ليۆياداعى جاپپاي تارتىپسىزدىكتەرگە بايلانىستى كونسۋلدىق قىزمەت دەپارتامەنتى سول ەلدەگى قازاقستاننىڭ ديپلوماتيالىق ميسسياسىمەن بىرلەسە وتىرىپ, قازاقستان ازاماتتارىن اتالعان ەلدەن شىعارۋ بويىنشا ءتيىستى جۇمىستار اتقارۋدا.
ديپميسسياسىنىڭ مالىمەتىنە سايكەس, 2011 جىلعى 22 اقپانداعى احۋال بويىنشا, ليۆيادا كونسۋلدىق ەسەپتە بولعان 21 ازاماتىمىز قالۋدا. ولار: ديپميسسيانىڭ 3 قىزمەتكەرى مەن ولاردىڭ وتباسى مۇشەلەرى, 6 ستۋدەنت, 5 شەتەل ازاماتتارىنىڭ جۇبايلارى, 7 ءار ءتۇرلى شەتەلدىك كومپانيالاردا ىستەيتىن قازاقستان ازاماتتارى.
كونسۋلدىق قىزمەت دەپارتامەنتى قازاقستان ازاماتتارى ليۆياداعى رەسەي, تۇركيا جانە ۋكراينانىڭ ەلشىلىكتەرىنە اتالعان ەلدەن الىپ كەتۋگە ءوتىنىش بىلدىرگەن جاعدايدا قولداۋ كورسەتۋ جونىندە ارنايى حات جولداعان.
تريپوليدەن تۇسكەن سوڭعى اقپاراتقا سايكەس, قر ديپميسسياسى رەسەيدىڭ ارنايى بورتىنا ەلىمىزدىڭ ازاماتتارىن وتىرعىزۋ بويىنشا كورشىلەس مەملەكەت تاراپىمەن ءتيىستى جۇمىستار اتقارعان. وتىنىشكە وراي, 23 اقپاندا رەسەي ۇشاعىمەن تريپولي اۋەجايىنان قازاقستانعا ەكى ەل ازاماتى جەتكىزىلگەن, دەپ حابارلادى قر ءسىم-ءىنىڭ كونسۋلدىق قىزمەت دەپارتامەنتى.