تاراپتار قازاقستان مەن سينگاپۋر اراسىنداعى ەكونوميكالىق جانە ينۆەستيتسيالىق ىنتىماقتاستىقتى جانداندىرۋ, ءوزارا ساۋدا-ساتتىق كولەمىن ارتتىرۋ ءۇشىن جاعدايلار تۋدىرۋ قاجەتتىگىن اتاپ ءوتتى دەپ حابارلايدى primeminister.kz سايتى.
كەلىسسوزدەر بارىسىندا ۇلتتىق ءال-اۋقات قورلارى جانە دامۋ ينستيتۋتتارى بويىنشا جوعارى تەحنولوگيالار سالاسىندا ارىپتەستىك ورناتۋدىڭ پەرسپەكتيۆالارى ناقتىلاندى.
سونىمەن قاتار باقىتجان ساعىنتاەۆ پەن گو چوك تونگ قارجىلىق قىزمەت كورسەتۋدى رەتتەۋ مەن قاداعالاۋ بويىنشا تاجىريبە الماسۋ, سونداي-اق ءبىلىم, عىلىم سالاسىنداعى ءوزارا ءىس-قيمىل ماسەلەلەرىن تالقىلادى.