2015 جىلعى 8 ءساۋىر, استانا قالاسى
ازاماتتىق پيروتەحنيكالىق زاتتاردى جانە
ولار قولدانىلىپ جاسالعان بۇيىمداردى ساقتاۋ, ەسەپكە الۋ, پايدالانۋ, تاسىمالداۋ, جويۋ, اكەلۋ, اكەتۋ قاعيدالارىن بەكىتۋ تۋرالى
«قازاقستان رەسپۋبليكاسىنىڭ iشكi iستەر ورگاندارى تۋرالى» 2014 جىلعى 23 ساۋىردەگى قازاقستان رەسپۋبليكاسىنىڭ زاڭى 11-بابىنىڭ 25) تارماقشاسىنا سايكەس بۇيىرامىن:
1. قوسا بەرىلىپ وتىرعان «ازاماتتىق پيروتەحنيكالىق زاتتاردى جانە ولار قولدانىلىپ جاسالعان بۇيىمداردى ساقتاۋ, ەسەپكە الۋ, پايدالانۋ, تاسىمالداۋ, جويۋ, اكەلۋ, اكەتۋ قاعيدالارىن بەكىتۋ تۋرالى» قاعيدالارى بەكىتىلسىن.
2. قازاقستان رەسپۋبليكاسى ىشكى ىستەر مينيسترلىگىنىڭ اكىمشىلىك پوليتسيا كوميتەتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا رەسمي جاريالاۋعا جولداۋدى;
3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وبلىستاردىڭ, استانا جانە الماتى قالالارىنىڭ ىشكى ىستەر دەپارتامەنتتەرىنىڭ باستىقتارى وسى بۇيرىقتى ءتيىستى قىزمەتتەر قىزمەتكەرلەرىنىڭ زەردەلەۋىن ۇيىمداستىرسىن جانە ونىڭ مۇلتىكسىز ورىندالۋىن قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى پوليتسيا گەنەرال-مايورى ە.ز. تۋرگۋمباەۆقا جانە قازاقستان رەسپۋبليكاسى ىشكى ىستەر مينيسترلىگى اكىمشىلىك پوليتسيا كوميتەتىنە (ي.ۆ. لەپەحا) جۇكتەلسىن.
5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك جىرما ءبىر كۇن وتكەن سوڭ قولدانىسقا ەنگىزىلەدى.
ىشكى ىستەر ءمينيسترى پوليتسيا گەنەرال-لەيتەنانتى
ق. قاسىموۆ
«كەلىسىلدى» «كەلىسىلدى»
قازاقستان رەسپۋبليكاسىنىڭ قازاقستان رەسپۋبليكاسى
ينۆەستيتسيالار جانە دامۋ ءمينيسترى ۇلتتىق ەكونوميكا ءمينيسترى
ء_________________ا. يسەكەشەۆ _________________ ە. دوساەۆ
2015 جىلعى « » ___________ 2015 جىلعى « » ___________
قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 8 ساۋىردەگى
№ 319 بۇيرىعىمەن بەكىتىلگەن
ازاماتتىق پيروتەحنيكالىق زاتتار مەن ولار قولدانىلىپ
جاسالعان بۇيىمداردى ساقتاۋ, ەسەپكە الۋ, پايدالانۋ, تاسىمالداۋ, جويۋ, اكەلۋ, اكەتۋ قاعيدالارى
1. جالپى ەرەجەلەر
1. وسى ازاماتتىق پيروتەحنيكالىق زاتتار مەن ولار قولدانىلىپ جاسالعان بۇيىمداردى ساقتاۋ, ەسەپكە الۋ, پايدالانۋ, تاسىمالداۋ, جويۋ, اكەلۋ, اكەتۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ «قازاقستان رەسپۋبليكاسىنىڭ ىشكى ىستەر ورگاندارى تۋرالى» 2014 جىلعى 23 ساۋىردەگى, «رۇقساتتار جانە حابارلامالار تۋرالى» 2014 جىلعى 16 مامىرداعى زاڭدارىنا سايكەس ازاماتتىق پيروتەحنيكالىق زاتتار مەن ولار قولدانىلىپ جاسالعان بۇيىمداردى (بۇدان ءارى – پيروتەحنيكالىق زاتتار مەن بۇيىمدار) ساقتاۋ, ەسەپكە الۋ, پايدالانۋ, تاسىمالداۋ, جويۋ, اكەلۋ, اكەتۋ ءتارتىبىن ايقىندايدى.
2. وسى قاعيدالار كەز كەلگەن قاۋىپتىلىك دارەجەسىندەگى وندىرىستىك پيروتەحنيكالىق زاتتار مەن بۇيىمدارعا قولدانىلمايدى.
3. پيروتەحنيكالىق زاتتار مەن بۇيىمداردى قولدانۋ كەزىندە الەۋەتتى قاۋىپتىلىگى دارەجەسىنە قاراي 5 سىنىپقا بولىنەدى:
1) I سىنىپ – قاۋىپتى فاكتورلار قاتارىندا سوققى بەرەتىن تولقىندار مەن جارىلىس كەزىندە جان-جاققا ۇشاتىن جارىقشاقتارى جوق, كينەتيكالىق قوزعالىس ەنەرگياسى 0,5 دج-دان اسپايتىن, بۇيىمنان 0,25 م قاشىقتىقتاعى اكۋستيكالىق ساۋلەلەنۋى 125 دتسب-دان اسپايتىن, ال قالعان فاكتورلار بويىنشا قاۋىپتى ايماق راديۋسى 0,5 م-دەن ارتىق ەمەس بۇيىمدار;
2) II سىنىپ – قاۋىپتى فاكتورلار قاتارىندا سوققى بەرەتىن تولقىندار مەن جارىلىس كەزىندە جان-جاققا ۇشاتىن جارىقشاقتارى جوق, كينەتيكالىق قوزعالىس ەنەرگياسى 5 دج-دان اسپايتىن, بۇيىمنان 2,5 م قاشىقتىقتاعى اكۋستيكالىق ساۋلەلەنۋى 140 دب-دان اسپايتىن, ال قالعان فاكتورلار بويىنشا قاۋىپتى ايماق راديۋسى 5 م-دەن ارتىق ەمەس بۇيىمدار;
3) III سىنىپ – قاۋىپتى فاكتور قاتارىندا سوققى بەرەتىن تولقىندار مەن جارىلىس كەزىندە جان-جاققا ۇشاتىن جارىقشاقتارى جوق, باعىتتالعان قوزعالىس كەزىندەگى كينەتيكالىق ەنەرگياسى 5 دج-دان استام, باعىتتالماعان قوزعالىس كەزىندە 20 دج-دان اسپايتىن, بۇيىمنان 5 م قاشىقتىقتاعى اكۋستيكالىق ساۋلەلەنۋى 140 دب-دان ارتىق ەمەس, ال قالعان فاكتورلار بويىنشا قاۋىپتى ايماق راديۋسى III سىنىپتىڭ 30 م-دەن ارتىق ەمەس جانە ءىىىا تومەنگى سىنىبى ءۇشىن 20 م-دەن اسپايتىن بۇيىمدار;
4) IV سىنىپ – قاۋىپتى فاكتورلار قاتارىندا سوققى بەرەتىن تولقىندار جوق, ال قاۋىپتى ايماق راديۋسى قالعان فاكتورلاردىڭ ەڭ از دەگەندە بىرەۋى بويىنشا 30 م-دەن استامدى قۇرايتىن بۇيىمدار;
5) V سىنىپ – I-IV سىنىپتارعا كىرمەگەن وزگە دە پيروتەحنيكالىق زاتتار مەن بۇيىمدار.
ازاماتتىق پيروتەحنيكالىق زاتتار مەن بۇيىمدار ماقساتى بويىنشا پيروتەحنيكالىق زاتتار جانە تۇرمىستىق ماقساتتاعى بۇيىمدار ء(ى-ءىىى سىنىپتار) مەن پيروتەحنيكالىق زاتتار جانە تەحنيكالىق ماقساتتاعى بۇيىمدار (IV-V سىنىپتار) بولىپ بولىنەدى.
