جارىلعىش زات باتىس قازاقستان وبلىسى اقجايىق اۋدانى ءىلبىشىن ەلدى مەكەنىنەن تابىلدى. جەرگىلىكتى تۇرعىنداردىڭ ءبىرى ۇيىنە سۋ وتكىزبەكشى بولىپ, قازۋ جۇمىستارىن جۇرگىزىپ جاتقان كەزدە جەر استىنان ازامات سوعىسىنان قالعان سنارياد شىقتى.
مالىمەتتەرگە سايكەس, سناريادتىڭ ۇزىندىعى – 32 سم, ديامەترى – 76 مم. قازىرگى ساتتە ارنايى مامانداردىڭ قاتىسۋىمەن, قاۋىپسىزدىك شارالارى قولدانىلا وتىرىپ, جويىلدى.
باتىس قازاقستان وبلىسى اۋماعىندا ۇلى وتان جانە ازامات سوعىسى كەزىنەن قالعان بىرنەشە سنارياد تابىلعان بولاتىن.
وسى جىلدىڭ مامىر ايىنىڭ سوڭىنا تامان جانىبەك اۋدانىنىڭ تۇرعىندارى ۇلى وتان سوعىسىنان قالعان جارىلعىش زات تاۋىپ الدى. جىرا ەلدى مەكەنىنە كانال سۋىن جىبەرەتىن ارناسىنا جوندەۋ جۇمىسىن جۇرگىزىپ جاتقاندا, əۋە بومباسىنا ۇقساس زات قازىپ الىندى. ونىڭ سالماعى شامامەن 50 كيلو, ۇزىندىعى – 89 سانتيمەتر, ديامەترى – 15 سانتيمەتر.
جəنىبەك اۋدانىنان 2008 جىلى دا əۋە بومباسى تابىلىپ, ونى اقتوبە قالاسىنان شاقىرىلعان ارنايى ماماندار زالالسىزداندىرعان بولاتىن.
ايان ءابدۋالي