنشا بەيىندى مامانداردىڭ كونسۋلتاتسياسى.
29. ستاتسيوناردىڭ قابىلداۋ بولىمشەسىندە دارىگەر قاراپ-تەكسەرگەننەن كەيىن پاتسيەنتتىڭ نەمەسە ونىڭ زاڭدى وكىلىنىڭ وعان مەديتسينالىق كومەك كورسەتۋگە جازباشا كەلىسىمى بولعان كەزدە, پاتسيەنت № 907 بۇيرىقپەن بەكىتىلگەن 003/ە نىسانى بويىنشا ستاتسيونار ناۋقاستىڭ كارتاسى تولتىرىلىپ, رەۆماتولوگيالىق بولىمشەگە/توسەككە ەمدەۋگە جاتقىزىلادى.
30. الدىن الا قويىلعان رەۆماتيكالىق اۋرۋ بويىنشا دياگنوز كلينيكالىق زەرتتەۋ دەرەكتەرىنىڭ, اسپاپتىق جانە زەرتحانالىق زەرتتەۋ ناتيجەلەرىنىڭ نەگىزىندە كەلىپ تۇسكەن كەزدەن باستاپ ءبىر تاۋلىك ىشىندە قويىلادى.
31. رەۆماتيكالىق اۋرۋدىڭ كلينيكالىق دياگنوزى كلينيكالىق-اسپاپتىق زەرتتەۋلەردىڭ, زەرتحانالىق زەرتتەۋ ادىستەرىنىڭ جانە ديناميكالىق بايقاۋ ناتيجەلەرىنىڭ نەگىزىندە پاتسيەنت كەلىپ تۇسكەن كەزدەن باستاپ ءۇش تاۋلىك ىشىندە قويىلادى.
32. ومىرلىك ماڭىزدى فۋنكتسيالارىنىڭ بۇزىلۋىنا قاۋىپ تونگەن جاعدايدا رەۆماتيكالىق اۋرۋى بار پاتسيەنت شۇعىل تۇردە قارقىندى تەراپيا پالاتاسىنا (بولىمىنە) نەمەسە رەانيماتسيالىق بولىمشەگە ەمدەۋگە جاتقىزىلادى.
33. رەۆماتيكالىق اۋرۋ بار پاتسيەنتكە كوموربيدتىك جاي-كۇي كەزىندە مەديتسينالىق كومەك كورسەتۋ بەيىندى مامانداردىڭ قوسىمشا كونسۋلتاتسياسىن قامتيدى.
34. گيبت دەنساۋلىق ساقتاۋ باسقارماسىنىڭ شتاتتان تىس باس رەۆماتولوگىنان, باس دارىگەردىڭ كلينيكالىق جۇمىس جونىندەگى ورىنباسارىنان, پاتسيەنت باقىلانىپ جانە ەمدەلىپ جۇرگەن مۇ ەمدەۋشى دارىگەرىنەن قۇرىلعان دەنساۋلىق ساقتاۋ باسقارماسىنىڭ بۇيرىعىمەن بەكىتىلگەن مەديتسينالىق كوميسسيانىڭ شەشىمى بويىنشا جۇرگىزىلەدى.
35. گيبت-عا مۇقتاج پاتسيەنت ۆيرۋستىق گەپاتيتكە, ادامنىڭ يممۋن تاپشىلىعى ۆيرۋسىنا جانە لاتەنتتىك تۋبەركۋلەزگە زەرتتەلىپ-قارالادى.
36. گيبت-عا مۇقتاج 18 جاسقا دەيىنگى پاتسيەنت جەلشەشەك جانە پنەۆموكوكك ينفەكتسياسىنا قارسى ۆاكتسينا الادى.
37. گيبت تەراپياسىنا جوسپارلى دايىندىقتى رەۆماتولوگ دارىگەر, ال ول بولماعان جاعدايدا ۋچاسكەلىك تەراپەۆت, جالپى پراكتيكا دارىگەرى, پەدياتر دارىگەر جۇرگىزەدى.
38. شۇعىل كورسەتىلىمدەر بويىنشا ەمدەۋگە جاتقىزىلعان كەزدە, پاتسيەنت مەديتسينا قىزمەتكەرىنىڭ الىپ جۇرۋىمەن ستاتسيونارعا جەدەل مەديتسينالىق جاردەم قىزمەتىمەن نەمەسە امبۋلاتوريالىق-ەمحانالىق ۇيىمنىڭ سانيتاريالىق اۆتوكولىگىمەن جەتكىزىلەدى.
