قازاقستان پرەزيدەنتى ن.نازارباەۆ قىتايداعى G20 ءسامميتى كەزىندە جاپونيا ۇكىمەتىنىڭ باسشىسى سيندزو ابەمەن كەزدەستى دەپ حابارلايدى اقوردا.
كەلىسسوز بارىسىندا تاراپتار ساۋدا-ەكونوميكالىق, ساياسي جانە مادەني-گۋمانيتارلىق سالالارداعى بايلانىستاردى نىعايتۋ پەرسپەكتيۆالارى ءتارىزدى ەكىجاقتى ءوزارا ءىس-قيمىلدىڭ باستى باعىتتارىن تالقىلادى. سونداي-اق, ەكى ەلدىڭ كوشباسشىلارى حالىقارالىق كۇن تارتىبىندەگى بىرقاتار ماسەلەلەر جونىندە پىكىر الماستى.
س.ابە ەلىمىزدىڭ يادرولىق قارۋسىزدانۋ ىسىندەگى ماڭىزدى ەڭبەگىن ەسكەرە وتىرىپ, نۇرسۇلتان نازارباەۆتى الداعى ساپارى بارىسىندا ناگاساكيگە كەلۋگە شاقىردى.