2015 جىلعى 27 ناۋرىز ,استانا قالاسى
ماگيسترالدىق تەمىرجول جەلiسiن پايدالانۋ قاعيدالارىن بەكiتۋ تۋرالى
قازاقستان رەسپۋبليكاسىنىڭ «تەمىرجول كولىگى تۋرالى» 2001 جىلعى 8 جەلتوقسانداعى زاڭىنىڭ 14-بابى 2-تارماعىنىڭ 34-10) تارماقشاسىنا سايكەس بۇيىرامىن:
1. قوسا بەرىلىپ وتىرعان ماگيسترالدىق تەمىرجول جەلiسiن پايدالانۋ قاعيدالارى بەكiتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ كولىك كوميتەتى ء(ا.ا. اساۆباەۆ):
1) وسى بۇيرىقتى زاڭنامامەن بەكىتىلگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا كوشىرمەلەرىن جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينتەرنەت-پورتالىندا ورنالاستىرۋدى;
4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىمەن كوزدەلگەن ءىس-شارالاردى ورىنداۋ تۋرالى مالىمەتتى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق ونىڭ ءبىرىنشى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
مىندەتىن اتقارۋشى ج. قاسىمبەك
«كەلىسىلدى»
قازاقستان رەسپۋبليكاسىنىڭ ۇلتتىق ەكونوميكا ءمينيسترى
____________ ە. دوساەۆ
2015 جىلعى 30 ءساۋىر
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ
2015 جىلعى 27 ناۋرىز № 366 بۇيرىعىمەن بەكىتىلگەن
ماگيسترالدىق تەمiرجول جەلiسىن پايدالانۋ قاعيدالارى
1. جالپى ەرەجەلەر
1. وسى ماگيسترالدىق تەمىرجول جەلىسىن پايدالانۋ قاعيدالارى (بۇدان ءارi – قاعيدالار) «تەمىرجول كولiگi تۋرالى» 2001 جىلعى 8 جەلتوقسانداعى قازاقستان رەسپۋبليكاسىنىڭ زاڭى (بۇدان ءارى – زاڭ) 14-بابى 2-تارماعىنىڭ 34-10) تارماقشاسىنا سايكەس ازىرلەندى جانە ماگيسترالدىق تەمىرجول جەلىسىن پايدالانۋدى ءتارتىبىن ايقىندايدى.
2. وسى قاعيدالاردا مىناداي ۇعىمدار پايدالانىلادى:
1) ارنايى پوەزدار – قازاقستان رەسپۋبليكاسىنىڭ زاڭناماسىنا سايكەس ەرەكشە تالاپتار بويىنشا تاعايىندالاتىن جولاۋشىلاردى جانە/نەمەسە اسا ماڭىزدى اسكەري نەمەسە ستراتەگيالىق جۇكتەردى تاسىمالداۋعا ارنالعان پوەزدار;
2) گرافيك تارماعى – پوەزدىڭ جونەلتۋ, مەجەلى جانە باراتىن پۋنكتتەرى, جونەلتۋ, كەلۋ, تەحنولوگيالىق تۇراقتار ۋاقىتى, ورتاشا ءجۇرىس ۋاقىتى, سونداي-اق پوەزدىڭ باسقا دا تەحنيكالىق پارامەترلەرى كورسەتىلگەن ءجۇرۋ مارشرۋتىنىڭ گرافيكپەن بەينەلەنۋى;
3) ديسپەتچەرلىك كەستە – پوەزداردىڭ قوزعالىس كەستەسىنەن شىعىپ قالعان, كەزەكتەن تىس, ارنايى, قوسالقى پوەزداردىڭ, جولاۋشى جانە جۇك پوەزدارىنىڭ جەدەل قوزعالىس جوسپارى;
4) ديسپەتچەرلىك رەتتەۋ – ناقتى ۋاقىت رەجيمىندە تاسىمالداۋ پروتسەسى وپەراتسيالارىن باسقارۋ جانە مونيتورينگىلەۋ پروتسەسى;
5) جەدەل جوسپارلاۋ – ۇلتتىق ينفراقۇرىلىم وپەراتورى مەن تاسىمالداۋشىنىڭ 12 (ون ەكى) ساعاتتىق كەزەڭدەرگە ءبولىپ, ءبىر تاۋلىككە ارنالعان جۇمىس جوسپارىن جاساۋ پروتسەسى;
6) جۇك تاسىمالداۋدىڭ ايلىق جوسپارى – تاسىمالداۋشى جاسايتىن جانە كۇنتىزبەلىك ايعا تيەۋ كولەمدەرى, ۆاگون اعىندارىنىڭ كوررەسپوندەنتسيالارى بويىنشا بولجامدى دەرەكتەردى كورسەتەتىن قۇجات;
7) كەزەكتەن تىس پوەزدار – قوزعالىس گرافيگىندە كوزدەلمەگەن (قالپىنا كەلتىرۋ جانە ءورت ءسوندىرۋ پوەزدارى, قار تازارتقىشتار, ۆاگونسىز لوكوموتيۆتەر, وزدىگىنەن جۇرەتىن ارنايى جىلجىمالى قۇرام), پوەزدار قوزعالىسىنداعى كەدەرگىلەردى جويۋعا, بولجانباعان جۇمىستاردى ورىنداۋعا جانە كولىك قۇرالدارىن تيىسىنشە كوشىرۋگە ارنالعان پوەزدار;
8) قوسالقى پوەزدار – جولاۋشىلاردى وتىرعىزۋ پۋنكتتەرىنە, تەحنيكالىق ستانتسيالارعا جانە تۇراقتاۋ پۋنكتتەرىنە بارا جاتقان جەكە لوكوموتيۆتەر نەمەسە لوكوموتيۆ توپتارى (توپتامالارى), جولاۋشى ۆاگوندارىنان, ديزەل جانە ەلەكتر سەكتسيالارىنان تۇراتىن پوەزدار, سونداي-اق پوەزداردىڭ ناقتىلانعان قوزعالىس گرافيگىندە قوزعالىسى كوزدەلمەگەن ۇلتتىق ينفراقۇرىلىم وپەراتورىنىڭ ءوز مۇقتاجدارىنا ارنالعان پوەزدار;
9) قوسىمشا وتىنىمدەر – پوەزدار قوزعالىسىنىڭ نورماتيۆتىك گرافيگى قولدانىستا بولعان كەزەڭدە تاسىمالداۋشىلاردان كەلىپ تۇسكەن قوسىمشا تاسىمالداۋلارعا ماگيسترالدىق تەمىرجول جەلىسى قىزمەتتەرىنە قول جەتكىزۋدى ۇسىنۋعا ارنالعان وتىنىمدەر;
10) قوسىمشا تاسىمالدار – پوەزدار قوزعالىسىنىڭ نورماتيۆتىك گرافيگىندە كوزدەلمەگەن, ماگيسترالدىق تەمىرجول جەلىسىنىڭ بوس نەمەسە بەلگىلەنگەن تارتىپتە بوساتىلعان وتكىزۋ قابىلەتى ەسەبىنەن جۇزەگە اسىرۋ مۇمكىن بولاتىن قوسىمشا قوزعالىس تارماقتارىن ءبولۋدى تالاپ ەتەتىن تاسىمالدار;
11) ماگيسترالدىق تەمىرجول جەلىسىنىڭ قىزمەتتەرى – ۇلتتىق ينفراقۇرىلىم وپەراتورى كورسەتەتىن, پوەزداردى وتكىزۋ جانە قوزعالىسى ءۇشىن ماگيسترالدىق تەمىرجول جەلىسىن پايدالانۋعا بايلانىستى قىزمەتتەر;
12) ماگيسترالدىق تەمىرجول جەلىسىنىڭ قىزمەتىن كورسەتۋگە ارنالعان شارت (بۇدان ءارى – شارت) – «تابيعي مونوپوليالار جانە رەتتەلەتىن نارىقتار تۋرالى» 1998 جىلعى 9 شىلدەدەگى قازاقستان رەسپۋبليكاسى زاڭىنىڭ 7-بابى 8) تارماقشاسىنا سايكەس تابيعي مونوپوليالار سالالارىنداعى جانە رەتتەلەتىن نارىقتارداعى باسشىلىقتى جۇزەگە اسىراتىن ۋاكىلەتتى ورگانمەن بەكىتىلگەن ماگيسترالدىق تەمىرجول جەلىسى قىزمەتتەرىن كورسەتۋگە ارنالعان ۇلگى شارتقا سايكەس تاسىمالداۋشى مەن ۇلتتىق ينفراقۇرىلىم وپەراتورى اراسىندا جاسالعان ماگيسترالدىق تەمىرجول جەلىسى قىزمەتتەرىن كورسەتۋگە ارنالعان شارت;
