قازاقستاننىڭ حوككەيدەن قۇراماسى سوڭعى كۇندەرى 2018 جىلى وتەتىن قىسقى وليمپيالىق ويىنداردىڭ ىرىكتەۋ تۋرنيرىندە ءۇش كەزدەسۋ ءوتكىزدى. ءناتيجەسىندە كوماندانىڭ وليمپياداعا بارا المايتىنى بەلگىلى بولدى.
ءبىز وسى تسيكلدا قازاقستاندىق حوككەيشىلەردىڭ وسلودا وتكەن ءبىرىنشى ويىنىندا نورۆەگيانى وۆەرتايمدا 3:2 ەتىپ ۇتقانىن, سودان كەيىن فرانتسۋز قۇراماسىنان 1:4 بولىپ ۇتىلىپ قالعانىن حابارلاعان بولاتىنبىز. ولار سوڭعى, ءۇشىنشى ماتچتى يتاليا قۇراماسىمەن وتكىزىپ, 3:2 ەسەبىمەن جەڭىسكە جەتتى. كەزدەسۋدە بىزدەن ماكسيم حۋدياكوۆ (9-مينۋت), برەندون بوچەنسكي (29) جانە رومان ستارچەنكو (57) شايبا سالسا, يتاليالىقتاردان دجۋليو سكاندەللو (7) مەن توممازو تراۆەرسا (38) مەرگەندىكتەرىمەن كوزگە ءتۇستى.
ناتيجەسىندە قازاقستان قۇراماسى ءۇشىنشى ورىندى مىسە تۇتتى. ءسويتىپ, وليمپيالىق ءۇمىت جانباي قالدى.
مۇرات ايتقوجا