[caption id="attachment_54973" align="aligncenter" width="560"] فوتو: vesti.ru[/caption]
پاكىستاننىڭ كاراچي قالاسىندا سۋ تاسقىنى ورىن الدى.
جەرگىلىكتى پوليتسەيلەردىڭ حابارلاۋىنشا, سەل ءجۇرۋ كەزىندە باعانالار قۇلاپ, 10 ادام توققا ءتۇسىپ قايتىس بولعان. ال ءۇش تۇرعىن وپىرىلعان ءۇي قابىرعاسىنىڭ استىندا قالسا, 2 ادام سۋعا باتىپ كەتكەن.
vesti.ru-دىڭ اقپاراتىنا سۇيەنسەك, الاپات سۋ تاسقىنى تۇتاس اۋداندار مەن تاس جولداردى شايىپ كەتكەن. داۋىل كەزىندە 400-گە جۋىق ەلەكتر جەلىسى ءۇزىلىپ, قالا تۇرعىندارى جارىقتان قاعىلعان. قازىرگى تاڭدا قۇتقارۋشىلار سۋ تاسقىنىنىڭ استىندا قالىپ قويعان تۇرعىنداردى قاۋىپسىز جەرگە كوشىرۋدە.
ايتا كەتەيىك, پاكىستان مەن ءۇندىستان بيىل ماۋسىم ايىنان بەرى مۋسسوندىق جاۋىن-شاشىننان زارداپ شەگىپ كەلەدى.
تالعات رايىمبەك