2. ازاماتتىق پيروتەحنيكالىق زاتتار مەن
بۇيىمداردى ساقتاۋ جانە ەسەپكە الۋ ءتارتىبى
4. ازاماتتىق پيروتەحنيكالىق زاتتار مەن بۇيىمداردى ساقتاۋ ىشكى ىستەر ورگاندارىنىڭ رۇقساتى نەگىزىندە جۇزەگە اسىرىلادى.
5. پيروتەحنيكالىق زاتتار مەن بۇيىمداردى ساقتاۋعا رۇقسات بەرۋ ءۇشىن قويما قىزمەت كورسەتەتىن اۋماعىندا ورنالاسقان ىشكى ىستەر ورگانىنا زاڭدى تۇلعا:
1) ساقتاۋعا جاتاتىن پيروتەحنيكالىق زاتتار مەن بۇيىمداردىڭ اتاۋى مەن سانىن (سالماعىن, ولشەمىن), ساقتاۋ ءۇشىن جاۋاپتى ادامنىڭ تەگىن, اتىن, اكەسىنىڭ اتىن, جەكە كۋالىگىنىڭ نەمەسە پاسپورتىنىڭ سەرياسى مەن ءنومىرىن كورسەتە وتىرىپ, قولداۋحاتتى;
2) ورتكە قارسى قاۋىپسىزدىگى قاعيدالارىنىڭ تالاپتارىنا سايكەس كەلەتىن جانە ەسەپكە الىنعان ءونىمنىڭ ساقتالۋىن, ەسەپكە الۋدى جانە بار-جوعىن تەكسەرۋ مۇمكىندىگىن قامتاماسىز ەتەتىن دايىن پيروتەحنيكالىق ءونىمدى ساتۋعا ارنالعان ءۇي-جايلار مەن ولاردى وتكىزۋگە ارنالعان قويمالاردىڭ مەنشىك قۇقىعىن راستايتىن قۇجاتتىڭ كوشىرمەسىن ۇسىنادى.
پيروتەحنيكالىق زاتتار مەن بۇيىمداردى ساقتاۋ ءۇشىن مەنشىك قويما بولماعان جاعدايدا, ءۇشىنشى تۇلعادان ساقتاۋعا نە قويمانى (قويمالاردى) جالعا الۋعا ارنالعان شارتتىڭ (شارتتاردىڭ) كوشىرمەسىن ۇسىنادى.
6. پيروتەحنيكالىق زاتتار مەن بۇيىمداردىڭ ساقتاۋعا ارنالعان رۇقساتتى اۋماقتىق ىشكى ىستەر ورگاندارى:
1) زاڭدى تۇلعا ءوتىنىش بىلدىرگەن كەزدە ونى قاراۋ ءۇشىن وزگە سۋبەكتىلەردەن, لاۋازىمدى ادامداردان اقپارات الۋ نە سول جەرگە شىعا وتىرىپ, تەكسەرۋ تالاپ ەتىلمەگەن كەزدە كۇنتىزبەلىك ون بەس كۇن;
2) زاڭدى تۇلعا ءوتىنىش بىلدىرگەن, ونى قاراۋ ءۇشىن وزگە سۋبەكتىلەردەن, لاۋازىمدى ادامداردان اقپارات الۋ نە سول جەرگە شىعا وتىرىپ, تەكسەرۋ تالاپ ەتىلگەن كەزدە كۇنتىزبەلىك وتىز كۇن ىشىندە بەرەدى.
7. پيروتەحنيكالىق زاتتار مەن بۇيىمداردى ساقتاۋعا ارنالعان رۇقسات ءۇش جىلدىق مەرزىمگە بەرىلەدى.
رۇقسات بەرۋدەن دالەلۋى باس تارتۋ رۇقسات بەرۋ ءۇشىن بەلگىلەنگەن مەرزىمدە جۇزەگە اسىرىلادى.
مىناداي:
1) ەگەر وسى قاعيدالاردىڭ 5-تارماعىنىڭ تالاپتارىنا سايكەس قۇجاتتار ۇسىنىلماعان;
2) ساقتاۋ ورنى وسى قاعيدالاردىڭ 10-34-تارماقتارىنىڭ تالاپتارىنا سايكەس كەلمەگەن جاعدايلاردا رۇقسات بەرۋدەن باس تارتىلادى.
8. پيروتەحنيكالىق زاتتار مەن بۇيىمداردى ساقتاۋعا ارنالعان رۇقساتتىڭ مەرزىمى اياقتالعان كەزدە ول ۇزارتۋعا جاتپايدى.
پيروتەحنيكالىق زاتتار مەن بۇيىمداردى ساقتاۋعا ارنالعان رۇقساتتى جوعالتقان, بۇلدىرگەن كەزدە رۇقسات يەسى رۇقساتتىڭ تەلنۇسقاسىن الۋعا قۇقىعى بار.
پيروتەحنيكالىق زاتتار مەن بۇيىمداردى ساقتاۋعا ارنالعان رۇقساتتىڭ جوعالعان, ب ۇلىنگەن بلانكىلەرى ىشكى ىستەر ورگاندارى جوعالعانى نەمەسە ب ۇلىنگەنى تۋرالى ءوتىنىشتى العان كۇننەن باستاپ جارامسىز دەپ ەسەپتەلەدى.
ىشكى ىستەر ورگاندارى ءوتىنىشتى بەرگەن كۇننەن باستاپ ەكى جۇمىس كۇن ىشىندە جوعارى وڭ جاق بۇرىشىندا «تەلنۇسقا» دەگەن جازبالارمەن جانە رۇقساتتى باستاپقى بەرگەن كۇنىن جانە تەلنۇسقانى بەرگەن كۇنىن كورسەتە وتىرىپ, پيروتەحنيكالىق زاتتار مەن بۇيىمداردى ساقتاۋعا ارنالعان رۇقساتىنىڭ تەلنۇسقاسىن بەرۋدى جۇرگىزەدى.
9. پيروتەحنيكالىق زاتتار مەن بۇيىمداردى ساقتاۋ پايدالانۋ قۇجاتتاماسىنىڭ تالاپتارى مەن ءورت (وندىرىستىك) قاۋىپسىزدىگى قاعيدالارىنا سايكەس جۇرگىزىلەدى جانە پيروتەحنيكالىق بۇيىمدارى بار ورامدارعا كۇن ساۋلەسىنىڭ جانە اتموسفەرالىق جاۋىن-شاشىننىڭ تىكەلەي تۇسۋىنە جول بەرىلمەيدى.
10. تەك ارنايى بولىنگەن ورىنداردا جانە ەسكەرتۋ اقپاراتى بولعان كەزدە عانا جارامسىز بولعان (اقاۋعا جاتقىزىلعان) پيروتەحنيكالىق زاتتار مەن بۇيىمداردى قويمالاردا ۋاقىتشا ساقتاۋعا رۇقسات ەتىلەدى.
11. ازاماتتاردىڭ جەكە پايدالانۋ ءۇشىن ساتىپ الىنعان, سالماعى بويىنشا 333 كگ برۋتتو اسپايتىن تۇرمىستىق ماقساتتاعى پيروتەحنيكا زاتتار مەن بۇيىمدار ءورت قاۋىپسىزدىگىن قامتاماسىز ەتە وتىرىپ جانە ءتيىستى پيروتەحنيكالىق زاتتار مەن بۇيىمداردى قولدانۋ جونىندەگى نۇسقاۋلىق بويىنشا ساقتالادى.
12. پيروتەحنيكالىق زاتتار مەن بۇيىمداردى ساقتاۋ كوتەرمە, شىعىس قويمالارىندا جانە بولشەك ساۋدا جەلىلەرىنىڭ قويمالارىندا شتابەلدەر (توسەمەلەردە نەمەسە اعاش توسەمدەردە) جانە ستەللاجداردا جۇزەگە اسىرىلادى. پيروتەحنيكالىق زاتتار مەن بۇيىمداردى جابدىقتالعان كولىك قۇرالدارىندا نەمەسە جۇرگىزىلەتىن جۇمىستىڭ تەحنولوگيالىق تسيكلى شەگىندە پايدالانۋ ورىندارىندا ۋاقىتشا ساقتاۋعا رۇقسات ەتىلەدى.