13) ماگيسترالدىق تەمىرجول جەلىسىنىڭ وتكىزۋ قابىلەتىنىڭ ۇلەسى (گرافيك تارماقتارىنىڭ سانى) – ۋاقىتتىڭ بەلگىلى ءبىر ارالىعىندا ماگيسترالدىق تەمىرجول جەلىسىنىڭ قانداي دا ءبىر بولىگىندە پوەزدار (پوەزد جۇبى) قوزعالىسىنىڭ بارىنشا جوعارى مولشەرىن قامتاماسىز ەتۋ جونىندەگى ونىڭ الەۋەتتى مۇمكىندىگى;
14) ماگيسترالدىق تەمىرجول جەلىسىنىڭ وتكىزۋ قابىلەتىن ءبولۋ – وسى قاعيدالاردا بەلگىلەنگەن قاعيداتتاردىڭ نەگىزىندە ۇلتتىق ينفراقۇرىلىم وپەراتورى جۇزەگە اسىراتىن بارلىق تاسىمالداۋشىلار پوەزدارىنىڭ قوزعالىس گرافيگىن قالىپتاستىرۋ ءراسىمى;
15) ماگيسترالدىق تەمىرجول جەلىسى قىزمەتتەرىنە قول جەتكىزۋدى ۇسىنۋعا ارنالعان ءوتىنىم – ماگيسترالدىق تەمىرجول جەلىسى قىزمەتتەرىنە قولجەتىمدىلىك الۋ ءۇشىن تاسىمالداۋشىلار ۇلتتىق ينفراقۇرىلىم وپەراتورىنا بەرەتىن قۇجات;
16) ماگيسترالدىق تەمىرجول جەلىسى قىزمەتتەرىنە قول جەتكىزۋ – تاسىمالداۋشىلاردىڭ تاسىمالداردى جۇزەگە اسىرۋ ءۇشىن ماگيسترالدىق تەمىرجول جەلىسى قىزمەتتەرىن الۋ مۇمكىندىگى;
17) ماگيسترالدىق تەمىرجول جەلىسى قىزمەتتەرىن كورسەتۋگە ارنالعان ۇزاق مەرزىمدى شارت – ۇلتتىق ينفراقۇرىلىم وپەراتورى مەن تاسىمالداۋشى اراسىندا كەمىندە 5 (بەس) جىلدىق كەزەڭگە جاسالعان ماگيسترالدىق تەمىرجول جەلىسى قىزمەتتەرىن كورسەتۋگە ارنالعان شارت;
18) ماگيسترالدىق تەمىرجول جەلىسى ۋچاسكەلەرىنىڭ تەحنيكالىق ەرەكشەلىگى (بۇدان ءارى – تەحنيكالىق ەرەكشەلىك) – ماگيسترالدىق تەمىرجول جەلىسى ۋچاسكەلەرىنىڭ جانە ستانتسيالارىنىڭ تەحنيكالىق سيپاتتامالارىن, ماگيسترالدىق تەمىرجول جەلىسى ۋچاسكەلەرىنىڭ تاۋلىكتىك وتكىزۋ قابىلەتى, جۇك پوەزدارىنىڭ قابىلداۋ-تاپسىرۋدىڭ (الماسۋدىڭ) بولجامدى ۋاقىتى, ماگيسترالدىق تەمىرجول جەلىسىنىڭ وتكىزۋ قابىلەتىنىڭ رەزەرۆتەلگەن ۇلەستەرى, جوندەۋدىڭ جوسپارلى مەرزىمدەرى, ماگيسترالدىق تەمىرجول جەلىسى ۋچاسكەلەرىنىڭ ەركىن وتكىزۋ قابىلەتى تۋرالى مالىمەتتەردى, گرافيك تارماقتارىنىڭ جوبالارىن قامتيتىن ۇلتتىق ينفراقۇرىلىم وپەراتورى جاساعان جانە بەكىتكەن قۇجات;
19) ماگيسترالدىق تەمىرجول جەلىسى ۋچاسكەسىنىڭ وتكىزۋ قابىلەتى – ماگيسترالدىق تەمىرجول جەلىسىنىڭ, جىلجىمالى قۇرامنىڭ تەحنيكالىق جانە تەحنولوگيالىق مۇمكىندىكتەرىنە جانە ءتۇرلى ساناتتاعى پوەزداردىڭ وتكىزىلۋىن ەسكەرە وتىرىپ, پوەزداردىڭ قوزعالۋىن ۇيىمداستىرۋ تاسىلدەرىنە قاراي ەسەپتى ۋاقىت كەزەڭى (تاۋلىك) ىشىندە ماگيسترالدىق تەمىرجول جەلىسىنىڭ ۋچاسكەسى بويىنشا وتكىزىلۋى مۇمكىن پوەزدارداعى (پوەز جۇپتارىنداعى) قوزعالىس مولشەرى;
20) ماگيسترالدىق تەمىرجول جەلىسى ۋچاسكەسىنىڭ تاۋلىكتىك وتكىزۋ قابىلەتىنىڭ سەگمەنتى – بولەك پۋنكتتەر اراسىندا جىلدامدىقتارى جانە ءجۇرۋ ۋاقىتى جاقىن پوەزداردى وتكىزۋ ءۇشىن بولىنگەن تاۋلىكتىڭ ۋاقىت كەزەڭى;
21) وتكىزۋ قابىلەتىن بەرۋگە جەدەل سۇراۋ سالۋ – ۇلتتىق ينفراقۇرىلىم وپەراتورىنىڭ ديسپەتچەرى بەلگىلەنگەن تارتىپپەن تىركەيتىن, وتكىزۋ قابىلەتىنىڭ ۇلەسىن ءبولۋ جانە ديسپەتچەرلىك كەستە شەڭبەرىندە ارناۋلى جانە قوسالقى پوەزدار قوزعالىسىن ۇيىمداستىرۋ تۋرالى تاسىمالداۋشىنىڭ ۋاكىلەتتى وكىلىنىڭ قۇجاتى;
22) پوەزداردىڭ قوزعالىس گرافيگى – ۇلتتىق ينفراقۇرىلىم وپەراتورىنىڭ ماگيسترالدىق تەمىرجول جەلىسى ۋچاسكەلەرىندە بارلىق ساناتتاعى پوەزدار قوزعالىسىن ۇيىمداستىرۋدى بەلگىلەيتىن, شارتتى تاۋلىكتەردەگى ماسشتابتى توردا پوەزداردىڭ ءجۇرۋىن گرافيك تۇردە كورسەتەتىن, پوەزدار قوزعالىسىنىڭ نورماتيۆتىك (جوسپارلى جىلعا), نۇسقالىق (ۋاقىتتىڭ جەكەلەگەن كەزەڭدەرىندە) جانە جەدەل (اعىمداعى جوسپارلى تاۋلىككە) گرافيگى بولىپ بولىنەتىن قۇجاتى;
23) پوەزداردىڭ قوزعالىس كەستەسى – پوەزدار قوزعالىسى گرافيگىنىڭ نەگىزىندە بەلگىلى ءبىر كۇنتىزبەلىك كۇندەر بويىنشا پوەزدار قوزعالىسى تۋرالى اقپاراتى قامتيتىن قۇجات;
24) پوەزداردىڭ ناقتىلانعان قوزعالىس گرافيگى – قوسىمشا تاسىمالداردى, سونداي-اق گرافيك تارماقتارى ۋاقىتىنىڭ ناقتىلانۋىن ەسكەرە وتىرىپ, ماگيسترالدىق تەمىرجول جەلىسى قىزمەتتەرىنە قولجەتىمدىلىك بەرۋگە ارنالعان وتىنىمدە كورسەتىلگەن تاسىمالداۋ كولەمدەرىنىڭ تۇزەتۋلەرى نەگىزىندە بەلگىلى ءبىر كۇنتىزبەلىك ايعا ناقتىلانعان پوەزدار قوزعالىسىنىڭ نورماتيۆتىك گرافيگىنىڭ نۇسقاسى;
25) پوەزداردى قالىپتاستىرۋ جوسپارى – تاسىمالداۋشىلاردىڭ پوەزداردى قالىپتاستىرۋ جوسپارى جوبالارىنىڭ نەگىزىندە ۇلتتىق ينفراقۇرىلىم وپەراتورى بەكىتكەن, ماگيسترالدىق تەمىرجول ۋچاسكەلەرىنىڭ وتكىزۋ قابىلەتىن جانە ستانتسيالاردىڭ وڭدەۋ قابىلەتىن ەسكەرە وتىرىپ, تەمىرجول ستانتسيالارىندا قالىپتاستىرىلاتىن پوەزداردىڭ ساناتتارى مەن مەجەلى باعىتتارىن بەلگىلەيتىن قۇجات;
