جاقىندا استانادا «استانا ەكسپو-2017» حالىقارالىق مامانداندىرىلعان كورمەسىنىڭ كوميسسارى ءراپىل جوشىباەۆ كوستا-ريكا سىرتقى ىستەر ءمينيسترى مانۋەل گونسالەس سانس باستاعان وسى ەل دەلەگاتسياسىمەن كەزدەستى.
كەزدەسۋ بارىسىندا, تاراپتار ەكىجاقتى ىنتىماقتاستىق ماسەلەلەرىمەن قاتار, كوستا-ريكانىڭ ەكسپو-2017-گە قاتىسۋى ماسەلەلەرىن تالقىلادى.
كوستا-ريكا سىرتقى ساياسات ۆەدومستۆوسىنىڭ باسشىسى ءوز ەلى ۇكىمەتىنىڭ استاناداعى حالىقارالىق كورمەگە قاتىسۋعا شەشىم قابىلداعانىن حابارلادى.
ال كورمە كوميسسارى ر.جوشىباەۆ ەكسپو-2017 بالامالى ەنەرگەتيكا سالاسىنداعى ىنتىماقتاستىقتى دامىتۋ ءۇشىن جاقسى تۇعىرناما قالايتىنىن اتاپ ءوتتى.
وسىلايشا, «استانا ەكسپو-2017» حالىقارالىق مامانداندىرىلعان كورمە كوميسسارى حاتشىلىعىنىڭ اقپاراتىنا سۇيەنسەك, كوستا-ريكا ەكسپو-2017 كورمەسىنە قاتىساتىنىن رەسمي تۇردە قۋاتتاعان 98-ءشى ەل بولىپ وتىر. بۇدان بولەك, بۇگىنگى كۇنگە دەيىن كورمەگە وزدەرىنىڭ قاتىساتىندىقتارىن 17 حالىقارالىق ۇيىم قۋاتتاعان.
«ەگەمەن-اقپارات»