جۇلدەگەرگە – جەڭىل كولىك

تالدىقورعان قالاسىندا پاراليمپيادانىڭ كۇمىس جۇلدەگەرى راۋشان  قويشىباەۆاعا جەڭىل  اۆتوكولىك سىيعا بەرىلدى. ريو-دە-جانەيرودا وتكەن پاراليمپيادا ويىندارىنىڭ كۇمىس جۇلدەگەرىن ارنايى قابىل­داعان الماتى وبلىسىنىڭ اكىمى اماندىق باتالوۆ وعان جەڭىل اۆتوكولىك پەن 11,5 ملن. تەڭگەنىڭ سەرتيفيكاتىن تابىس ەتتى. ءسويتىپ, وبلىس ورتالىعىنداعى «جاستار» ساياباعىندا وتكىزىلگەن سالتاناتتى شارا اياسىندا سپورتشىعا قۇرمەت كورسەتتى. كۇمىس جۇلدەلى سپورتشى­نىڭ رۋحىن كوتەرگەن كەشتىڭ شەڭبەرىندە پاراليمپيا ويىندارىندا 7-ورىننان كورىنگەن گۇلبانۋ ابدىحالىقوۆاعا دا قوشەمەت كورسەتىلدى. ايماق باسشىسى وعان 1,5 ملن. تەڭ­گەنىڭ سەرتيفيكاتىن تاپسىردى. سوڭىندا ەلدىڭ اتىن جاقسى جەتىستىكتەرى­مەن شىعارعان سپورت­شى­لار­دىڭ جاتتىقتىرۋشىلارىنا دا سىي-سياپات جاسالدى. نۇربول الدىباەۆ, «ەگەمەن قازاقستان» الماتى وبلىسى