39. رەۆماتيكالىق اۋرۋى بار جۇكتى ايەلدى ممك كورسەتۋگە جىبەرۋ قاجەتتىلىگى تۋرالى شەشىمدى مىندەتتى تۇردە رەۆماتولوگ دارىگەردىڭ, اكۋشەر گينەكولوگتىڭ قاتىسۋىمەن دارىگەرلەردىڭ كونسيليۋمى قابىلدايدى.
40. ەرتە جاستاعى بالالاردا ممك كورسەتۋدى قاجەت ەتەتىن رەۆماتيكالىق اۋرۋ بەلگىسى انىقتالعان جاعدايدا, ونىڭ قۇرىلىمىندا بالالار رەۆماتولوگيالىق بولىمشەسى (رەۆماتولوگيالىق توسەكتەرى) جانە بالالار رەۆماتولوگ دارىگەرى بار بەيىندى مۇ-عا جىبەرىلەدى.
41. ستاتسيونارلىق جاعدايدا ممك كورسەتۋ اياقتالعاننان كەيىن, پاتسيەنتكە جۇرگىزىلگەن زەرتتەۋلەر مەن ەمدەۋدىڭ ناتيجەلەرى بار ستاتسيونار ناۋقاستىڭ مەديتسينالىق كارتاسىنان ءۇزىندى كوشىرمە № 907 بۇيرىقپەن بەكىتىلگەن № 027/ە نىسانى بويىنشا ناۋقاستى قاداعالاپ قاراۋدىڭ ودان ارعى تاكتيكاسى بويىنشا ۇسىنىمدارى بار شىعارۋ ەپيكريزى بەرىلەدى.
42. رەۆماتيكالىق اۋرۋى بار پاتسيەنتكە اۋىلدىق ەلدى مەكەندەردە رەۆماتولوگيالىق كومەكتى مەديتسينالىق پۋنكتتەردە, دارىگەرلىك امبۋلاتوريالاردا, فەلدشەرلىك-اكۋشەرلىك پۋنكتتەردە, اۋىلدىق جانە اۋداندىق ەمحانالاردا رەۆماتولوگ دارىگەردىڭ ۇسىنىمدارىنا سايكەس مەديتسينا قىزمەتكەرلەرى كورسەتەدى.
43. ۋاقىتشا ەڭبەككە جارامسىزدىق بەلگىلەرى بولعان جاعدايدا ۋاقىتشا ەڭبەككە جارامسىزدىققا ساراپتاما جۇرگىزۋ ءۇشىن رەۆماتيكالىق اۋرۋى بار پاتسيەنت قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 5 مامىرداعى № 321 بۇيرىعىمەن بەكىتىلگەن دارىگەرلىك-كونسۋلتاتسيالىق كوميسسيانىڭ قىزمەتى تۋرالى ەرەجەگە سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11310 بولىپ تىركەلگەن) دارىگەرلىك-كونسۋلتاتسيالىق كوميسسياعا جىبەرىلەدى.
44. رەۆماتولوگ دارىگەر, ال ول بولماعان كەزدە - تەراپەۆت دارىگەر, جالپى پراكتيكا دارىگەرى, پەدياتر دارىگەر ەڭبەككە ۋاقىتشا جارامسىزدىق پاراعىن نەمەسە ەڭبەككە ۋاقىتشا جارامسىزدىق انىقتاماسىن بەرەدى جانە قاجەت بولعان جاعدايدا ونى ۇزارتادى, ال ەڭبەككە قابىلەتتىلىكتەن تۇراقتى ايىرىلعان كەزدە - قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 30 قاڭتارداعى № 44 بۇيرىعىمەن بەكىتىلگەن مەديتسينالىق-الەۋمەتتىك ساراپتاما جۇرگىزۋ قاعيدالارىنا سايكەس (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 10589 بولىپ تىركەلگەن ) (بۇدان ءارى – № 44 بۇيرىق) مەديتسينالىق-الەۋمەتتىك ساراپتاماعا (بۇدان ءارى-ءماس) جىبەرۋ ءۇشىن قۇجاتتاردى رەسىمدەۋگە قورىتىندى بەرەدى.
45. ەڭبەككە قابىلەتتىلىكتەن تۇراقتى ايىرىلۋ دارەجەسىن بەلگىلەۋ, كۋالاندىرۋ (قايتا كۋالاندىرۋ), سونداي-اق كۋالاندىرىلاتىن ادامنىڭ الەۋمەتتىك قورعاۋ شارالارىنا قاجەتتىلىگىن بەلگىلەۋ ءماس جۇرگىزۋ ارقىلى №44 بۇيرىعىنا سايكەس جۇرگىزىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 15 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13474 بولىپ ەنگىزىلدى.