قازاقستاندىق دزيۋدوشى جانساي سماعۇلوۆ ريو-دە-جانەيرو وليمپيالىق ويىندارى ءتۋرنيرىنىڭ ەكىنشى اينالىمىندا كورەيا سپورتشىسى ان با ۋلدان ۇتىلىپ قالدى.
66 كيلوعا دەيىنگى سالماقتاعى بۇل جەكپە-جەكتە كورەي پالۋانى تازا جەڭىسكە جەتتى. ول «يپپون», «ۆازاري» مارتەبەلەرىمەن باسىم ءتۇستى. بۇعان قوسا, قازاقستاندىق اتلەت ەكى ەسكەرتۋ الدى.
ايتا كەتۋ كەرەك, كورەي سپورتشىسى 1/32 فينالدان بوس بولدى. ال جانساي بەلگيالىق ياسپەر لەفەۆردەن باسىم تۇسكەن ەدى. ەندى 1/16 فينالدا جارىس جولىنان شىعىپ قالىپ وتىر.
مۇنىڭ الدىندا قازاقستان قورجىنىنا تۇسكەن ەكى مەدالدى دا دزيۋدوشىلار اپەردى. اتاپ ايتقاندا, ەلدوس سمەتوۆ – كۇمىس, وتگونتسەتسەگ گالبادراح قولا مەدال الىپ كەلدى.
دامير قوجامقۇل