قازىر ەلىمىز زور وزگەرىستەر جولىندا, ءار كۇن سايىن جاڭالىق, بىزدەر دە سول جاقسىلىق حابارلاردىڭ كۋاسى بولىپ, الداعى كۇندەرگە ۇلكەن ۇمىتپەن قارايمىز. ەلدىكتىڭ, ەگەمەندىكتىڭ ءوز جەرىمىزدە سالتانات قۇرعانىنا تاۋبە دەپ تاۋەلسىزدىك دەگەن ۇلىق ۇعىمدى قادىرلەپ, ونى ءماڭگىلىك ساقتاپ قالۋعا ارقايسىمىز ەلباسى سەكىلدى ۇلەس قوسۋىمىز مىندەت, پارىزىمىز دەپ بىلەمىن.
كۇنى كەشە عانا استانادا وتكەن «نۇر وتان» حالىقتىق-دەموكراتيالىق پارتياسى XIII سەزىنىڭ جۇمىس بارىسىن, كۇن تارتىبىنە ۇسىنىلعان التى ماسەلەنىڭ ءبىراۋىزدان قابىلدانعانىن تەلەديدار ارقىلى كوردىم.
ءبىز جاڭا مەملەكەت, جاڭا قوعام قۇردىق, جاھاندىق الەمدە ءومىر سۇرە الاتىن جاڭا ۇرپاق تاربيەلەدىك, – دەدى ەلباسى. قانداي ءدال ايتىلعان سوزدەر, شىنىندا دا, قازىر ءبىز ەلىمىزدىڭ كەلەشەك ىرگەسىن نىقتايتىن جاڭا جاس بۋىن تاربيەلەپ جاتىرمىز. وڭىردەگى بالالاردىڭ قۇقىقتارى مەن زاڭدى مۇددەلەرىن قورعاۋ جونىندەگى مىندەتتەردى ىسكە اسىرۋ ماقساتىندا بالالاردىڭ قۇقىقتارىن قورعاۋ دەپارتامەنتى ءوز قىزمەتىن «كەرەكۋ-ەرتىس ءوڭىرىنىڭ بالالارى – ەلىمىزدىڭ بالالارى», «ءوڭىر بالالارى ساندار مەن فاكتىلەردە», «بالالاردىڭ قۇقىقتارى تۋرالى شىندىق», «بالالىق شاقتى قورعاۋ», «بالالار – XXI عاسىر بايلىعى» اتتى ءتورت جوبا ارقىلى جۇمىس جاسايمىز. دەپارتامەنت قۇرىلعان ەكى جىل ىشىندە ءبىلىم بەرۋ, دەنساۋلىق ساقتاۋ, الەۋمەتتىك قورعاۋ سالاسىنداعى وكىلدەرمەن بىرلەسىپ, بالالار ۇيلەرىنە بارىپ كەزدەسۋلەر وتكىزىپ كەلەمىز. ەلباسى ساياساتىنىڭ ارقاسىندا تۋعان اتا-اناسىنان جىلىلىق كورمەگەن بالالار ۇيىندەگى جەتىم سابيلەر, ينتەرنات تاربيلەنۋشىلەرى بۇگىندە مەملەكەت قامقورلىعىندا. سەزدە پرەزيدەنت الداعى سايلاۋعا ءتۇسۋگە, ەلى ءۇشىن قىزمەت جاساۋعا كەلىسىمىن بەردى. نۇرسۇلتان نازارباەۆتىڭ حالىق ءۇشىن, ارينە, ورنى بولەك, ءمارتەبەسى بيىك. ال, بالالارىمىزدىڭ بولاشاعى ءۇشىن بىزگە تىنىشتىق, ساياسي تۇراقتىلىق, اۋىزبىرشىلىك ارقاشاندا كەرەك. سول ءۇشىن مەن سايلاۋدا ءوز داۋىسىمدى ەلباسىنىڭ جەڭىسى ءۇشىن بەرەمىن.
گۇلبارام ناۋرىزباەۆا, بالالاردىڭ قۇقىعىن قورعاۋ وبلىستىق دەپارتامەنتىنىڭ ديرەكتورى.
پاۆلودار وبلىسى.