13. تۇرمىستىق ماقساتتاعى پيروتەحنيكالىق زاتتار مەن بۇيىمداردىڭ بولشەك ساۋداسى, وعان تىكەلەي كۇن ساۋلەسىنىڭ جانە اتموسفەرالىق جاۋىن-شاشىننىڭ ءتۇسۋىن بولدىرماي ءونىمنىڭ ساقتالۋىن قامتاماسىز ەتەتىن دۇكەندەردە, دۇكەندەردىڭ بولىمدەرى مەن سەكتسيالارىندا, پاۆيلوندار مەن دۇڭگىرشەكتەردە جۇرگىزىلەدى. ساۋدا ءۇي-جايلارىن پيروتەحنيكالىق زاتتارمەن جانە بۇيىمدارمەن تولتىرۋدىڭ تىكەلەي نورماسى ساۋدا ءۇي-جايىنىڭ ءاربىر 25 شارشى مەترىنە برۋتتو بويىنشا 1200 كگ پيروتەحنيكالىق بۇيىمدار مەن زاتتارعا ەسەپتەلىپ بەلگىلەنەدى. 333 كگ اسپايتىن تۇرمىستىق پيروتەحنيكالىق زاتتار مەن بۇيىمداردى 25 شارشى مەتردەن از ساۋدا ءۇي-جايلارىندا ساقتاۋدى جانە ساتۋدى بىرۋاقىتتا جۇرگىزۋگە بولادى.
14. تۇرمىستىق ماقساتتاعى پيروتەحنيكالىق زاتتار مەن بۇيىمداردى ساتۋ جۇزەگە اسىرىلاتىن ءۇي-جايلار شتاتتان تىس جاعدايلار كەزىندە ادامداردى شىعارۋ ءۇشىن كەدەرگى كەلتىرمەيتىن ورىندا ورنالاستىرىلادى. تۇرمىستىق ماقساتتاعى پيروتەحنيكالىق زاتتار مەن بۇيىمداردى ساتۋعا ارنالعان ساۋدا ءۇي-جايلارى ورت سيگناليزاتسياسىمەن جانە ءورت ءسوندىرۋدىڭ باستاپقى قۇرالدارىمەن جابدىقتالادى.
15. ساۋدا ءۇي-جايلارىنداعى تۇرمىستىق ماقساتتاعى پيروتەحنيكالىق زاتتاردىڭ ۇلگىلەرى بار سورەلەر ساتىپ الۋشىنىڭ پيروتەحنيكالىق زاتتار مەن بۇيىمداردىڭ جازبالارىمەن تانىسۋ مۇمكىندىگىن قامتاماسىز ەتەدى جانە ساتىپ الۋشىلاردىڭ بۇيىمدى سىرتتاي كوزبەن شولۋىنان باسقا كەز كەلگەن ءىس-ارەكەتتەرىن بولدىرمايدى.
16. تۇرمىستىق ماقساتتاعى پيروتەحنيكالىق زاتتار مەن بۇيىمدار جىلىتۋ جۇيەسى اسپاپتارىنان 0,5 م قاشىقتىقتا ورنالاسادى. تۇرمىستىق پيروتەحنيكالىق زاتتار مەن بۇيىمدار بار ءۇي-جايلاردا مەحانيكالىق جانە (نەمەسە) جىلۋ ارەكەتتەرىمەن جاسالاتىن جۇمىستارعا جول بەرىلمەيدى.
17. وزىنە-ءوزى قىزمەت كورسەتۋ دۇكەندەرىنىڭ ساۋدا ءۇي-جايلارىندا تۇرمىستىق پيروتەحنيكالىق زاتتار مەن بۇيىمداردى ساتۋدى تەك مامانداندىرىلعان سەكتسيالاردا ساتۋشى-كونسۋلتانت جۇرگىزەدى, ساتىپ الۋشىلارعا تۇرمىستىق ماقساتتاعى پيروتەحنيكالىق بۇيىمداردى تىكەلەي ۇستاۋعا بولمايدى.
18. پيروتەحنيكالىق زاتتار مەن بۇيىمداردى ساقتاۋعا ارنالعان ءۇي-جايدىڭ ەكى جيىنتىق كىلتى بولۋى ءتيىس. كىلتتىڭ ءبىر جينتىعى ۇنەمى بۇيىداردىڭ ساقتالۋىنا جاۋاپتى ادامدا, ەكىنشىسى - ساقتاۋعا رۇقسات بەرىلگەن ۇيىم باسشىسىندا ءمور قويىلعان پەنالدا بولادى.
ازاماتتىق پيروتەحنيكالىق زاتتار مەن بۇيىمداردى ساقتاۋعا ارنالعان ءۇي-جايدىڭ كىلتتەرىن بوگدە ادامدارعا قولجەتىمدى جەرلەردە قالدىرۋعا بولمايدى.
19. تەحنيكالىق ماقساتتاعى قاۋىپتىلىگى IV سىنىپتىق ازاماتتىق پيروتەحنيكالىق زاتتار مەن بۇيىمداردى ساقتاۋ قويمالارى ولاردىڭ ماقساتىنا بايلانىستى تۇراقتى (بازيستىك), شىعىس جانە جىلجىمالى قويمالار بولىپ بولىنەدى:
1) بازيستىك قويمالار - بۇيىمدى ۇزاق ۋاقىت ساقتاۋ ءۇشىن قىزمەت ەتەدى;
2) شىعىس قويمالارى - بۇيىممەن اعىمداعى قاجەتتىلىكتى قاناعاتتاندىرۋ ءۇشىن قىزمەت ەتەدى;
3) جىلجىمالى قويمالار - بۇيىمدى قىسقا ۋاقىت ساقتاۋ ءۇشىن قىزمەت ەتەدى.
پيروتەحنيكالىق زاتتار مەن بۇيىمداردى ساقتاۋ ءۇشىن جارىلعىش ماتەريالداردىڭ جۇمىس ىستەپ تۇرعان قويمالارىن پايدالانۋعا بولادى.
20. قاۋىپتىلىگى IV سىنىپتىق پيروتەحنيكالىق زاتتار مەن بۇيىمدار استانا جانە الماتى قالالارىنىڭ, وبلىستاردىڭ جانە كولىكتەگى ىشكى ىستەر دەپارتامەنتتەرى (بۇدان ءارى - ءىىد, كىىد) اۋماقتىلىعى بويىنشا بەرگەن باسقا دا زاڭدى تۇلعالارعا ولاردى ساقتاۋ ورنى بويىنشا قويمالاردان ساتىلادى.
21. ازاماتتىق پيروتەحنيكالىق زاتتار مەن ولار قولدانىلىپ جاسالعان بۇيىمداردى تولىقتىرۋ نورماسى:
1) بازيستىك قويمالار ءۇشىن - 200 000 كگ-نان;
2) شىعىس قويمالارى ءۇشىن - 5 000 كگ-نان;
3) ساۋدا ۇيىمدارىنىڭ (دۇكەندەردىڭ) قويما ءۇي-جايلارى ءۇشىن - 5 000 كگ-نان اسپاۋى ءتيىس.
22. ساقتاۋ ورىندارىن جەلدەتۋ ءۇشىن ق ۇلىپپەن جابىلاتىن تورلى مەتالل ەسىكتەر, ال تەرەزەلەر مەن جەلدەتكىش قاقپاقتارىنا مەتالل تورلار مەن تورشالار ورناتىلادى. تورلى ەسىكتەر مەن تورلاردىڭ كوزدەرى كولەمى 150 مم ح 150 مم اسپاۋى, تور شىبىعىنىڭ قالىڭدىعى 10 مم كەم بولماۋى ءتيىس.
23. ءاربىر ساقتاۋ قويمالارىندا پيروتەحنيكالىق زاتتار مەن بۇيىمداردى ساقتاۋعا اۋماقتىق ىشكى ىستەر ورگاندارى بەرگەن رۇقسات ەتىلگەن سانىنان اسپايتىن مولشەردە ساقتاۋعا رۇقسات ەتىلەدى.
ءاربىر بازيستىك جانە شىعىس قويمالارىنىڭ پاسپورتى بولادى.
24. بارلىق قويمالار بۇيىمنىڭ ءتۇرى مەن تولىقتىرۋ نورماسىنا بايلانىستى قاۋىپسىز ارا قاشىقتىقتا ورنالاسادى.
