بۇگىن اقوردادا ءوتىپ جاتقان قر ۇكىمەتىنىڭ كەڭەيتىلگەن وتىرىسىندا مەملەكەت باسشىسى نۇرسۇلتان نازارباەۆ ۇكىمەتكە باعانىڭ تۇراقتىلىعىن قامتاماسىز ەتىپ, تاريفتەردى وسىرمەۋدى تاپسىردى.
«ماكروەكونوميكالىق تۇراقتىلىقتىڭ كەپىلى ينفلياتسيانى 2016-2017 جىلدارى 6-8 پايىزدىق دالىزدە ۇستاۋ. ايىرباس باعامىن ەركىندىككە جىبەرە وتىرىپ, ءبىز وندىرۋشىلەرىمىزدىڭ باسەكەگە قابىلەتتىلىگىن قامتاماسىز ەتتىك. ءوسىم قارقىنى قالپىنا كەلە باستادى. سونىمەن قاتار, تەڭگەنى تۇزەتۋ ينفلياتسيالىق پروتسەسستىڭ كۇشەيۋىنە اكەپ سوقتى. وسىعان بايلانىستى باعانىڭ تۇراقتىلىعىن قامتاماسىز ەتىپ, بيىل تابيعي مونولپوليالار قىزمەتىنە ءتاريفتىڭ وسۋىنە جول بەرمەۋ شارالارىن جۇزەگە اسىرۋدى تاپسىرامىن»,- دەدى مەملەكەت باسشىسى.
بۇل رەتتە ەلباسى بيىلعى جىلى اۋىل شارۋاشىلىعى داقىلدارىنان مول ءونىم تۇسكەنىن ايتا كەلە, ونى رەسپۋبليكا كولەمىندە وڭتايلى ءبولۋ, اۋىلداردا قامتاماسىز ەتۋ ماسەلەسىن جۇكتەدى.