[caption id="attachment_55030" align="aligncenter" width="560"] فوتو: khabar.kz[/caption]
inform.kz-ءتىڭ حابارلاۋىنشا, قازاقستاننىڭ باسىم بولىگىندە اتموسفەرالىق اعىنداردىڭ وتۋىمەن كۇن كۇركىرەپ, جاڭبىرلى اۋا رايى ساقتالادى. ەلىمىزدىڭ سولتۇستىگىندە, سولتۇستىك-باتىسىندا, وڭتۇستىگىندە, وڭتۇستىك-باتىسىندا جانە ورتالىعىندا كۇن اشىق بولادى. سولتۇستىكتە كەي جەرلەردە تۇمان ءتۇسىپ, جەل كۇشەيەدى. ال وڭتۇستىك وبلىستاردا شاڭدى داۋىل كوتەرىلەدى. شىعىستا بۇرشاق جاۋى مۇمكىن.
«قازگيدرومەت» ماماندارىنىڭ مالىمەتىنە سۇيەنسەك, شىعىس قازاقستان وبلىسىندا كۇن كۇركىرەيدى, جەل 15-20 م/س-قا دەيىن كۇشەيەدى, كۇندىز بۇرشاق جاۋى مۇمكىن.
جامبىل وبلىسىنىڭ كەي جەرلەرىندە شاڭدى داۋىل كوتەرىلەدى, كۇندىز كۇن كۇركىرەيدى, جەلدىڭ كۇشى 15-20 م/س بولادى.
اتىراۋ وبلىسىنىڭ اۋماعىندا اۋا رايى بۇزىلىپ, كۇن كۇركىرەپ, جەلدىڭ سوعۋ جىلدامدىعى 15-20 م/س-ءتى قۇرايدى.
كۇندىز اقتوبە, باتىس قازاقستان وبلىستارىنىڭ كەي جەرلەردە كۇن كۇركىرەيدى.
الماتى وبلىسىنىڭ اۋماعىندا جەل 15-20 م/س-قا دەيىن كۇشەيسە, ءدال وسىنداي اۋا رايى پاۆلودار وبلىسىندا دا ساقتالادى, كۇندىز كۇن كۇركىرەپ, نايزاعاي وينايدى.
سولتۇستىك قازاقستان وبلىسىندا تۇندە جانە تاڭەرتەڭ تۇمان تۇسەدى.
وڭتۇستىك قازاقستان, قىزىلوردا وبلىستارىندا كۇندىز جەل 15-20 م/س-قا دەيىن بارىپ, شاڭدى داۋىل كوتەرىلەدى.
كۇندىز ماڭعىستاۋ, اتىراۋ, باتىس قازاقستان, اقتوبە وبلىستارىندا, قوستاناي, قاراعاندى وبلىستارىنىڭ كەي جەرلەرىندە اپتاپ ىستىق بولادى.
قىزىلوردا, وڭتۇستىك قازاقستان وبلىستارىندا, جامبىل وبلىسىنىڭ كەي جەرلەرىندە وتە جوعارى ءورت قاۋپى ساقتالادى.
تالعات رايىمبەك