قويمالاردىڭ اراسىنداعى جەكە عيماراتتاردىڭ قاۋىپسىز ارا قاشىقتىعى قۇلاماعان كۇيدە 100 مەتردەن (بۇدان ءارى - م), قۇلاعان كۇيدە 50 م كەم بولماۋى ءتيىس.
بازيستىك قويمالاردىڭ جەكەلەگەن ساقتاۋ ورىندارىنىڭ اراسىنداعى ارا قاشىقتىق قۇلاعان كۇيدە 200 م. كەم بولماۋى ءتيىس.
شىعىس قويمالارى تۇرعىن ۇيلەردەن, فەيەرۆەرك كورسەتەتىن الاڭداردان جانە ادامداردىڭ كوپ جينالاتىن ورىندارىنان قاۋىپسىز ارا قاشىقتىقتا, بىراق 100 مەتردەن جاقىن ەمەس ارالىقتا ورنالاسۋى ءتيىس.
بارلىق قويمالار:
1) اۋداندىق ماڭىزدان تومەن ەمەس تاس جولدان, كەمە جۇزەتىن وزەندەر مەن ارنالاردان, تۇرعىن ءۇي قۇرىلىستارىنان جەكە تۇرعان قويماعا اپاراتىن جولداردى قوسپاعاندا, تەمىر جولعا بولىنگەن جولاقتار شەكاراسىنان - 400 م;
2) ستانتسيالىق عيماراتتارعا, قويمالار مەن باسقا دا ستانتسيالىق قۇرىلىستارعا بولىنگەن جولاقتار شەكاراسىنان - 1000 م;
3) حالقىنىڭ سانى 10000-عا دەيىن جانە 10000 ادامنان اساتىن كەنتتەر مەن باسقا دا ەلدى مەكەندەر اۋماقتارى شەكاراسىنان - تيىسىنشە 800 م جانە 1000 م;
4) قويماعا تيەسىلى ەمەس باسقا وندىرىستىك عيماراتتار مەن قۇرىلىستاردان 1500 م كەم ەمەس قاشىقتىقتا ورنالاسۋى قاجەت.
25. تۇراقتى جانە شىعىس قويمالاردىڭ اۋماعى بيىكتىگى 2,5 م كەم ەمەس تىكەنەكتى سىممەن قورشالادى.
26. بارلىق ساقتاۋ ورىندارى جانبايتىن ماتەريالدان جاسالعان, ءبىر قاباتتى, جىلىتىلمايتىن بولۋى ءتيىس. ساقتاۋ ورىندارىنىڭ قابىرعالارى مەن توبەسى اقتالعان بولۋى ءتيىس.
قويمالاردىڭ ەدەندەرى وندىرىستىك عيماراتتاردىڭ ەدەن قۇرىلعىلارىنا ارنالعان تەحنيكالىق شارتتارعا سايكەس ۇشقىن شىعارۋدى بولدىرمايتىن, جانبايتىن ماتەريالدان جاسالادى.
27. ساقتاۋ ورىندارىنىڭ كولەمىنە قاراي ەكى شىعاتىن ەسىگى بولادى. ۇزىندىعى 10 م كەم قويمانىڭ ءبىر شىعاتىن ەسىگى بولادى.
ساقتاۋ ورنىنا كىرەتىن ەسىكتەر سىرتقا قاراي اشىلۋى ءتيىس. كۇن جاققا قارايتىن تەرەزەنىڭ اينەكتەرى كۇڭگىرت بولۋى نەمەسە اق بوياۋمەن بويالادى.
جاساندى جارىقتاندىرۋ سىرتتا بولۋى ءتيىس. قويما ءۇي-جايلارىندا كەزەكشى جارىقتاندىرۋ, سونداي-اق گاز پليتالارىن, ەلەكترلىك-قىزدىرعىش اسپاپتاردى پايدالانۋ جانە شتەپسەلدى قوسقىشتاردى ورناتۋعا بولمايدى.
28. قويمالاردا ەلەكتر جابدىقتار قولدانۋ اياقتالعاننان كەيىن, تاۋلىكتىڭ تۇنگى ۋاقىتىندا توقتان اجىراتىلادى. ەلەكتر قۋات كوزىن وشىرۋگە ارنالعان اپپاراتتار قويما ءۇي-جايىنان تىس جەردە, ورتەنبەيتىن ماتەريالدان جاسالعان قابىرعادا نەمەسە جەكە تۇرعان تىرەۋىشتەگى شكافتا نەمەسە پلومبالاۋ جانە ق ۇلىپپەن جابۋ ءۇشىن يكەمدەلگەن قۇرىلعىسى بار ويىقشادا ورنالاسادى.
29. ءبىر ساقتاۋ ورنىندا پيروتەحنيكالىق زاتتار مەن بۇيىمداردىڭ بىرنەشە ءتۇرىن ساقتاۋ كەزىندە ساقتاۋ ورنى جانبايتىن بولگىشتەرمەن بولىنگەن سەكتسيالارعا بولىنەدى.
بۇيىم ورامالارى شتابەلدەردە نەمەسە ستەللاجداردا ساقتالادى. شتابەلدەردە جانە ستەللاجداردا فەيەرۆەرك بۇيىمدارى بار جاشىكتەردى ساقتاۋ كەزىندە ولار پارتيالارمەن قويىلادى.
شتابەلدەردە ساقتاۋعا ارنالعان بۇيىمدارى بار اعاش جاشىكتەر سورەلەردە ءبىرىنىڭ ۇستىنە ءبىرى قاقپاقتارىن جوعارى قاراتىپ قويىلادى, تومەنگى قاتارلاردىڭ استىنا اۋا الماسۋدى قامتاماسىز ەتۋ ءۇشىن تاقتايلاردان توسەم جاسالادى.
ءار شتابەلدە جانە ستەللاجدىڭ سورەلەرندە بۇيىم اتاۋى نەمەسە يندەكسى, پارتيا ءنومىرى, ورىندار سانى, كەلىپ تۇسكەن كۇنى كورسەتىلگەن كورسەتكىش بەكىتىلەدى.
30. شتابەلدەردەگى جانە ستەللاجدارداعى بۇيىمدار ولاردىڭ جەلدەتۋ, شتابەلدەن (سورەلەردەن) ولاردى الۋ, قاراۋ مۇمكىندىگىن قامتاماسىز ەتۋ تارتىبىندە ورنالاسادى. شتابەلدەردى ورنالاستىرۋ كەزىندە ولاردىڭ اراسىنداعى ءوتۋ جولى: قاراۋ ءۇشىن – كەمىندە 0,7 م, جۇكتى تيەۋ جانە ءتۇسىرۋ ءۇشىن – كەمىندە 1,5 م, كىرەبەرىستەگى قابىرعا جاعىنان شتابەلدىڭ سوڭىنا دەيىنگى قاشىقتىق – كەمىندە 1,25 م جانە شتابەلدەردەن ارتقى جانە بۇيىرلىك قابىرعالارعا دەيىن – كەمىندە 0,7 م قالتىرىلادى. شتابەلدەردىڭ بيىكتىگى كەمىندە 2,5 م, ەنى – كەمىندە 5 م.
ستەللاجداردىڭ جوعارى سورەلەرىنىڭ بيىكتىگى ەدەننەن 1,65 م اسپايتىن, تومەنگى قاباتتىڭ ەدەنگە دەيىنگى قاشىقتىعى - كەمىندە 0,15 م جانە جوعارى سورەۋەن توبەگە دەيىن - كەمىندە 1 م بولۋى ءتيىس.
ستەللاجداردى تولىقتىرۋ كەزىندە ولار تومەن ءتۇسىپ جانە قيسايىپ كەتپەيتىندەي تۇردە قۇرىلادى. ساقتاۋ قويمالارىنداعى ستەللاجداردىڭ بارلىق بولىكتەرى ءبىر-بىرىمەن ءوزارا مەتالل قولدانىلماي تيەكپەن جانە سىنالانىپ بەكىتىلۋى ءتيىس. ستەللاجداردىڭ تاقتايلارىن شەگەلەردىڭ باستارىن 0,5 سم\گە كىرگىزە قاعىپ, بەكىتۋگە جانە ويىق جەرلەرىنە شپاتلەۆكا جاعۋعا بولادى.
