تۋريستىك كومپانيالار دۇنيە جۇزىندەگى ءدىندى بەرىك ۇستاناتىن ەلدەردىڭ ءتىزىمىن جاريالادى. ەل ازاماتتارىنىڭ ءدىندارلىعى جاعىنان ءبىرىنشى ورىندى شري-لانكا الىپتى.
شري-لانكا حالقىنىڭ باسىم كوپشىلىگى بۋدديستەر. سونداي-اق, يندۋيزم, حريستيان, يسلام دىندەرى دە ءبىرشاما كەڭ تارالعان ەكەن. ءتۇرلى ءدىني ۇستانىمداعى ادامدار ارالاس ءومىر سۇرسە دە, ءاربىر ازامات ءوز ءدىنىنىڭ قاعيدالارىن بۇزباۋعا ەرەكشە ءمان بەرەدى.
ەكىنشى ورىندا – افريكا قۇرلىعىنداعى مالاۆي ەلى. حالقىنىڭ باسىم بولىگى تاقىر كەدەي ەلدە ادامداردىڭ دىننەن باسقا سۇيەنەرى دە, سىيىنارى دا جوق. مالاۆيلىك حريستياندار الەمدەگى ەڭ ءدىنشىل حريستياندار دەۋگە بولادى.
ءدىنشىل ەلدەردىڭ تىزىمىندەگى ءۇشىنشى ورىن يندونەزياعا تيەسىلى. يندونەزيادا حالىق كوپ, كەڭ تارالعان ءدىن دە كوپ.
– ەل ۇكىمەتى يسلام, يندۋ- يزم, پروتەستانتيزم, كاتوليتسيزم ءجانە ءبۋدديزمدى التى رەسمي ءدىن رەتىندە قاراستىرادى. ەلدىڭ ءاربىر ازاماتى وسى التى ءدىننىڭ ءبىرىن ۇستانادى. يندونەزيادا اتەيستەر جوققا ءتان, ءوز باسىم دىنگە سەنبەيمىن دەگەن ادامدى كەزدەستىرمەدىم, – دەيدى تۋريستىك كومپانيا وكىلدەرى.
حالقى ءدىندى بەرىك ۇستاناتىن ەلدەردىڭ العاشقى وندىعىنا نيگەر, يەمەن, تايلاند, ارمەنيا, بانگلادەش, گرۋزيا, ماروككو مەملەكەتتەرى ەندى.
نۇرحان اسقار