26) پوەزدار قوزعالىسىنىڭ جيىنتىق تاۋلىكتىك جوسپارى – جوسپارلانىپ وتىرعان تاۋلىكتە پوەزدار قوزعالىسىن ديسپەتچەرلىك رەتتەۋ جانە ۇيىمداستىرۋ ءۇشىن تاسىمالداۋشىلاردىڭ پوەزدار قوزعالىسىنىڭ تاۋلىكتىك جوسپارلارى نەگىزىندە ۇلتتىق ينفراقۇرىلىم وپەراتورى جاساعان قۇجات;
27) پوەزدار قوزعالىسىنىڭ تاۋلىكتىك جوسپارى – ۇلتتىق ينفراقۇرىلىم وپەراتورى بەكىتكەن نىسان بويىنشا تاسىمالداۋشى جاساعان جانە جونەلتىلەتىن پوەزدار, پوەزدار قوزعالىسىنىڭ جيىنتىق كەستەسىنە سايكەس لوكوموتيۆتەر مەن لوكوموتيۆ بريگادالارىنىڭ اۋىسۋى تۋرالى اقپاراتتى, سونداي-اق كەستەدە كوزدەلمەگەن پوەزداردى وتكىزۋگە ارنالعان ءوتىنىمدى قامتيتىن قۇجات;
28) تاسىمالداردىڭ جيىنتىق ايلىق جوسپارى – تاسىمالداۋشىلار مالىمدەگەن ايلىق جۇك تاسىمالداۋ جوسپارلارىنىڭ نەگىزىندە تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ تەمىرجول كولىگى جونىندەگى ورتالىق كەڭەسىمەن جانە قاتىسى بار تەمىرجول اكىمشىلىكتەرىمەن كەلىسۋ ءۇشىن ۇلتتىق ينفراقۇرىلىم وپەراتورى جاسايتىن قۇجات;
29) تاسىمالداردى ايلىق جوسپارلاۋ – ماگيسترالدىق تەمىرجول قىزمەتتەرىن كورسەتۋگە جاسالعان شارت شەڭبەرىندە تاسىمالداۋشىنىڭ جۇك, ۆاگون جانە پوەز اعىندارىن جانە تاسىمالداردى ۇيىمداستىرۋ ءۇشىن ستانتسيالاردا ۆاگونداردى وڭدەۋ كولەمدەرىن ايلىق مودەلدەۋ (بولجاۋ) پروتسەسى;
30) تاسىمالداردى جوسپارلاۋ – قىزمەتتەر كورسەتۋگە جاسالعان شارتتارعا سايكەس بەلگىلەنگەن ۋاقىت كەزەڭىنە (جىل, اي, تاۋلىك) ماگيسترالدىق تەمىرجول جەلىسى وبەكتىلەرىندە (ۋچاسكەلەر مەن ستانتسيالاردا) تاسىمالدار جوسپارىن ازىرلەۋ;
31) تاسىمالداۋشىنىڭ پوەزداردى قالىپتاستىرۋ جوسپارىنىڭ جوباسى – پوەزداردى قالىپتاستىرۋ ءتارتىبى مەن ساناتتارىن, قالىپتاستىرۋ, وڭدەۋ, تاراتۋ ستانتسيالارىن ايقىنداتىن, ماگيسترالدىق تەمىرجول جەلىسى ۋچاسكەلەرىنىڭ تەحنيكالىق ەرەكشەلىكتەرىنىڭ دەرەكتەرىن ەسكەرە وتىرىپ, تاۋەلسىز مەملەكەتتەر دوستاستىعىنىڭ تەمىرجول كولىگى جونىندەگى ورتالىق كەڭەسى جانە تەمىر جولدار ىنتىماقتاستىعى ۇيىمى قابىلداعان كەلىسىمدەردە بەلگىلەنگەن قاعيداتتار مەن تالاپتار نەگىزىندە جۇك تۇرىنە قاراي تاسىمالداۋشىلار ءۇشىن نارىقتىق تۇرعىدا قولايلى جەتكىزۋ مەرزىمدەرىن قامتاماسىز ەتەتىن ۆاگون اعىندارىن پوەزدارعا ۇيىمداستىرۋ جوسپارىنىڭ جوباسى;
32) تاسىمالداۋشىنىڭ پوەزدار قوزعالىسىنىڭ كەستەسى مەن گرافيگىنىڭ جوباسى – ماگيسترالدىق تەمىرجول جەلىسى ۋچاسكەلەرىنىڭ تەحنيكالىق ەرەكشەلىكتەرىنىڭ دەرەكتەرىن ەسكەرە وتىرىپ, بەلگىلى ءبىر كۇنتىزبەلىك كۇندەر بويىنشا ستانتسيالار بويىنشا پوەزداردى جونەلتۋ, تەحنولوگيالىق توقتاپ تۇرۋ, كەلۋ ۋاقىتىن كورسەتەتىن كەستە جانە گرافيك نىسانىندا تاسىمالداۋشى جاساعان قۇجات;
33) تاسىمالداۋشىنىڭ تەحنيكالىق جوسپارى – تاسىمالداۋشى جاسايتىن جانە كۇنتىزبەلىك ايعا ونىڭ پايدالانۋ جۇمىسىنىڭ تەحنيكالىق نورمالارىن, سونداي-اق ىشكى جانە سىرتقى تۇيىسۋلەر بويىنشا پوەزدار مەن ۆاگونداردى قابىلداۋدىڭ/تاپسىرۋدىڭ ءنورماتيۆتى كولەمدەرىن كورسەتەتىن قۇجات;
34) تاسىمالدى جۇزەگە اسىرۋدىڭ تەحنيكالىق جانە تەحنولوگيالىق مۇمكىندىگى – ماگيسترالدىق تەمىرجولداردىڭ جانە بولەك پۋنكتتەردىڭ پوەزداردىڭ قاۋىپسىز قوزعالىسىن, كەدەرگىسىز وتكىزۋدى, قابىلداۋدى, وندەۋدى جانە جونەلتۋدى جۇزەگە اسىرۋ جونىندەگى قابىلەتى;
35) تەحنيكالىق جوسپار – تاسىمالداردىڭ جيىنتىق جوسپارى, تاسىمالداۋشىلاردىڭ تەحنيكالىق جوسپارلارىنىڭ جانە تاۋەلسىز مەملەكەتتەر دوستاستىعىنىڭ تەمىرجول كولىگى جونىندەگى ورتالىق كەڭەسى اقپاراتىنىڭ نەگىزىندە ۇلتتىق ينفراقۇرىلىم وپەراتورى جاسايتىن قۇجات;
36) شتاتتان تىس جاعداي – ماگيسترالدىق تەمىرجول جەلىسى وبەكتىلەرىندەگى اقاۋلىقتار ناتيجەسىندە پوەزداردىڭ قوزعالىس قاۋىپسىزدىگىنە قاۋىپ توندىرەتىن نە پوەزداردى وتكىزۋ ءۇشىن كەدەرگى كەلتىرەتىن ءمان-جاي.
وسى قاعيدالاردا پايدالانىلاتىن وزگە دە ۇعىمدار زاڭدا ايقىندالعان ماعىنالاردا قولدانىلادى.
3. ماگيسترالدىق تەمىرجول جەلىسى قىزمەتتەرىنە قول جەتكىزۋ ءۇشىن تاسىمالداۋشى ينفراقۇرىلىم وپەراتورىنا وسى قاعيدالارعا قوسىمشاعا سايكەس نىسان بويىنشا ماگيسترالدىق تەمىرجول جەلىسى قىزمەتتەرىنە قول جەتكىزۋ قۇقىعىن ۇسىنۋعا ارنالعان ءوتىنىمدى (بۇدان ءارى – ءوتىنىم) جىبەرەدى.
4. تاسىمالداۋشىنىڭ ماگيسترالدىق تەمىرجول جەلىسى قىزمەتتەرىنە رۇقسات الۋعا ارنالعان ءوتىنىمىن ۇلتتىق ينفراقۇرىلىم وپەراتورى مالىمدەگەن كولەمدەرگە نە باسقا دا جاعدايلارعا قاراماستان, تەڭ جاعدايدا قابىلدايدى.
5. تاسىمالداۋشىنىڭ وسى قاعيدالاردا بەلگىلەنگەن شارتتاردى ساقتاۋى شارت جاساسۋ ءۇشىن نەگىز بولىپ تابىلادى.
شارت جاساسپاي ماگيسترالدىق تەمىرجول جەلىسىن پايدالانۋعا جول بەرىلمەيدى.
6. تاسىمالداۋشىنىڭ ماگيسترالدىق تەمىرجول جەلىسىنىڭ كورسەتكەن قىزمەتتەرى ءۇشىن اقى «تابيعي مونوپوليالار جانە رەتتەلەتىن نارىقتار تۋرالى» 1998 جىلعى 9 شىلدەدەگى قازاقستان رەسپۋبليكاسى زاڭىنىڭ 13-بابى 1 تارماعىنىڭ 4) تارماقشاسىنا سايكەس تابيعي مونوپوليالاردى رەتتەۋ سالالارىنداعى جانە رەتتەلەتىن نارىقتاعى باسشىلىقتى جۇزەگە اسىراتىن ۋاكىلەتتى ورگانمەن بەكىتىلگەن تاريفتەر بويىنشا جۇرگىزىلەدى.