31. ساقتاۋ ورىندارىندا جۇكتى قابىلداۋ جانە بەرۋ تاۋلىكتىڭ جارىق كەزىندە جۇرگىزەدى. قاجەت بولعان جاعدايدا بۇل جۇمىستاردى سىرتقى جاساندى جارىقتاندىرۋمەن جۇرگىزۋگە بولادى.
پيروتەحنيكالىق زاتتار مەن بۇيىمداردىڭ ساقتاۋ ورىندارىندا (قويمالارىندا) جۇك تيەۋ-ءتۇسىرۋ جۇمىستارىنا ارنالعان مەحانيزمدەر جارىلعىشتان قورعالعان كۇيدە ورىندالادى, ال ىشكى جانۋ قوزعالتقىشتارىنىڭ پايدالانىپ شىعارىلعان گازداردىڭ بەيتاراپتاندىرۋشىلارى جانە ۇشقىن وشىرگىشتەرى ورناتىلادى.
32. ساقتاۋ ورنى مەن قويما اۋماعىن تازا ۇستاۋ قاجەت, سىنعان ىدىستاردى, بوگدە جانە جانعىش ماتەريالداردى ساقتاۋعا جول بەرىلمەيدى. قويما عيماراتىنىڭ كىرۋ جولدارىن, ءورت ءسوندىرۋ, سۋ كوزدەرىنىڭ, سونداي-اق ورتكە قارسى مۇككامالدار مەن جابدىقتارعا بارۋ جولدارى ۇنەمى بوس بولۋى ءتيىس.
قويمالار اراسىنداعى قاۋىپسىز قاشىقتىقتاردى قانداي دا ءبىر ماتەريالدار, جابدىقتار مەن باسقا دا زاتتاردى ساقتاۋ ءۇشىن پايدالانۋعا بولمايدى.
ازاماتتىق پيروتەحنيكالىق بۇيىمداردى پايدالانۋ ءورت قاۋىپسىزدىگى تالاپتارىن ەسكەرە وتىرىپ ازىرلەنگەن پايدالانۋ قۇجاتتاماسىنىڭ نەمەسە بەلگىلەنگەن ءتارتىپتى بەكىتىلگەن تەحنولوگيالىق نۇسقاۋلىقتار (تەحنيكالىق پروتسەستەر) تالاپتارىنا سايكەس جۇرگىزىلەدى. ازاماتتىق پيروتەحنيكالىق بۇيىمداردى ماقساتسىز پايدالانۋعا جول بەرىلمەيدى.
ادامدارعا پيروتەحنيكالىق زاتتار مەن بۇيىمداردى ساتىپ الۋمەن, ساقتاۋمەن, ەسەپكە الۋمەن, تاسىمالداۋمەن, پايدالانۋمەن تىكەلەي بايلانىستى جۇمىستارعا رۇقسات بەرۋ ادامدارعا جارىلعىش ماتەريالدارىنا رۇقسات بەرۋ تالاپتارىنا سايكەس جۇرگىزىلەدى.
33. وسى قاعيدالارعا 1-قوسىمشاعا سايكەس نىسان بويىنشا قويمالار جانە بولشەكتەپ ساتۋ ورىندارىندا دايىن ءونىمدى ەسەپكە الۋ كىتاپشاسى جۇرگىزىلەدى.
دايىن ءونىمدى كوتەرمە تۇتىنۋشىلارعا بوساتۋ ەسەبى وسى قاعيدالارعا 2-قوسىمشاعا سايكەس نىسان بويىنشا ءتيىستى كىتاپتا جۇرگىزىلەدى.
دايىن ءونىمدى ەسەپكە الۋ جانە دايىن ءونىمدى كوتەرمە تۇتىنۋشىلارعا بوساتۋ ەسەبىنىڭ كىتاپتارى نومىرلەنەدى, تىگىلەدى, ىشكى ىستەر ورگاندارىنىڭ «ليتسەنزيالاۋ-رۇقسات بەرۋ جۇيەسى» دەگەن بەدەرى بار مورىمەن مورلەنەدى.
قويمالاردان جىبەرىلەتىن ءونىمنىڭ ءاربىر ءتۇرىن جەكە ەسەپكە الۋ قاجەت. كىتاپتاعى جازبالار كىرىس-شىعىس قۇجاتتاردىڭ نەگىزىندە جۇكتى العان نەمەسە بەرگەن كەزدە جۇرگىزۋ قاجەت.
3. ازاماتتىق پيروتەحنيكالىق زاتتار مەن بۇيىمداردى
پايدالانۋ (فەيەرۆەركتەر كورسەتۋ) ءتارتىبى
34. قازاقستان رەسپۋبليكاسىنىڭ اۋماعىندا قاۋىپتىلىگى IV سىنىپتىق پيروتەحنيكالىق زاتتار مەن بۇيىمداردى پايدالانۋدى (كورسەتۋدى) قازاقستان رەسپۋبليكاسىنىڭ ىشكى ىستەر مينيسترلىگى, ولاردى پايدالانۋعا بەرگەن ليتسەنزياسى بار زاڭدى تۇلعالار جۇزەگە اسىرادى.
35. فەيەرۆەركتەردى قوعامدىق-مادەني كوپشىلىك ءىس-شارالاردا قولدانۋ تەك اۋماقتىق ىشكى ىستەر ورگانىمەن كەلىسىلگەن, جۇمىستى جۇرگىزۋگە قۇقىعى بار قۇجاتتامالار بەكىتىلگەننەن كەيىن جەرگىلىكتى اكىمشىلىكتىڭ رۇقساتىمەن جۇزەگە اسىراتىن زاڭدى تۇلعالارعا رۇقسات ەتىلەدى.
بۇل رەتتە پيروتەحنيكالىق زاتتار مەن بۇيىمدارعا تەحنيكالىق قۇجاتتامالار, ورنالاستىرۋ-جوسپارى, بۇيىمداردى تاسىمالداۋ ءۇشىن ارنايى جابدىقتالعان كولىك كەلىسۋگە ۇسىنىلادى.
36. وسى جۇمىستاردىڭ قاۋىپسىزدىگىن قامتاماسىز ەتۋ ءۇشىن ستاندارتتاردى, ورتكە قارسى تەحنيكالىق قاۋىپسىزدىك نورمالارى مەن قاعيدالارىن باسشىلىققا الىنادى.
37. مادەني-كوپشىلىك جانە بۇقارالىق ءىس-شارالاردى وتكىزۋ كەزىندە فەيەرۆەركتەر كورسەتۋ ءۇشىن ۇيىمداستىرۋشىلار جەرگىلىكتى اتقارۋشى ورگانعا ءىس-شارا وتكىزۋگە دەيىن كەمىندە 10 جۇمىس كۇن بۇرىن قولداۋحاتپەن ءوتىنىش بىلدىرەدى.
قولداۋحاتتا مىناداي مالىمەتتەر:
1) ءىس-شارانى وتكىزۋشى ۇيىمنىڭ اتاۋى جانە مەكەنجايى لاۋازىمدارىن مەكەنجايلارىن جانە بايلانىس تەلەفوندارىن كورسەتە وتىرىپ, ۇيىمداستىرۋشىلار مەن ولاردىڭ ۋاكىلەتتى ادامدارىنىڭ تەگى, اتى, اكەسىنىڭ اتى (ول بولعان جاعدايدا);
2) ءىس-شارانىڭ اتاۋى مەن ماقساتى;
3) ءىس-شارانىڭ, ونىڭ ىشىندە فەيەرۆەرك كورسەتۋدىڭ باستالۋى جانە اياقتالۋ كۇنى, ورنى مەن ۋاقىتى;
4) ءىس-شاراعا قاتىسۋشىلاردىڭ بولجامدى سانى;
5) پيروتەحنيكالىق بۇيىمداردى پايدالانۋعا, ساتىپ الۋعا قۇقىق بەرەتىن ليتسەنزيالاردى, ولاردى ساقتاۋعا ارنالعان رۇقساتتاردى قوسا بەرە وتىرىپ, فەيەرۆەرك كورسەتۋدى وتكىزىپ جاتقان زاڭدى تۇلعا تۋرالى مالىمەت;
6) فەيەرۆەرك كولەمى, پايدالانىلاتىن فەيەرۆەرك بۇيىمدارىنىڭ سيپاتى مەن جۇرگىزىلۋ ءتارتىبى;
7) فەيەرۆەرك باسشىسى جانە فەيەرۆەرك كورسەتۋگە تارتىلاتىن پەرسونال تۋرالى مالىمەتتەر جانە فەيەرۆەرككە باسشىلىق ەتۋ مەن جۇرگىزۋ قۇقىعىن راستايتىن قۇجاتتاردىڭ كوشىرمەلەرى;
8) قوعامدىق ءتارتىپتى قورعاۋدى جانە ورتكە قارسى قاۋىپسىزدىكتى قامتاماسىز ەتۋ ءۇشىن جۇمىلدىرىلعان قاجەتتى كۇشتەر مەن قۇرالدار كورسەتىلەدى.
