كاسىبي دايارلىق كوكجيەگى

قازىرگى ۋاقىتقا دەيىن سەمەي­دە رەسمي تۇردە 2 مىڭ جۇمىس­سىز تىركەلگەن. ونىڭ 1404-ءى ۋا­قىت­شا جانە تۇراقتى جۇمىس­پەن قامتىلعان. مۇمكىندىگى شەك­تەۋ­لى جاندار دا نازاردان تىس قال­ماپتى. جۇمىسپەن قامتۋ جانە الەۋمەتتىك باعدارلامالار ءبولى­مىنىڭ مالىمەتىنشە, 6 ايدىڭ قورى­تىن­دىسى بويىنشا اۋماقتى دامىتۋ باعدارلاماسى شەڭبەرىندە قوعامدىق جۇمىستارعا 30 ادام تارتىلعان. جاستار تاجىريبەسى بو­يىن­شا – 9, الەۋمەتتىك جۇمىستارعا 7 ادام ورنالاسقان. بىلىكتىلىك كو­تەرۋ, كاسىبي دايىندىق پەن قايتا دايارلىقتان وتكىزۋدە دە بەل­سەندى جۇمىس جۇرگىزىلۋدە. «جۇ­مىسپەن قامتۋدىڭ جول كارتاسى-2020» باعدارلاماسى بويىنشا كاسى­بي دايارلىققا رەسپۋبليكالىق بيۋد­جەتتەن ەلەكتر-گازبەن دانە­كەر­لەۋشى, قۋاتتى جەلى بويىنشا ەلەكترمونتاجداۋشى مەن ەلەكتر­جابدىقتاۋشى مامان­دىق­تارىنا وقىتۋعا 5 ميلليون 120 مىڭ تەڭگە بولىنگەن. نارىقتا سۇ­را­نىسقا يە ماماندىقتار بويىنشا, ازاماتتاردى قايتا دايار­لاۋدان ءوت­كىزۋ قاراستىرىلىپ وتىر. جۇمىس جاقسى ءجۇرىپ جاتىر. ءۇش ايلىق مەرزىمدەگى قايتا دايارلاۋعا بيىل 80 ادام جىبەرۋىمىز كەرەك. وڭدەۋشى, ەلەكتر-گازبەن دانەكەرلەۋشى, قۋاتتى جەلى بويىن­شا ەلەكترمونتاجداۋشى مەن ەلەك­ترجابدىقتاۋشى, تەمىر ۇس­تا­سى, سانتەحنيك, تىگىنشى ما­مان­­دىق­تارىنا 7 ميلليون 914 مىڭ تەڭگە ءبولىندى, دەيدى سەمەي قالالىق اكىمدىگى جۇ­مىسپەن قامتۋ مەكەمەسىندەگى كاسىپ­تىك وقىتۋ ءبولىمىنىڭ باسشىسى. بيىل كاسىبي ماماندىعى تالاپ ەتىلمەيتىن مەملەكەتتىك مەكە­مەلەردەگى قوعامدىق جۇمىستار 402 ادامعا بەرىلگەن. «اۋماقتاردى دامى­تۋ باعدارلاماسى» جانە «جۇمىس­پەن قامتۋدىڭ جول كارتاسى-2020» باعدارلامالارى مەن جاستار تاجىريبەسى بويىنشا 6 ايعا دەي­ىنگى ۋاقىتشا جۇمىسقا 170 ادام ورنالاسقان. جۇمىس ىستە­مەيتىن تۇرعىندار ءۇشىن مەملە­كەتتىك قول­داۋدىڭ تاعى ءبىر ءتۇرى الەۋمەتتىك جۇمىس ورىندارى دەسەك, وسى بويىنشا 289 جۇمىسسىز ناپاقاسىن تاۋىپ وتىر. الەۋمەتتىك جۇمىستار, جاس­تار تاجىريبەسى جانە قوعامدىق جۇ­مىستار ءبولىمىنىڭ باستىعى ماري­نا چاسوۆنيكوۆانىڭ ايتۋىن­شا, جۇمىس­سىزدار, ماسەلەن, قۇجات­تارعا كومەكتەسۋ, اۋماقتى, بولمەنى جي­ناستىرۋ سياقتى قاندايدا ءبىر ءىس-شاراعا قاتىستىرىلۋ ارقى­لى ەڭبەك ەتەدى. قوعامدىق جۇمىس­تارعا قاتىسۋشىلارعا مەملەكەت ەسەبىنەن 22 859 تەڭگە ەڭبەكاقى تولەنەدى. ەگەر ولار قوعامدىق ءبىر­لەس­تىكتەر مەن ۇكىمەتتىك ەمەس وزگە دە مەكەمەلەرگە جولدانسا, وندا جۇمىس بەرۋشى تاراپىنان تاعى دا قوسىمشا جالاقى تولەنەدى. راۋشان نۇعمانبەكوۆا سەمەي