2. ماگيسترالدىق تەمىرجول جەلىسىن پايدالانۋ ءتارتىبى
1-پاراگراف. ماگيسترالدىق تەمىرجول جەلىسى قىزمەتتەرىنە قولجەتىمدىلىكتى بەرۋ
7. ماگيسترالدىق تەمىرجول جەلىسى قىزمەتتەرىنە قولجەتىمدىلىك وسى قاعيدالارمەن بەلگىلەنگەن تارتىپتە جانە «تابيعي مونوپوليالار جانە رەتتەلەتىن نارىقتار تۋرالى» 1998 جىلعى 9 شىلدەدەگى قازاقستان رەسپۋبليكاسى زاڭىنىڭ 7-بابى 3) تارماقشاسىنا سايكەس تابيعي مونوپوليالار سالالارىنداعى جانە رەتتەلەتىن نارىقتارداعى باسشىلىقتى جۇزەگە اسىراتىن ۋاكىلەتتى ورگانمەن بەكىتىلگەن تابيعي مونوپوليالار سالاسىنداعى رەتتەلىپ كورسەتىلەتىن قىزمەتتەرگە (تاۋارلارعا, جۇمىستارعا) قول جەتكىزۋدىڭ تەڭ جاعدايلارىن ۇسىنۋ قاعيدالارىنا سايكەس ۇسىنىلادى:
1) وندا پوەزدار قوزعالىسىن ۇيىمداستىرۋ ءۇشىن ماگيسترالدىق تەمىرجول جەلىسىنىڭ تەحنيكالىق جانە تەحنولوگيالىق مۇمكىندىكتەرىنە;
2) ماگيسترالدىق تەمىرجول جەلىسىنىڭ وتكىزۋ قابىلەتىنىڭ بولۋىن جانە ونى پايدالانۋ بويىنشا تاسىمالداۋشىلار ۇسىنىستارىن جانە ماگيسترالدىق تەمىرجول جەلىسى قىزمەتتەرىنە قول جەتكىزۋ قاعيداتتارى نەگىزىندە ۇلتتىق ينفراقۇرىلىم وپەراتورىنىڭ ماگيسترالدىق تەمىرجول جەلىسىنىڭ وتكىزۋ قابىلەتىن بولۋىنە;
3) جۇك پوەزدارىن قالىپتاستىرۋ جوسپارىن جانە پوەزدار قوزعالىسى گرافيگىنە;
4) ماگيسترالدىق تەمىرجول جەلىسىنىڭ شەكتەۋلى وتكىزۋ قابىلەتى جاعدايىندا, نورماتيۆتىك گرافيككە سايكەس تاسىمالداۋشىلارعا ماگيسترالدىق تەمىرجول جەلىسى قىزمەتتەرىنە قولجەتىمدىلىكتى بەرۋ كەزەكتىلىگىنىڭ ساقتالۋىنا;
5) زاڭناماعا سايكەس تەمىرجول تاسىمالدارىن جۇزەگە اسىرۋعا كەدەرگى بولاتىن تىيىم سالۋلار مەن شەكتەۋلەردىڭ بولماۋى.
8. تاسىمالداۋشىلارعا ماگيسترالدىق تەمىرجول جەلىسىنىڭ قىزمەتتەرىنە قولجەتىمدىلىك بەرۋدىڭ كەزەكتىلىگى مىناداي بەلگىلەردەن انىقتالادى:
1) پوەزد ساناتتارى;
2) پوەزداردىڭ ساناتى بىردەي بولعان كەزدە مىنالارعا:
تاسىمالداۋ كولەمدەرى بويىنشا شارتتىق مىندەتتەمەلەردىڭ ورىندالۋىن ەسكەرە وتىرىپ, ماگيسترالدىق تەمىرجول جەلىسى قىزمەتتەرىن كورسەتۋگە ارنالعان ۇزاق مەرزىمدى شارتتاردىڭ (كەمىندە 5 جىلدىق مەرزىمگە) بولۋىنا;
وتكىزۋ قابىلەتىن تاسىمالداۋشىنىڭ پايدالانۋ قارقىندىلىعىنا;
قولدانىستاعى شارتتىڭ بار بولۋىنا نە مەرزىمىن ۇزارتۋىنا بايلانىستى;
3) وسى تارماقتىڭ 1) جانە 2) تارماقشالارىندا كورسەتىلگەن كريتەريلەر بىردەي بولعان كەزدە, ءوتىنىشتى بەرۋ مەرزىمى.
9. ماگيسترالدىق تەمىرجول جەلىسى قىزمەتتەرىنە قول جەتكىزۋ قۇقىعىن بەرۋ ءتارتىبى مىنا كەزەڭدە قامتيدى:
1) ۇلتتىق ينفراقۇرىلىم وپەراتورىنىڭ تەحنيكالىق ەرەكشەلىكتى ازىرلەۋى جانە جاريالاۋى;
2) تاسىمالداۋشىنىڭ ماگيسترالدىق تەمىرجول جەلىسى قىزمەتتەرىنە قول جەتكىزۋ قۇقىعىن الۋعا ارنالعان ءوتىنىمدى بەرۋى;
3) ۇلتتىق ينفراقۇرىلىم وپەراتورىنىڭ ماگيسترالدىق تەمىرجول جەلىسى قىزمەتتەرىنە قولجەتىمدىكتى الۋعا ارنالعان ءوتىنىمدى قاراۋى;
4) پوەزدار قوزعالىسىنىڭ گرافيگىن جانە پوەزدار قوزعالىسى كەستەسىن بەكىتۋ;
5) وسى قاعيدالارعا سايكەس شارت جاساسۋ.
10. پوەزدار قوزعالىسىنىڭ نورماتيۆتىك گرافيگىنە سايكەس گرافيكتىڭ بەلگىلى ءبىر تارماعى بويىنشا ماگيسترالدىق تەمىرجول جەلىسى قىزمەتتەرىنە قولجەتىمدىلىك, ۇزاق مەرزىمدى شارتتاردان تۋىندايتىن قۇقىقتاردى قوسپاعاندا, تاسىمالداۋشىلارعا پوەزدار قوزعالىسى كەستەسى قولدانىسىنىڭ ءبىر مەرزىمىنەن اسپايتىن مەرزىمگە (1 جىل) بەرىلەدى.
11. پوەزدار قوزعالىسىنىڭ نورماتيۆتىك گرافيگىندە كوزدەلمەگەن قوسىمشا تاسىمالدار بويىنشا ماگيسترالدىق تەمىرجول جەلىسى قىزمەتتەرىنە قولجەتىمدىلىكتى بەرۋ وسى قاعيدالاردا بەلگىلەنگەن تارتىپپەن قوسىمشا وتىنىمدەر نەگىزىندە جۇزەگە اسىرىلادى.
2-پاراگراف. ماگيسترالدىق تەمىرجول جەلىسى ۋچاسكەلەرىنىڭ تەحنيكالىق ەرەكشەلىگى
12. ۇلتتىق ينفراقۇرىلىم وپەراتورى جىل سايىن, ماگيسترالدىق تەمىرجول جەلىسى قىزمەتتەرىنە ارنالعان وتىنىمدەردى قابىلداۋ باستالاتىن كۇنگە دەيىن كەمىندە 3 ء(ۇش) ايدان كەشىكتىرمەي تەحنيكالىق ەرەكشەلىكتى بەكىتەدى جانە جاريالايدى.
تەحنيكالىق ەرەكشەلىكتى جاريالاۋ ۇلتتىق ينفراقۇرىلىم وپەراتورىنىڭ رەسمي ينتەرنەت-سايتى ارقىلى جۇرگىزىلەدى.
تاسىمالداۋشى ينتەرنەت-رەسۋرستا تىركەلۋ ارقىلى تەحنيكالىق ەرەكشەلىككە قول جەتكىزەدى.
13. ماگيسترالدىق تەمىرجول جەلىسىنىڭ وتكىزۋ قابىلەتىن وڭتايلاندىرۋ جانە ۇتىمدى پايدالانۋ ماقساتىندا ۇلتتىق ينفراقۇرىلىم وپەراتورى تەحنيكالىق ەرەكشەلىكتە ماگيسترالدىق تەمىرجول جەلىسى ۋچاسكەلەرىنىڭ تاۋلىكتىك وتكىزۋ قابىلەتىن ولار بويىنشا ءجۇرۋ ۋاقىتىن تەحنيكالىق ەرەكشەلىكتە سارالاي وتىرىپ, ماگيسترالدىق تەمىرجول جەلىسىنىڭ تاۋلىكتىك وتكىزۋ قابىلەتىنىڭ سەگمەنتتەرىنە بولەدى.