38. فەيەرۆەركتى دايىنداۋ جانە پايدالانۋ كەزەڭىندە بۇيىمداردى قىسقا ۋاقىتقا ساقتاۋ كەزىندە تۇرعىن ۇيلەردەن, قوعامدىق قۇرىلىستاردان, ادامدار كوپ جينالاتىن ورىندارىنان قاۋىپسىز قاشىقتىقتاعى جىلجىمالى قويمالاردا (اۋماقتىق ىشكى ىستەر ورگاندارىنىڭ اكىمشىلىك پوليتسياسىنىڭ كەلىسىمى بويىنشا ارنايى جابدىقتالعان كولىكتەر) جۇزەگە اسىرىلادى. قويمانى كۇزەتۋ ءۇشىن كۇزەت قىزمەتىن كورسەتۋ جونىندەگى كىلىسىم شارت جاسالادى.
39. فەيەرۆەركتى وتكىزەتىن ادامدار فەيەرۆەرك كورسەتىلىمدەرىندە قاۋىپسىزدىكتى, پەرسونالدى قورعاۋ شارالارى مەن فەيەرۆەرك بۇيىمدارىنان ساقتالۋىن قامتاماسىز ەتەدى, ىشكى ىستەر ورگاندارىمەن كۇزەت ءىس-شارالارىن كەلىسەدى. فەيەرۆەركتەر قۇرىلعىلارى ورنالاستىرىلاتىن ورىنداردى كۇزەتۋ ىشكى ىستەر ورگاندارى مەن وسى ءىس-شارانى وتكىزەتىن ۇيىمعا جۇكتەلەدى.
40. فەيەرۆەركتەر كورسەتىلەتىن ورىندى تاڭداۋ مەن كەلىسۋ فەيەرۆەرك بۇيىمدارىن قولدانۋ بولجانعان قاۋىپتى ايماقتاردىڭ راديۋسىن, جەر بەدەرىن, مەتەوجاعدايلاردى, جاقىن ورنالاسقان وبەكتىلەردىڭ سيپاتىن, قاۋىپتى ايماقتى كۇزەتۋ سەنىمدىلىگى مەن كورسەتىلىم قاۋىپسىزدىگىنە ىقپال ەتەتىن باسقا دا فاكتورلاردى ەسكەرە وتىرىپ, جۇرگىزىلۋى ءتيىس.
قاۋىپتىلىگى IV سىنىپتى ازاماتتىق پيروتەحنيكالىق زاتتارمەن جانە بۇيىمدارىمەن فەيەرۆەركتەردى كورسەتۋگە ارنالعان ورىن ورتەنەتىن قۇرىلىستاردان, وتىن قويمالارىنان, پىسكەن ءداندى داقىلدار نەمەسە پىشەن القاپتارىنان, ساباندار, قىلقاندى ورمانداردان, ەلەكتر جەلىلەرىنەن كەمىندە 500 م قاشىقتىقتا, ورتەنبەيتىن قۇرىلىستاردان كەمىندە 50 م قاشىقتىقتا ورنالاسادى.
فەيەرۆەرك ءۇشىن ەڭ ىڭعايلى ورىن ۇلكەن سۋ قويمالارىنىڭ جاعالاۋلارى بولىپ تابىلادى. قۇرىلعىلاردى ىسكە قوسۋ ورنى كورەرمەندەردىڭ ىسكە قوسۋ الاڭىنان 100 م قاشىقتىقتا, جەل جاعىندا بولاتىنداي تۇردە تاڭدالادى.
41. فەيەرۆەركتەر كورسەتۋ ءۇشىن تىيىم سالىناتىن ورىندارعا:
1) ازاماتتاردىڭ قاۋىپسىزدىگىن قامتاماسىز ەتپەيتىن اۋماقتار, عيماراتتار, قۇرىلىمدار, قۇرىلىستار;
2) قاۋىپتى جانە زياندى وندىرىستەرگە جاقىن ورنالاسقان اۋماقتار مەن وبەكتىلەر, سونداي-اق كولىك توراپتارى (كوپىرلەر, وتپە جولدار, اۆتوموبيل جولدارىنىڭ بولۋ جولاقتارى, تەمىر جول مۇناي-گاز قۇبىرلارى جانە جوعارى ۆولتتى ەلەكتر تاراتۋ جەلىلەرى, ءورت جانە اسا قاۋىپتى جارىلعىش وبەكتىلەرى);
3) اۋرۋحانا عيماراتتارى مەن بالالار مەكەمەلەرىنە تىكەلەي جاقىن ورنالاسقان اۋماقتار;
4) رۋحاني - مادەني ماڭىزى بار وبەكتىلەردىڭ اۋماعى, تاريحي جانە مادەني ەسكەرتكىشتەر, زيراتتار مەن عيبادات ەتۋ قۇرىلىستارى, قورىقتار, قاۋمالدار جانە ۇلتتىق ساياباقتار مەن قاجىلىق ەتۋ ورىندارى وبەكتىلەرىنىڭ اۋماقتارى جاتادى.
42. فەيەرۆەرك تەك مەكەمەنىڭ (كاسىپورىننىڭ) جاۋاپتى ادامنىڭ كۇزەت دايىندىعى مەن ورتكە قارسى ءىس-شارالاردىڭ ورىندالۋى تۋرالى مامان-پيروتەحنيكتىڭ جۋرنالىنا قول قويعاننان كەيىن عانا باستالۋى مۇمكىن.
43. فەيەرۆەركتەردى كورسەتۋ كەزىندە تەك بەلگىلەنگەن تارتىپتە اتتەستاتسيالانعان ىسكە قوسۋ قۇرالىن پايدالانۋعا رۇقسات ەتىلەدى. فەيەرۆەركتەر كورسەتۋ ءۇشىن قولدانىلاتىن پيروتەحنيكالىق زاتتار مەن بۇيىمدار جانە ىسكە قوسۋ قۇرالى وعان قوسا بەرىلەتىن پايدالانۋ جونىندەگى نۇسقاۋلىققا قاتاڭ سايكەستىكتە پايدالانادى. قولدانىلاتىن بۇيىمداردى پايدالانۋ جونىندەگى نۇسقاۋلىقتى ساقتاماعانى ءۇشىن فەيەرۆەركتەر كورسەتۋدى وتكىزەتىن ۇيىم جاۋاپتى بولادى.
44. پيروتەحنيكالىق زاتتار مەن بۇيىمداردىڭ ۇرلانۋ نەمەسە جوعالۋى فاكتىسى تۋرالى اۋماقتىق ىشكى ىستەر ورگاندارىنا دەرەۋ حابارلاۋ قاجەت.
45. فەيەرۆەرك جۇرگىزىلەتىن الاڭداردا:
1) تەمەكى شەگۋگە جانە وت جاعۋعا;
2) ماس كۇيدە جۇمىس ىستەۋگە;
3) فەيەرۆەرك قۇرالدارىن كۇزەتۋسىز قالدىرۋعا بولمايدى.
46. فەيەرۆەرك اياقتالعاننان كەيىن جانباي قالعان بۇيىمدار مەن ەلەمەنتتەردى جيناۋ ماقساتىندا كورسەتۋ شاراسىن ۇيىمداستىرۋشىلار فەيەرۆەرك جۇرگىزىلگەن الاڭدى مۇقيات قارايدى.
