ۇقشۇ-نىڭ ۇجىمدىق جەدەل دەن قويۋ كۇشتەرىنىڭ (ۇجدك) كونتينگەنتتەرى رەسەيدىڭ پسكوۆ وبلىسىنداعى «ءوزارا ءىس-قيمىل-2016» كوماندالىق-شتابتىق وقۋ-جاتتىعۋى بارىسىندا شەكارا ماڭىنداعى ايماقتا قارۋلى جانجالدى وقشاۋلاۋ جونىندەگى بىرلەسكەن وقۋ وپەراتسياسى دايىندىعىن باستادى.
وقۋ-جاتتىعۋعا قاتىسۋ ءۇشىن ارمەنيا رەسپۋبليكاسى, بەلارۋس رەسپۋبليكاسى, قازاقستان رەسپۋبليكاسى, قىرعىز رەسپۋبليكاسى, رەسەي فەدەراتسياسى جانە ءتاجىكستان رەسپۋبليكاسى قارۋلى كۇشتەرىنىڭ كونتينگەنتتەرى كەلدى. ۇقشۇ ۇجدك-نىڭ تارتىلعان كونتينگەنتتەرىنىڭ سانى – 1 300-دەن اسا ادام. وقۋ-جاتتىعۋعا بارلىعى 6 000-نان استام اسكەري قىزمەتشى قاتىسادى. وعان قوسا 1000 بىرلىك قارۋ-جاراق, جاۋىنگەرلىك جانە ارنايى تەحنيكا بار. «سترۋگي كراسنىە» پوليگونىنان باسقا, وقۋ-جاتتىعۋ باعىتىنا سايكەس ءىس-قيمىلدار باتىس اسكەري وكرۋگىنىڭ تاعى ەكى پوليگونىندا جالعاسادى.
اۋقىمدى شارا باستالار الدىندا وقۋ-جاتتىعۋعا قاتىساتىن ۇقشۇ-نىڭ ۇجدك قولباسشىلىعىمەن, ۇلتتىق كونتينگەنتتەردىڭ باسقارۋ ورگاندارىمەن جەدەل جيىن وتكىزىلدى.
ۇقشۇ ۇجدك-نىڭ اسكەري كونتينگەنتتەرى پراكتيكالىق ءىس-قيمىلدار دايىندىعىن باستادى.
«ەگەمەن-اقپارات»