14. تەحنيكالىق ەرەكشەلىكتە:
1) ماگيسترالدىق تەمىرجول جەلىسى ۋچاسكەلەرىنىڭ ۇزىندىعىن جانە تارتىم ءتۇرىن, پوەزدار قۇرامدارىنىڭ سالماعى مەن ۇزىندىعىنىڭ نورمالارىن, ءتۇرلى ساناتتاعى پوەزداردىڭ قوزعالىس جىلدامدىقتارىن كورسەتە وتىرىپ, پوەزدار قوزعالىسىن ۇيىمداستىرۋ ءۇشىن قاجەتتى ماگيسترالدىق تەمىرجول جەلىسى ۋچاسكەلەرى مەن ستانتسيالاردىڭ تەحنيكالىق سيپاتتامالارى;
2) ماگيسترالدىق تەمىرجول جەلىسى ۋچاسكەلەرىنىڭ تاۋلىكتىك وتكىزۋ قابىلەتىنىڭ سەگمەنتتەرى;
3) حالىقارالىق جولاۋشىلار قاتىناسى ءۇشىن گرافيك تارماقتارىنىڭ جوبالارى;
4) تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ تەمىرجول كولىگى جونىندەگى ورتالىق كەڭەسىنىڭ شەشىمىندە ايقىندالعان ءاربىر مەملەكەتارالىق ءتۇيىسۋ پۋنكتى بويىنشا جۇك پوەزدارىن قابىلداۋ-تاپسىرۋدىڭ (الماسۋدىڭ) بولجامدى ۋاقىتى;
5) ماگيسترالدىق تەمىرجول جەلىسى وتكىزۋ قابىلەتىنىڭ ۇلتتىق ينفراقۇرىلىم وپەراتورىنىڭ ءوز تەحنولوگيالىق (شارۋاشىلىق) قاجەتتىلىكتەرى ءۇشىن رەزەرۆتەلگەن ۇلەستەرى;
6) ماگيسترالدىق تەمىرجول جەلىسىنىڭ وتكىزۋ قابىلەتىنىڭ ۇزاق مەرزىمدى شارتتارعا سايكەس رەزەرۆتەلگەن ۇلەستەرى;
7) ماگيسترالدىق تەمىرجول جەلىسى وبەكتىلەرىن ۋچاسكەلەر بويىنشا جوندەۋدىڭ جوسپارلى مەرزىمدەرى;
8) زاڭىنىڭ تالاپتارىنا سايكەس تاسىمالداردى ورىنداۋ ءۇشىن ۇلتتىق جولاۋشىلار تاسىمالداۋشى مەن ۇلتتىق جۇك تاسىمالداۋشىعا قاجەتتى ماگيسترالدىق تەمىرجول جەلىسى ۋچاسكەلەرىنىڭ وتكىزۋ قابىلەتىن قوسپاعاندا, ماگيسترالدىق تەمىرجول جەلىسى ۋچاسكەلەرىنىڭ بوس وتكىزۋ قابىلەتى كورسەتىلەدى.
9) ماگيسترالدىق تەمىرجول جەلىسى ۋچاسكەلەرى بويىنشا تاسىمالداردى جوسپارلاۋعا جانە پوەزدار قوزعالىسىن ۇيىمداستىرۋعا ارنالعان وزگە دە مالىمەتتەر مەن شارتتار;
10) الەۋمەتتىك ماڭىزى بار قاتىناستار بويىنشا جولاۋشى تاسىمالىن جۇزەگە اسىرۋمەن بايلانىستى تاسىمالداۋشىلاردىڭ زالالدارىن سۋبسيديالاۋ تۋرالى جولاۋشى تاسىمالداۋشىلاردىڭ ۋاكىلەتتى ورگانمەن جاساعان شارتتارىنا سايكەس رەزەرۆتەلگەن ماگيسترالدىق تەمىرجول جەلىسى وتكىزۋ قابىلەتىنىڭ ۇلەستەرى كورسەتىلەدى.
3-پاراگراف. تاسىمالداۋشىلاردىڭ پوەزداردى قالىپتاستىرۋ جوسپارلارىنىڭ, پوەزدار قوزعالىسىنىڭ كەستەلەرى مەن گرافيكتەرىنىڭ جوبالارىن ازىرلەۋ
15. تاسىمالداۋشى پوەزداردى قالىپتاستىرۋ جوسپارىنىڭ جوباسىن ازىرلەگەن كەزدە:
1) مەنشىكتى (جالعا الىنعان) كىرمە جولدىڭ تەحنيكالىق مۇمكىندىكتەرىندە, ماگيسترالدىق تەمىرجول جەلىسى ۋچاسكەلەرىنىڭ تەحنيكالىق ەرەكشەلىگىندە كورسەتىلگەن ۋچاسكەلەر مەن ستانتسيالاردىڭ تەحنيكالىق سيپاتتامالارىندا;
2) تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ تەمىرجول كولىگى جونىندەگى ورتالىق كەڭەسى جانە تەمىرجولدار ىنتىماقتاستىعى ۇيىمى قابىلداعان كەلىسىمدەردە بەلگىلەنگەن تالاپتاردا بەرىلەتىن شەكتەۋلەردى باسشىلىققا الادى.
16. ماگيسترالدىق تەمىرجول جەلىسى قىزمەتتەرىنە قول جەتكىزۋگە ارنالعان ءوتىنىمدى قاراۋ شەڭبەرىندە ۇلتتىق ينفراقۇرىلىم وپەراتورى پوەزداردى قالىپتاستىرۋ جوسپارىن جاسايدى.
17. پوەزداردى قالىپتاستىرۋ جوسپارى پوەزدار قوزعالىسىنىڭ نورماتيۆتىك گرافيگىن ازىرلەۋمەن ءبىر مەرزىمدە جاسالادى.
18. تاسىمالداۋشىلاردىڭ پوەزدار قوزعالىسىنىڭ كەستەسى مەن گرافيگىنىڭ جوباسىن تاسىمالداۋشى پوەزدار قوزعالىسىنىڭ نورماتيۆتىك گرافيگى قولدانىستا بولاتىن كەزەڭگە, مىنالاردى:
1) ماگيسترالدىق تەمىرجول جەلىسى وبەكتىلەرىن كۇردەلى جوندەۋ جونىندەگى جۇمىستاردىڭ جۇرگىزىلۋىن (تەحنولوگيالىق «ءۇزىلىس»);
2) لوكوموتيۆ بريگادالارىنىڭ ۇزدىكسىز جۇمىسىنىڭ بەلگىلەنگەن ۇزاقتىعىنىڭ ساقتالۋىن;
3) تاسىمالداۋ پروتسەسى وپەراتسيالارىن ورىنداۋمەن بايلانىستى ەمەس ۆاگونداردىڭ توقتاپ تۇرۋى ءۇشىن مەنشىكتى (جالعا الىنعان) كىرمە جولداردىڭ تەحنيكالىق مۇمكىندىكتەرىنىڭ پايدالانىلۋىن;
4) بوس ۆاگونداردىڭ ءجۇرۋ (قايتارۋ) مارشرۋتتارىن;
5) جوسپارلانىپ وتىرعان جىلدامدىقتاردىڭ جانە پوەزدىڭ ءجۇرۋ ۋاقىتىنىڭ ماگيسترالدىق تەمىرجول جەلىسى ۋچاسكەلەرىنىڭ وتكىزۋ قابىلەتى سەگمەنتتەرى ءۇشىن بەلگىلەنگەن جىلدامدىقتار مەن ءجۇرۋ ۋاقىتىنا سايكەستىگىن;
6) تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ تەمىرجول كولىگى جونىندەگى ورتالىق كەڭەسىمەن كەلىسۋدى تالاپ ەتەتىن حالىقارالىق جولاۋشىلار تاسىمالدارى ءۇشىن رەزەرۆتەلگەن, سونداي-اق ۇزاق مەرزىمدى شارتتارعا سايكەس رەزەرۆتەلگەن وتكىزۋ قابىلەتى ۇلەستەرىن (گرافيك تارماقتارىن) ەسكەرە وتىرىپ, ماگيسترالدىق تەمىرجول جەلىسى ۋچاسكەلەرىنىڭ تەحنيكالىق ەرەكشەلىكتەرى نەگىزىندە جاسايدى.
