قازاقستان پرەزيدەنتى نۇرسۇلتان نازارباەۆ G20 ءسامميتى اياسىندا بىرىككەن ۇلتتار ۇيىمىنىڭ باس حاتشىسى پان گي مۋنمەن كەزدەستى. بۇل تۋرالى akorda.kz حابارلادى.
كەزدەسۋ بارىسىندا تاراپتار قازاقستان مەن بۇۇ اراسىنداعى ءوزارا ءىس-قيمىل ماسەلەلەرىن تالقىلادى, سونداي-اق, بايلانىستاردى ودان ءارى دامىتۋ پەرسپەكتيۆالارىن قاراستىردى.
بۇدان بولەك, نۇرسۇلتان نازارباەۆ پەن پان گي مۋن حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.
مەملەكەت باسشىسى ەلىمىز بەن بۇۇ اراسىنداعى ىنتىماقتاستىقتىڭ جەمىستى ەكەنىن ايتىپ, ۇيىمنىڭ جاھاندىق باستامالارى مەن جوبالارىن قازاقستاننىڭ قولدايتىنىن جەتكىزدى.
پان گي مۋن ەلىمىزبەن ءتيىمدى سەرىكتەستىكتىڭ ودان ءارى نىعايىپ, دامي بەرەتىنىنە سەنىم ءبىلدىردى.
تالعات رايىمبەك