47. فەيەرۆەرك جۇرگىزىلەتىن الاڭدى كۇزەتۋ بارلىق جۇمىستار اياقتالعاننان كەيىن فەيەرۆەرك باسشىسىنىڭ كەلىسىمىمەن عانا الىنىپ تاستالۋى مۇمكىن.
قاۋىپتى ايماقتى كۇزەتۋ مەن ورتكە قارسى ءىس-شارالار فەيەرۆەرك اياقتالعاننان كەيىن جانە فەيەرۆەركتەردى ەكسپوناتتاۋعا جاۋاپتى ادامداردىڭ تەكسەرۋىنەن كەيىن عانا توقتاتىلادى.
48. فەيەرۆەرك اياقتالعاننان كەيىن ونىڭ ەتكىزىلگەندىگى جانە ءسوندىرىلۋ تۋرالى اكتى ءۇش دانادا جاسالىپ, وعان فەيەرۆەرك باسشىسى مەن فەيەرۆەرككە تاپسىرىس بەرۋشى وكىل قول قويادى.
4. پيروتەحنيكالىق زاتتار مەن بۇيىمداردى تاسىمالداۋ ءتارتىبى
49. پيروتەحنيكالىق زاتتار مەن بۇيىمداردى تاسىمالداۋ ۇدەرىسىندە مىناداي قاۋىپسىزدىك تالاپتارى ورىندالادى:
1) پيروتەحنيكالىق زاتتار مەن بۇيىمداردى تاسىمالداۋ ولاردىڭ قاسيەتتەرىنىڭ ساقتالۋىن قامتاماسىز ەتەدى جانە ءونىمنىڭ قاۋىپتىلىك سىنىبىن ەسكەرە وتىرىپ, كولىك تۇرىنە قولدانىلاتىن جۇك تاسىمالداۋ قاعيدالارىنا سايكەس جۇزەگە اسىرىلادى;
2) پيروتەحنيكالىق زاتتار مەن بۇيىمدار ورالعان, تاڭبالانعان, مانيپۋلياتسيا بەلگىلەرى قويىلعان, تاۋارعا قاجەتتى ىلەسپە قۇجاتتارى بار جانە تاسىمالداۋ كەزىندە ولاردىڭ تۇتىنۋشىلىق قاسيەتتەرى ساقتالعان جانە پايدالانۋ بويىنشا قۇجاتتاما تالاپتارىنا سايكەستىك قامتاماسىز ەتىلگەن كەزدە عانا ولاردى تاسىمالداۋعا رۇقسات ەتىلەدى;
3) ازاماتتاردىڭ جەكە پايدالانۋى ءۇشىن تۇرمىستىق ماقساتتاعى پيروتەحنيكالىق بۇيىمداردى پيروتەحنيكالىق ونىمدەردى پايدالانۋ قۇجاتتارىنىڭ تالاپتارىن ساقتاي وتىرىپ, برۋتتو سالماعى بويىنشا 333 كگ اسپايتىن مولشەردە تاسىمالداۋعا رۇقسات ەتىلەدى.
50. كولىكتىك قاۋىپتىلىكتىڭ 1.4-تەن استام كىشى كلاسى بار IV كلاستىڭ پيرتەحنيكالىق زاتتارى مەن بۇيىمدارىن, سونداي-اق كەدەن وداعىنىڭ مۇشەسى - جەكە مەملەكەتتىڭ اۋماعى بويىنشا اۆتوكولىك قۇرالدارىمەن تاسىمالداۋعا رۇقسات ەتىلگەن قاۋىپتى جۇكتەردىڭ تىزبەسىنە سايكەس V كلاستىڭ پيرتەحنيكالىق زاتتارى مەن بۇيىمدارىن تاسىمالداۋ كەدەن وداعىنىڭ مۇشەسى - ءتيىستى مەملەكەتتىڭ اۋماعىندا قولدانىلاتىن قاۋىپتى جۇكتەردى تاسىمالداۋ قاعيدالارىنا سايكەس;
1) كەدەن وداعىنا مۇشە جەكە مەملەكەت اۋماعى بويىنشا كەدەن وداعىنا ءتيىستى مۇشە مەملەكەت اۋماعىندا قولدانىستاعى قاۋىپتى جۇكتى تاسىمالداۋ قاعيدالارىنا سايكەس;
2) كەدەن وداعىنا مۇشە كەم دەگەندە ەكى مەملەكەتتىڭ نەمەسە ءۇشىنشى ەلدىڭ اۋماعى بويىنشا حالىقارالىق جولداردا قاۋىپتى جۇكتى تاسىمالداۋ تۋرالى (جقجت) ەۋروپالىق كەلىسىمگە سايكەس جۇرگىزىلەدى.
51. كولىك قاۋىپتىلىگى 1.4 كىشى توبىنىڭ پيروتەحنيكالىق زاتتارى مەن بۇيىمدارى سالماعى شەكتەۋسىز قاۋىپتى جۇكتەردى تاسىمالداۋعا رۇقساتى تۋرالى كۋالىگى بار جۇرگىزۋشى باسقاراتىن ءبىر كولىك قۇرالىمەن تاسىمالداۋ ەرەجەسىن ساقتاي وتىرىپ, جۇك جىبەرۋشى نەمەسە جۇك قابىلداۋشى ازىرلەنگەن باعىت بويىنشا اۆتوموبيل كولىگىمەن جۇرگىزىلەدى.
52. پيروتەحنيكالىق زاتتار مەن بۇيىمداردى تەمىر جول كولىگىمەن تاسىمالداۋ 1996 جىلعى 5 ساۋىردەگى دوستاستىق ەلدەرىنىڭ قاتىسۋشى مەملەكەتتەرى تەمىر جول كولىگى بويىنشا كەڭەستىڭ 15-وتىرىسىندا بەكىتىلگەن تەمىر جول ارقىلى قاۋىپتى جۇكتەردى تاسىمالداۋ ەرەجەلەرىنە سايكەس جۇزەگە اسىرىلادى.
53. پيروتەحنيكالىق زاتتار مەن بۇيىمداردى ءارتۇرلى كولىك تۇرلەرىمەن تاسىمالداۋ كەزىندە ولاردىڭ كۇزەتىلۋى قامتاماسىز ەتىلەدى.
54. تاسىمالداناتىن جۇك شايقالعان جانە قاتتى قوزعالعان كەزدە ونىڭ قۇلاۋى, ۇيكەلۋى, ءبىر-بىرىنە جانە كولىك قابىرعاسىنا سوعىلۋى بولمايتىنداي تۇردە ورنالاستىرىلادى.
بارار جولدا جارتىلاي تۇسىرىلۋگە جاتاتىن ءونىمدى تاسىمالداۋ كەزىندە ولاردىڭ ءاربىر پارتياسىنىڭ ارقايسىسى ءبىر-بىرىنەن بولەك قويىلىپ, قالعان جۇكتەر ءوز ورىندارىنان قوزعالمايتىنداي تۇردە بەكىتىلۋى ءتيىس.
5. پيروتەحنيكالىق زاتتار مەن بۇيىمداردى جويۋ ءتارتىبى
55. تۇتىنۋشىلىق قاسيەتىن جوعالتقان جانە (نەمەسە) تەحنيكالىق رەگلامەنت تالاپتارىنا سايكەس كەلمەيتىن پيروتەحنيكالىق زاتتار مەن بۇيىمدار جويىلۋعا جاتادى, ونىڭ ىشىندە:
1) ەلەكترلىك – تۇتاندىرعىشى ىستەمەي قالعان;
2) قۇرامى تۇتانباي قالعان;
3) بۇيىم تولىق كۇيدە جۇمىس جاساماعان;
4) ەلەكترلىك – تۇتانعىش سىمدارىنىڭ ۇزىلگەن;
5) جارامدىلىق مەرزىمى اياقتالعان;
6) سايكەستەندىرۋ بەلگىلەرى جوق (جوعالعان);
7) اقاۋلىق بەلگىلەرى انىقتالعان;
8) كونترافاكتىلىك پيروتەحنيكالىق بۇيىمدار.