4-پاراگراف. ماگيسترالدىق تەمىرجول جەلىسىنە قولجەتىمدىلىك الۋ ءۇشىن ءوتىنىمدى بەرۋ جانە قاراۋ
19. تاسىمالداۋشى ۇلتتىق ينفراقۇرىلىم وپەراتورىنا وسى قاعيدالارعا قوسىمشاعا سايكەس نىسان بويىنشا ءوتىنىم بەرەدى, وعان مىناداي قۇجاتتار جانە اقپارات قوسا بەرىلەدى:
1) ۇلتتىق ينفراقۇرىلىم وپەراتورى بەكىتكەن نىسان بويىنشا تاسىمالداۋشىنىڭ پوەزداردى قالىپتاستىرۋ جوسپارىنىڭ جوباسى;
2) ۇلتتىق ينفراقۇرىلىم وپەراتورى بەكىتكەن نىسان بويىنشا پوەزدار قوزعالىسىنىڭ كەستەسى مەن گرافيگىنىڭ جوباسى;
3) جوسپارلانىپ وتىرعان تاسىمالداردىڭ جىلدىق كولەمدەرى (گرافيكتىڭ ءار تارماعى ءۇشىن توقساندار مەن ايلار بويىنشا ءبولۋ ارقىلى);
4) باعىتتار بولىنىسىندە ايلار بويىنشا بولىنگەن وتكەن جىلعى جۇك تاسىمالداۋ كولەمدەرى;
5) جىلجىمالى قۇرامدى مەملەكەتتىك تىركەۋ تۋرالى كۋالىك;
6) جىلجىمالى قۇرامعا مەنشىك قۇقىعىن نەمەسە پايدالانۋ قۇقىعىن راستايتىن قۇجات;
7) جىلجىمالى قۇرامعا تەحنيكالىق قىزمەت كورسەتۋ جانە ونى جوندەۋ بازاسىنىڭ بولۋى تۋرالى قۇجات نەمەسە مۇنداي بازا بولماعان كەزدە جوندەۋ جۇمىستارىن جۇرگىزۋگە ارنالعان شارت (شارتتار);
8) تاسىمالداۋ جوسپارلانعان جىلجىمالى قۇرامنىڭ:
ءتۇرى مەن تيەسىلىگى;
تاسىمالداۋ جوسپارلانعان ۆاگونداردىڭ سانى;
تاسىمالداۋدى قامتاماسىز ەتۋ ءۇشىن تاسىمالداۋشى كوزدەگەن لوكوموتيۆتەردىڭ ۇلگىلەرى مەن سيپاتتامالارى كورسەتىلگەن تىزبەسى;
9) تاسىمالداۋ قىزمەتىن جۇزەگە اسىرۋ ءۇشىن ۇلتتىق ينفراقۇرىلىم وپەراتورىنا اقپارات بەرۋ جانە الماسۋ ءۇشىن قاجەتتى تاسىمالداۋ قۇجاتتارىن (ۆاگون پاراقتارى جانە انىقتاما قاعازدارى) جاساۋ جانە وڭدەۋدىڭ تەحنيكالىق مۇمكىندىگىنىڭ بولۋىن راستايتىن اقپارات ء(بىرىنشى باسشىنىڭ نەمەسە ونى الماستىراتىن ادامنىڭ قولى قويىلعان حات) نە بولماسا مۇنداي مۇمكىندىگى بار تاسىمالداۋشىمەن جاسالعان شارت;
10) جۇكتەردى تاسىمالداۋ بويىنشا قىزمەتتى جۇزەگە اسىرعان جاعدايدا:
«رۇقساتتار جانە حابارلامالار تۋرالى» قازاقستان رەسپۋبليكاسىنىڭ 2014 جىلعى 16 مامىرداعى زاڭىنا سايكەس جۇكتەردى تاسىمالداۋ بويىنشا قىزمەتتى جۇزەگە اسىرۋعا ليتسەنزيانىڭ كوشىرمەسى;
تاسىمالداناتىن جۇكتەردىڭ تۇرلەرى تۋرالى اقپارات;
11) الەۋمەتتىك ءمانى بار قاتىناستار بويىنشا جولاۋشىلار تاسىمالدارى جونىندەگى قىزمەتتى جۇزەگە اسىرعان جاعدايدا, الەۋمەتتىك ءمانى بار وبلىسارالىق قاتىناستار بويىنشا تەمىرجول جولاۋشىلار تاسىمالىن جۇزەگە اسىراتىن تاسىمالداۋشىلاردى ايقىنداۋ جونىندەگى اشىق تەندەردىڭ قورىتىندىلارى تۋرالى حاتتامادان ءۇزىندى كوشىرمە نەمەسە الەۋمەتتىك ءمانى بار قاتىناس بويىنشا تاسىمالداۋشىنىڭ شىعىندارىن سۋبسيديالاۋ تۋرالى ۋاكىلەتتى ورگانمەن جاساسقان شارتتىڭ كوشىرمەسى;
12) ماگيسترالدىق تەمىرجول جەلىسى ورنالاسقان اۋماقتا ورنالاسقان زاڭدى تۇلعانى نەمەسە فيليالدى مەملەكەتتىك تىركەۋ (قايتا تىركەۋ) تۋرالى انىقتاما نەمەسە كۋالىك;
13) قازاقستان رەسپۋبليكاسى قارجى ءمينيسترىنىڭ 2008 جىلعى 29 جەلتوقسانداعى N 622 بۇيرىعىمەن بەكىتىلگەن دەربەس شوتتاردى جۇرگىزۋ ەرەجەلەرىنىڭ 18-قوسىمشاسىنا سايكەس ءتيىستى مەملەكەتتىك كىرىستەر ورگانىنىڭ سالىقتىق بەرەشەك جانە بىرىڭعاي جيناقتاۋشى زەينەتاقى قورىنا مىندەتتى زەينەتاقى جارنالارى بويىنشا ءوتىنىش بەرىلگەن كۇننىڭ الدىنداعى ءۇش ايدان استام تولەۋ مەرزىمى (قازاقستان رەسپۋبليكاسىنىڭ زاڭناماسىنا سايكەس ۇزارتىلعان جاعدايدى قوسپاعاندا) بەرەشەكتىڭ بولماۋى نەمەسە بولۋى تۋرالى ءبىرىنشى باسشىنىڭ نەمەسە قول قويۋ قۇقىعى بار ادامنىڭ قول قويۋىمەن (وسى قۇقىقتى راستايتىن ءتيىستى قۇجاتتى قوسا بەرە وتىرىپ), وسى سالىق ورگانىنىڭ ءمورى باسىلعان ءتيىستى مەملەكەتتىك سالىق ورگانىنىڭ انىقتاماسى. ەگەر انىقتامادا بەرەشەك كورسەتىلگەن بولسا, انىقتاما بەرگەن ادامنىڭ قولى قويىلعان وسى بەرەشەك پايدا بولعان مەرزىمدى راستايتىن قۇجاتتى قوسا بەرۋ قاجەت;
14) قازاقستان رەسپۋبليكاسىنىڭ ساقتاندىرۋ جانە ساقتاندىرۋ قىزمەتى تۋرالى زاڭناماسىنا سايكەس جاسالعان تەمىرجول كولىگىن, جۇكتەردى جانە ازاماتتىق-قۇقىقتىق جاۋاپكەرشىلىكتى ساقتاندىرۋ شارتتارى;
15) سوڭعى اۋديتورلىق تەكسەرۋ ەسەبىنىڭ كوشىرمەسى جانە وعان قوسىمشا;
16) جوسپارلانىپ وتىرعان قىزمەتتەر كولەمى قۇنىنىڭ 0,1 %-ىنا (وننان ءبىر پايىزىنا) تەڭ مولشەردە ينفراقۇرىلىمعا قول جەتكىزۋدى بەرۋگە ارنالعان ءوتىنىمنىڭ اقشالاي قامتاماسىز ەتىلۋى (نە بولماسا اتالعان سوماعا بانك كەپىلدەمەسى);
17) شارتقا قول قويۋ قۇقىعىنا سەنىمحات, ەگەر زاڭدى تۇلعانىڭ وكىلى ءبىرىنشى باسشى نەمەسە ءبىرىنشى باسشىنىڭ مىندەتىن اتقارۋشى تۇلعا بولماعان جاعدايدا, سەنىم بىلدىرىلگەن تۇلعا وكىلدىك ەتەدى;
18) لوكوموتيۆ بريگادالارىنىڭ بىلىكتىلىگى جانە ولاردىڭ قىزمەت كورسەتۋ ۋچاسكەلەرىنىڭ جوسپارلارى مەن بەيىمدەرىن ءبىلۋى تۋرالى اقپارات.
قاعيدالاردىڭ وسى تارماعىنىڭ 16) تارماقشاسىندا بەلگىلەنگەن تالاپ ۆاگوندىق جونەلتىلىمدەردى جۇزەگە اسىراتىن تاسىمالداۋشىعا قولدانىلمايدى.
20. تاسىمالداۋشى ۇلتتىق ينفراقۇرىلىم وپەراتورىنا بەرەتىن قاعاز جەتكىزگىشتەردەگى ءوتىنىم مىناداي تالاپتارعا سايكەس بولۋى ءتيىس:
1) ءوتىنىم جانە وعان قوسا بەرىلەتىن قۇجاتتار تىگىلەدى, نومىرلەنەدى جانە تاسىمالداۋشىنىڭ مورىمەن, سونداي-اق ونىڭ باسشىسىنىڭ نە ول ۋاكىلەتتىك بەرگەن تۇلعانىڭ قول قويۋىمەن راستالادى;
2) قوسا بەرىلەتىن قۇجاتتار تۇپنۇسقالار نەمەسە ولاردىڭ كوشىرمەلەرى بولىپ تابىلادى, سوڭعى جاعدايدا وتىنىمگە قول قوياتىن باسشى نە بولماسا ول ۋاكىلەتتىك بەرگەن تۇلعا ولاردىڭ انىقتىعى مەن تولىقتىعىن جازباشا راستايدى;
3) ءوتىنىم جانە وعان قوسا بەرىلەتىن قۇجاتتار مەن اقپارات مەملەكەتتىك جانە (نەمەسە) ورىس تىلدەرىندە بەرىلەدى جانە ولاردا تۇزەتۋلەر نەمەسە تولىقتىرۋلار بولمايدى.
