بيىل قىزىلوردا وبلىسىنىڭ كۇرىششىلەرى گەكتارىنا 52 تسەنتنەردەن ارتىق ءونىم الۋدا. بۇل تۋرالى بۇگىن قىزىلوردا وبلىسىنىڭ اۋىل شارۋاشىلىعى باسقارماسىنىڭ باسشىسى باقىت جاقانوۆ استانادا ءوتىپ جاتقان اۋىل شارۋاشىلىعى جارمەڭكەسىندە مالىمدەدى.
«كۇرىش باستىرۋ جۇمىستارى قازان ايىندا عانا اياقتالادى. سول كەزدە گەكتارىنا قانشا تسەنتنەردەن ءونىم الىنعاندىعىن انىق ايتۋعا بولادى. دەگەنمەن, قازىردىڭ وزىندە گەكتارىنا وتكەن جىلمەن سالىستىرعاندا 2 تسەنتنەرگە ارتىق ءونىم الىنۋدا. جالپى العاشقى ونىمدەرىمىزدى تاۋەلسىزدىگىمىزدىڭ 25 جىلدىق مەرەيتويىنا وراي ەلوردا جۇرتشىلىعىنا جەتكىزدىك. بۇل – سىر ەلىنىڭ سىي-تارتۋى», – دەدى باقىت جاقانوۆ.
جارمەڭكەگە قىزىلوردا قالاسى مەن وبلىستىڭ 7 اۋدانىنان جالپى سوماسى 70 ملن تەڭگەنىڭ 45 ءونىم تۇرلەرى جەتكىزىلدى. 400 تونناعا جۋىق اۋىلشارۋاشىلىق ونىمدەرىنىڭ 70 تونناسى, سونداي-اق, 90 تونناعا جۋىق كوكونىس, 70 توننا باقشا داقىلدارى, 33 توننا كارتوپ, 20 توننا ارال تەڭىزىنىڭ بالىعى, 6 توننا الما جانە جەمىس-جيدەكتەر, 4 توننا ءسۇت ونىمدەرى جانە قىمىز-شۇبات, 2 توننا بال, 3 توننا كونديتەرلىك ونىمدەر, 6 توننا ەت جانە شۇجىق ونىمدەرى, 1 تونناعا جۋىق ۇلتتىق تاعامدار مەن 5 توننا ارال تۇزى ۇسىنىلدى.
تاۋەلسىزدىگىمىزدىڭ 25 جىلدىعىنا وراي ءوتىپ جاتقان سىر ەلىنىڭ ەلورداداعى كۇندەرى اياسىنداعى جارمەڭكە ەكى كۇنگە ۇلاسادى.
دينارا بىتىكوۆا