56. پيروتەحنيكالىق زاتتار مەن بۇيىمداردى كادەگە جاراتۋ ۇدەرىسىندە مىناداي قاۋىپسىزدىك تالاپتارى ورىندالادى:
1) پيروتەحنيكالىق زاتتار مەن بۇيىمدار تۇتىنۋشىلار ءورت قاۋىپسىزدىگى جانە جارىلعىش قاۋىپسىزدىگى شارالارى تالاپتارىن ساقتاي وتىرىپ, پايدالانۋ قۇجاتتارىندا نەمەسە بۇيىمدارداعى تاڭبالاۋ بەلگىلەرى تۇرىندەگى كورسەتىلگەن تالاپتارعا سايكەس جويۋعا جاتادى;
2) پيروتەحنيكالىق زاتتار مەن بۇيىمداردى وندىرۋگە رۇقسات قۇجاتى بار ۇيىمدار كەدەن وداعى كوميسسياسىنىڭ 2011 جىلعى 16 تامىزداعى № 770 شەشىمىمەن بەكىتىلگەن «پيروتەحنيكالىق بۇيىمداردىڭ قاۋىپسىزدىگى تۋرالى» كەدەن وداعىنىڭ تەحنيكالىق رەگلامەنتىنە سايكەس تەحنولوگيالىق نۇسقاۋلىققا (تەحنولوگيالىق ۇدەرىسكە) ساي پيروتەحنيكالىق زاتتار مەن بۇيىمداردى جويۋعا, سونداي-اق ءوندىرىس جانە تۇتىنۋ قالدىقتارىنان قوسارلى ءونىم (شيكىزات, ماتەريالدار, جيناقتاۋ ەلەمەنتتەرىن) الۋ ماقساتىندا جۇزەگە اسىرادى.
57. بارلىق جۇمىس ىستەمەي قالعان بۇيىمدار مەن ەلەمەنتتەر جەتكىزۋشى زاۋىت ازىرلەگەن ناقتى بۇيىمداردى پايدالانۋ نۇسقاۋلىعىنا سايكەس جويۋعا جاتادى.
58. جارامسىز پيروتەحنيكالىق زاتتار مەن بۇيىمداردى جويۋ ىشكى ىستەر ورگانى وكىلىنىڭ قاتىسۋىمەن جۇرگىزىلەدى.
6. پيروتەحنيكالىق زاتتار مەن بۇيىمداردى قازاقستان رەسپۋبليكاسىنا
اكەلۋ جانە قازاقستان رەسپۋبليكاسىنان اكەتۋ ءتارتىبى
59. پيروتەحنيكالىق زاتتار مەن بۇيىمداردى قازاقستان رەسپۋبليكاسىنا اكەلۋ جانە قازاقستان رەسپۋبليكاسىنان اكەتۋ قازاقستان رەسپۋبليكاسى ىشكى ىستەر مينيسترلىگىمەن كەلىسىلەتىن ەكسپورتتىق باقىلاۋ سالاسىنداعى ۋاكىلەتتى ورگاننىڭ ليتسەنزياسى بويىنشا مىناداي قۇجاتتاردىڭ نەگىزىندە جۇزەگە اسىرىلادى:
1) ەرەكشەلىگى قوسا بەرىلگەن, پيروتەحنيكالىق زاتتار مەن بۇيىمداردى جەتكىزۋگە ارنالعان كەلىسىمشارت كوشىرمەسى;
2) قازاقستان رەسپۋبليكاسى ينۆەستيتسيالار جانە دامۋ مينيسترلىگى بەرگەن يمپورتتاۋشىنىڭ (سوڭعى پايدالانۋشىنىڭ) كەپىلدىك مىندەتتەرىنىڭ كوشىرمەسى, (ەكسپورتتاۋشى ەلدىڭ زاڭناماسىندا وسىنداي قۇجاتتى, ۇسىنۋ كوزدەلگەن جاعدايدا) ۇسىنىلادى;
3) پيروتەحنيكالىق زاتتار مەن بۇيىمداردى ساتىپ الۋعا اۋماقتىق ىشكى ىستەر ورگانى بەرگەن رۇقساتتىڭ كوشىرمەسى.
60. پيروتەحنيكالىق زاتتار مەن بۇيىمداردى اۆتوموبيل كولىگىمەن اكەلۋ (اكەتۋ) كەزىندە قاۋىپتى جۇكتى تاسىمالداۋدىڭ اكىمشىلىك پوليتسياسى ورگاندارىمەن كەلىسىلگەن باعىتى ۇسىنىلادى.
61. ىشكى ىستەر مينيسترلىگى «رۇقساتتار مەن حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسىنىڭ زاڭىنا سايكەس يمپورتقا (ەكسپورتقا) ارنالعان ليتسەنزيالاردى كەلىسەدى نەمەسە يمپورتقا (ەكسپورتقا) ليتسەنزياعا كەلىسۋدەن باس تارتادى.
ازاماتتىق پيروتەحنيكالىق زاتتار مەن ولار قولدانىلىپ جاسالعان بۇيىمداردى ساقتاۋ,
ەسەپكە الۋ, پايدالانۋ, تاسىمالداۋ, جويۋ, اكەلۋ, اكەتۋ قاعيدالارىنا
1-قوسىمشا
پيروتەحنيكالىق زاتتار مەن ولار قولدانىلىپ جاسالعان دايىن ونىممەن ولاردىڭ
قۇرامداس كومپونەنتتەرىن ەسەپكە الۋ كىتابى
____________________________________________________________________________________________
(كاسىپورىن, ۇيىم اتاۋى)
20___ جىلعى «__» __________ باستالدى
20___ جىلعى «__» __________ اياقتالدى
ر/س № كەلىپ تۇسكەن كۇنى دايىن ءونىم نەمەسە كومپونەنتتەردى بوساتقان ۇيىم اتاۋى زاتتار مەن بۇيىمداردى ساتىپ الۋعا بەرىلگەن ليتسەنزيانىڭ ءنومىرى جانە بەرىلگەن كۇنى, ليتسەنزيانى بەرگەن ىشكى ىستەر ورگانى زاتتار مەن بۇيىم-داردىڭ اتاۋى كيلو-گرامم دانا قوpaپتار ەسكەرتپە
1 2 3 4 5 6 7 8 9
ەسكەرتپە: كىتاپ نومىرلەنەدى, باۋلانادى جانە اۋماقتىق ىشكى ىستەر ورگانىنىڭ «ليتسەنزيالاۋ-رۇقسات بەرۋ جۇيەسى» ءمورىنىڭ بەدەرىمەن بەكىتىلەدى.
ازاماتتىق پيروتەحنيكالىق زاتتار مەن ولار قولدانىلىپ جاسالعان بۇيىمداردى ساقتاۋ, ەسەپكە الۋ, پايدالانۋ, تاسىمالداۋ, جويۋ, اكەلۋ, اكەتۋ قاعيدالارىنا
2-قوسىمشا
پيروتەحنيكالىق زاتتار مەن ولار قولدانىلىپ جاسالعان دايىن بۇيىمداردى كوتەرمە ساۋدا تۇتىنۋشىلارىنا بوساتۋدى ەسەپكە الۋ كىتابى
________________________________________________________________________________________
(ۇيىم, مەكەمە اتاۋى)
20___ جىلعى «__» __________ باستالدى
20___ جىلعى «__» __________ اياقتالدى
ر/س
№ دايىن ءونىمدى بوساتۋ كۇنى زاتتار مەن بۇيىمداردى ساتىپ الۋعا بەرىلگەن ليتسەنزيانىڭ ءنومىرى مەن بەرىلگەن كۇنى, ليتسەنزيانى بەرگەن ىشكى ىستەر ورگان زاتتار مەن بۇيىم-داردىڭ اتاۋى كيللو-گرامم دانا قوراپ-تار ونىمدەردى ساتىپ العان زاڭدى تۇلعانىڭ اتاۋى تاۋاردى الۋعا جاۋاپتى ادامنىڭ ت.ا.ءا. ەسكەرتپە
1 2 3 4 5 6 7 8 9 10
ەسكەرتپە: كىتاپ نومىرلەنەدى, باۋلانادى جانە اۋماقتىق ىشكى ىستەر ورگانىنىڭ «ليتسەنزيالاۋ-رۇقسات بەرۋ جۇيەسى» ءمورىنىڭ بەدەرىمەن بەكىتىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 27 مامىرىنداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 11193 بولىپ ەنگىزىلدى.