21. ماگيسترالدىق تەمىرجول جەلىسى قىزمەتتەرىنە قول جەتكىزۋ قۇقىعىن بەرۋگە ارنالعان وتىنىمدەردى قابىلداۋ تاسىمالداۋ جوسپارلانىپ وتىرعان جىلدىڭ الدىنداعى جىلعى ونىنشى ماۋسىمدا باستالادى جانە تاسىمالداۋ جوسپارلانىپ وتىرعان جىلدىڭ الدىنداعى جىلعى جيىرما بەسىنشى شىلدەدە اياقتالادى.
الەۋمەتتىك ماڭىزى بار قاتىناستار بويىنشا جولاۋشى تاسىمالىن جۇزەگە اسىراتىن جولاۋشى تاسىمالداۋشىلار الەۋمەتتىك ماڭىزى بار قاتىناستار بويىنشا جولاۋشى تاسىمالىن جۇزەگە اسىرۋمەن بايلانىستى تاسىمالداۋشىلاردىڭ زالالدارىن سۋبسيديالاۋ تۋرالى ۋاكىلەتتى ورگانمەن شارتتار جاساسقان سوڭ, بىراق جوسپارلانىپ وتىرعان تاسىمالدىڭ الدىنداعى جىلعى 31 جەلتوقساننان كەشىكتىرمەي وتىنىمدەر بەرەدى.
22. ۇلتتىق ينفراقۇرىلىم وپەراتورى ءوتىنىمدى تىركەيدى جانە تاسىمالداۋشىعا ءوتىنىمنىڭ رەتتىك تىركەۋ ءنومىرى, قابىلدانعان كۇنى, قابىلدانعان قۇجاتتاردىڭ تىزبەسى كورسەتىلگەن قۇجاتتى بەرەدى.
23. ۇلتتىق ينفراقۇرىلىم وپەراتورى كەلىپ تۇسكەن وتىنىمدەردىڭ وسى قاعيدالاردا بەلگىلەنگەن تالاپتارعا سايكەستىگىن تەكسەرەدى.
24. ءوتىنىم وسى قاعيدالاردا بەلگىلەنگەن تالاپتارعا ساي بولماعان, سونداي-اق تاسىمالداۋشى دايەكسىز اقپارات ۇسىنعان جاعدايدا, ۇلتتىق ينفراقۇرىلىم وپەراتورى ءوتىنىم كەلىپ تۇسكەن كۇننەن باستاپ بەس جۇمىس كۇنى ىشىندە جازباشا تۇردە قابىلداۋدان باس تارتۋ سەبەپتەرىن كورسەتە وتىرىپ, ءوتىنىمدى قاراۋعا قابىلداۋدان باس تارتۋ تۋرالى تاسىمالداۋشىنى حاباردار ەتەدى.
25. ۇلتتىق ينفراقۇرىلىم وپەراتورىنىڭ وتىنىمدەردى قاراۋدى جانە پوەزدار قوزعالىسىنىڭ نورماتيۆتىك گرافيگىنىڭ باستاپقى جوباسىن قالىپتاستىرۋدى اياقتاۋ مەرزىمى تاسىمالداۋ جوسپارلانىپ وتىرعان جىلدىڭ الدىنداعى جىلعى جيىرما بەسىنشى قاراشادا اياقتالادى.
26. ۇسىنىلعان وتىنىمدەگى مالىمەتتەر وزگەرگەن جاعدايدا, پوەزدار قوزعالىسىنىڭ نورماتيۆتىك گرافيگىن قالىپتاستىرۋعا قاجەتتى وتىنىمدەردى قاراۋ كەزەڭىندە (بىراق وتىنىمدەردى قاراۋ مەرزىمى اياقتالعانعا دەيىن كەمىندە ءبىر اي بۇرىن) تاسىمالداۋشى ۇلتتىق ينفراقۇرىلىم وپەراتورىنا بۇل تۋرالى جازباشا حابارلايدى.
27. ۇلتتىق ينفراقۇرىلىم وپەراتورى پوەزدار قوزعالىسىنىڭ نورماتيۆتىك گرافيگىنىڭ باستاپقى جوباسىن تاسىمالداۋشىلاردىڭ قاراۋعا قابىلدانعان وتىنىمدەرىن جانە ماگيسترالدىق تەمىرجول جەلىسى ۋچاسكەلەرىنىڭ وتكىزۋ قابىلەتىن بارىنشا پايدالانۋىن ەسكەرە وتىرىپ, وزدىگىنەن جاسايدى.
ۇلتتىق ينفراقۇرىلىم وپەراتورى پوەزدار قوزعالىسىنىڭ باستاپقى نورماتيۆتىك گرافيگىنىڭ نەگىزىندە ماگيسترالدىق تەمىرجول جەلىسى قىزمەتتەرىنە ارنالعان وتىنىمدەردى قاراۋ قورىتىندىلارى بويىنشا ۇلتتىق ينفراقۇرىلىم وپەراتورىنىڭ رەسمي ينتەرنەت-رەسۋرسىندا شەشىمدى ورنالاستىرۋ ارقىلى تاسىمالداۋ جوسپارلانىپ وتىرعان جىلدىڭ الدىنداعى جىلعى وتىزىنشى قاراشاعا دەيىنگى مەرزىمدە گرافيكتىڭ شارتتى تارماقتارىن ءبولۋ تۋرالى شەشىم جونىندە تاسىمالداۋشىلاردى جازباشا تۇردە حاباردار ەتەدى.
5-پاراگراف. پوەزدار قوزعالىسىنىڭ نورماتيۆتىك گرافيگى مەن كەستەسىن قالىپتاستىرۋ, ازىرلەۋ جانە بەكىتۋ
28. ۇلتتىق ينفراقۇرىلىم وپەراتورى تاسىمالداۋ جوسپارلانعان جىلدىڭ الدىنداعى جىلعى 1 ء(بىرىنشى) جەلتوقساننان باستاپ تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ تەمىرجول كولىگى جونىندەگى ورتالىق كەڭەسىنىڭ شەڭبەرىندە وتكىزىلەتىن تەحنيكالىق كەڭەستەردىڭ شەشىمدەرىن ەسكەرە وتىرىپ, پوەزدار قوزعالىسىنىڭ نورماتيۆتىك گرافيگىنىڭ باستاپقى جوباسىن تۇزەتەدى.
29. پوەزدار قوزعالىسىنىڭ نورماتيۆتىك گرافيگىن ازىرلەگەن كەزدە ۇلتتىق ينفراقۇرىلىم وپەراتورى پوەزدار قوزعالىسىنىڭ نورماتيۆتىك گرافيگى قولدانىستا بولاتىن كەزەڭگە پوەزدار قوزعالىسىنىڭ جيىنتىق كەستەسىنىڭ جانە پوەزداردى قالىپتاستىرۋ جوسپارىنىڭ جوباسىن قالىپتاستىرادى.
پوەزدار قوزعالىسىنىڭ جيىنتىق كەستەسىنىڭ جوباسى تاسىمالداۋشىعا تاسىمالداۋ جوسپارلانعان جىلدىڭ الدىڭداعى جىلدىڭ قاڭتار ايىنىڭ ءبىرىنشى ونكۇندىگىندە بەرىلەدى.
30. تاسىمالداۋشى پوەزدار قوزعالىسىنىڭ جيىنتىق كەستەسى مەن پوەزدار قوزعالىسىنىڭ نورماتيۆتىك گرافيگىنىڭ جوبالارىن العان ساتتەن باستاپ كۇنتىزبەلىك ون بەس كۇن ىشىندە ماگيسترالدىق تەمىرجول جەلىسىنىڭ وتكىزۋ قابىلەتىنىڭ بولىنگەن ۇلەستەرىن تۇزەتۋ تۋرالى ۇسىنىستارىن جازباشا, جەدەلحاتپەن, فاكسوگراممامەن ۇلتتىق ينفراقۇرىلىم وپەراتورىنا ەنگىزەدى.
تاسىمالداۋشىنىڭ تۇزەتۋ جونىندەگى ۇسىنىستارىنىڭ نەگىزىندە پوەزدار قوزعالىسىنىڭ نورماتيۆتىك گرافيگى قولدانىسقا ەنگىزىلگەنگە دەيىن كەمىندە ءۇش اي بۇرىن ۇلتتىق ينفراقۇرىلىم وپەراتورى نورماتيۆتىك گرافيكتى جانە پوەزدار قوزعالىسىنىڭ جيىنتىق كەستەسىن بەكىتەدى جانە ول ۇلتتىق ينفراقۇرىلىم وپەراتورىنىڭ پوەزدار قوزعالىسىنىڭ جيىنتىق كەستەسى مەن پوەزدار قوزعالىسىنىڭ نورماتيۆتىك گرافيگىن تيراجداۋ جانە جولاۋشىلار پوەزدارىنىڭ قوزعالىس كەستەسىن جاريالاۋ ءۇشىن قولدانادى.
