بۇگىن تاڭ الدىندا برازيليانىڭ ريو-دە-جانەيرو قالاسىندا XXXI جازعى وليمپيالىق ويىنداردىڭ اشىلۋ سالتاناتى بولىپ ءوتتى. ول ۇيىمداستىرۋشىلاردىڭ ويلارى بويىنشا, تابيعات, ارتەكتىلىك, قۋانىش دەگەن ۇراندى بەينەلەپ بەردى.
1950 جىلى سالىنعان «ماراكانا» ستاديونى ارەناسىمەن 207 مەملەكەتتىڭ 12 مىڭعا جۋىق سپورتشىسى ءجۇرىپ ءوتتى. ونىڭ ساپىندا قازاقستان سپورت دەلەگاتسياسى دا بولدى.
برازيليا پرەزيدەنتى مىندەتىن ۋاقىتشا اتقارۋشى ميشەل تەمەر ريو-دە-جانەيروداعى XXXI جازعى وليمپيالىق ويىنداردى اشىق دەپ جاريالادى.
«XXXI وليمپيالىق ويىندار اشىق دەپ جاريالانادى», - دەدى تەمەر سالتاناتتا.
ال وليمپيالىق الاۋدى بۇعان دەيىن اتى اڭىزعا اينالعان فۋتبولشى پەلە جاعادى دەپ كۇتىلگەن ەدى. دارىگەرلەر دە وعان بۇل شارانى اتقارۋعا رۇقسات بەردى. بىراق 75 جاستاعى سپورتشى دەنساۋلىق جاعدايىنا بايلانىستى ءوزى باس تارتتى. وسىنىڭ ناتيجەسىندە راسىمگە ساناۋلى ۋاقىتتار قالعاندا, ونى 2004 جىلعى افينا وليمپيالىق ويىندارىنىڭ قولا جۇلدەگەرى, مارافونشى ۆاندەرلەي كوردەيرۋدىڭ جاسايتىنى بەلگىلى بولدى.
ءسويتىپ, ويىندار باستالدى.
دامير قوجامقۇل