[caption id="attachment_55007" align="aligncenter" width="560"] krpress.ru[/caption]
ارمەنيا بيلىگى ەرەۆانداعى تارتىپسىزدىكتەردى ۇيىمداستىردى دەگەن كۇدىكپەن 8 ادامدى قاماۋعا الدى. بۇل تۋرالى ەلدىڭ تەرگەۋ كوميتەتى مالىمدەدى, دەپ حابارلادى News.am پورتالى.
ۇستالعانداردىڭ ۇشەۋى ەرەۋىلدەردى ۇيىمداستىردى دەپ ايىپتالسا, بەسەۋىنە ب ۇلىك تۋدىردى دەگەن كۇدىك كەلتىرىلىپ وتىر.
ەسكە سالا كەتەيىك, 17 شىلدە كۇنى قارۋلى توپ ەرەۆانداعى پوليتسيا بەكەتىن باسىپ الىپ, ىشىندەگىلەردى كەپىلگە العان. وتكەن جەكسەنبىدە بارلىق تۇتقىنداردى بوساتىپ, وزدەرى بەرىلدى. وسى ارالىقتا وپپوزيتسيا مۇشەلەرى قارۋلى توپتى قولداپ, پوليتسيامەن بىرنەشە رەت قاقتىعىسقا تۇسكەن. وسى وقيعالاردىڭ سالدارىنان 70-تەن استام ادام دارىگەرلەردىڭ كومەگىنە جۇگىنگەن. ارمەنيا دەنساۋلىق ساقتاۋ مينيسترلىگىنىڭ مالىمدەۋىنشە, ولاردىڭ 12-ءسى ءالى كۇنگە دەين اۋرۋحانادا جاتىر.
ايدار ورىسباەۆ