31. ۇلتتىق ينفراقۇرىلىم وپەراتورى:
1) پوەزداردىڭ قوزعالىس قاۋىپسىزدىگىن قامتاماسىز ەتۋدى;
2) ماگيسترالدىق تەمىرجول جەلىسى ۋچاسكەلەرىنىڭ وتكىزۋ جانە تاسىمالداۋ قابىلەتىن جانە تەمىرجول ستانتسيالارىنىڭ وڭدەۋ قابىلەتىن اناعۇرلىم ءتيىمدى پايدالانۋدى;
3) ماگيسترالدىق تەمىرجول جەلىسى ۋچاسكەلەرىن ۇستاۋ جانە جوندەۋ جونىندەگى جۇمىستاردى جۇرگىزۋ مۇمكىندىگىن ەسكەرە وتىرىپ, پوەزدار قوزعالىسىنىڭ نورماتيۆتىك گرافيگىن قالىپتاستىرادى.
پوەزدار قوزعالىسىنىڭ نورماتيۆتىك گرافيگىن ازىرلەگەن كەزدە تەمىرجول جەلىسى ۋچاسكەلەرىنىڭ تەحنيكالىق ەرەكشەلىگىندە كورسەتىلگەن ماگيسترالدىق تەمىرجول جەلىسى ۋچاسكەلەرىنىڭ تاۋلىكتىك وتكىزۋ قابىلەتى سەگمەنتتەرىنىڭ ارقايسىسى ءۇشىن جەكە پوەز ساناتىنا قاراي باسىمدىلىق نەگىزىندە ماگيسترالدىق تەمىرجول جەلىسىنىڭ ەركىن وتكىزۋ قابىلەتىن ءبولۋ جۇزەگە اسىرىلادى.
32. پوەزدار قوزعالىسىنىڭ نورماتيۆتىك گرافيگى كۇنتىزبەلىك جىلعى مامىر ايىنىڭ سوڭعى جەكسەنبىسىندە 00 ساعات 00 مينۋتتان باستاپ قولدانىسقا ەنگىزىلەدى جانە كەلەسى كۇنتىزبەلىك جىلعى مامىر ايىنىڭ سوڭعى سەنبىسىندە 24 ساعات 00 مينۋتتا قولدانىسىن توقتاتادى.
پوەزدار قوزعالىسىنىڭ نورماتيۆتىك گرافيگى بەكىتىلگەننەن كەيىن تاسىمالداۋشى مەن ۇلتتىق ينفراقۇرىلىم وپەراتورى اراسىندا وسى قاعيدالاردا بەلگىلەنگەن تارتىپپەن شارت جاسالادى.
33. پوەزدار قوزعالىسىنىڭ ناقتىلانعان گرافيگىن جانە پوەزدار قوزعالىسىنىڭ جيىنتىق كەستەسىن ۇلتتىق ينفراقۇرىلىم وپەراتورى ايلىق جوسپارلاۋ شەڭبەرىندە ناقتىلانعان پارامەترلەردى ەسكەرە وتىرىپ, پوەزدار قوزعالىسىنىڭ نورماتيۆتىك گرافيگى نەگىزىندە قالىپتاستىرادى.
34. تاسىمالداردى ۇيىمداستىرۋدىڭ قولدانىستاعى تەحنولوگياسىن ەسكەرە وتىرىپ, تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ تەمىرجول كولىگى جونىندەگى ورتالىق كەڭەسىنىڭ شەڭبەرىندە تاسىمالداۋشىلار مىناداي مەرزىمدەردە:
1) تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ تەمىرجول كولىگى جونىندەگى ورتالىق كەڭەسىنە قاتىسۋشى ەلدەر باعىتىندا تاسىمالداۋ كەزىندە – تاسىمالداۋ جوسپارلانعان ايدىڭ الدىنداعى ايدىڭ ون تورتىنەن كەشىكتىرمەي;
2) قازاقستان رەسپۋبليكاسىنىڭ اۋماعى ارقىلى تاسىمالداۋ كەزىندە تاسىمالداۋ جوسپارلانعان ايدىڭ الدىنداعى ايدىڭ جيىرماسىنان كەشىكتىرمەي – ايلىق تاسىمالدار جوسپارىن جيناقتاۋ جانە كەلىسۋ ءۇشىن ۇلتتىق ينفراقۇرىلىم وپەراتورىنا ەنگىزەدى.
6-پاراگراف. ماگيسترالدىق تەمىرجول جەلىسى قىزمەتتەرىن كورسەتۋگە شارت جاساسۋ
35. شارت جازباشا تۇردە پوەزدار قوزعالىسىنىڭ نورماتيۆتىك گرافيگى جانە جيىنتىق كەستەسى بەكىتىلگەننەن كەيىن نورماتيۆتىك قوزعالىس گرافيگى قولدانىسقا ەنگىزىلگەنگە دەيىن كەمىندە ەكى اي بۇرىن جاسالادى. شارتتىڭ قولدانىلۋ مەرزىمى پوەزدار قوزعالىسىنىڭ نورماتيۆتىك گرافيگىنىڭ قولدانىلۋى كەزەڭىن قۇرايدى.
36. قوسىمشا وتىنىمدەر بويىنشا شارت تاسىمالداردى جۇزەگە اسىرۋدىڭ كۇنتىزبەلىك ايى باستالعانعا دەيىن كەمىندە ءبىر اي بۇرىن پوەزدار قوزعالىسى نورماتيۆتىك گرافيگىنىڭ قولدانىلۋى كەزەڭىنەن اسپايتىن مەرزىمگە جاسالۋعا ءتيىس.
37. ەگەر شارتتىڭ قولدانىلۋى كەزەڭىندە تاسىمالداۋشىنىڭ دايەكسىز اقپاراتتى جانە وسى قاعيدالاردىڭ 19-تارماعىنىڭ 5), 6), 7), 8), 9), 10), 11), 12), 13, 14), 15), 16), 17), 18) تارماقشالارىندا كوزدەلگەن (بولجامدى كورسەتكىشتەردى قوسپاعاندا) قۇجاتتاردى بەرۋ فاكتىلەرى انىقتالعان جاعدايدا, ۇلتتىق ينفراقۇرىلىم وپەراتورىنىڭ شارتتى ءبىر جاقتى تارتىپپەن بۇزۋىنا رۇقسات ەتىلەدى.
7-پاراگراف. پوەزدار قوزعالىسىنىڭ نورماتيۆتىك گرافيگىنىڭ قولدانىلۋى كەزەڭىندە ماگيسترالدىق تەمىرجول جەلىسى قىزمەتتەرىنە قول جەتكىزۋگە ارنالعان قوسىمشا وتىنىمدەر
38. قوسىمشا وتىنىمدەر تاسىمالداۋ جۇزەگە اسىرىلاتىن كۇنتىزبەلىك اي باستالعانعا دەيىن كەمىندە ەكى اي بۇرىن بەرىلەدى.
39. تاسىمالداۋشىنىڭ قوسىمشا وتىنىمدەرى وسى قاعيدالاردىڭ تالاپتارىنا سايكەس رەسىمدەلەدى.
40. قوسىمشا وتىنىمدەر كەلىپ تۇسكەن ساتىنەن باستاپ ءبىر اي ىشىندە وسى قاعيدالاردا بەلگىلەنگەن تالاپتارعا سايكەستىگى تۇرعىسىندا قارالادى, ولاردى قاراۋ قورىتىندىلارى بويىنشا ۇلتتىق ينفراقۇرىلىم وپەراتورى شارتتى نە جاسالعان شارتتارعا قوسىمشا كەلىسىمدەر جاساسۋ تۋرالى ماسەلەنى قارايدى.
41. قوسىمشا وتىنىمدەر بويىنشا وتكىزۋ قابىلەتىنىڭ ۇلەسىن ءبولۋ ماگيسترالدىق تەمىرجول جەلىسىنىڭ بوس ەمەس نەمەسە بوساتىلعان وتكىزۋ قابىلەتى ەسەبىنەن ايلىق جوسپارلاۋ شەڭبەرىندە جانە كەلىپ تۇسكەن وتىنىمدەردىڭ كەزەكتىلىگى تارتىبىمەن جۇزەگە اسىرىلادى.
8-پاراگراف. ماگيسترالدىق تەمىرجول جەلىسىنە قولجەتىمدىلىك
بەرۋگە ارنالعان وتىنىمدەردى قامتاماسىز ەتۋ كەپىلدىگى
42. تاسىمالداۋشى ماگيسترالدىق تەمىرجول جەلىسى قىزمەتتەرىنە قولجەتىمدىلىك بەرۋگە ارنالعان ءوتىنىم بويىنشا ءمىن