ينتەرناتتىڭ بالاسى...

«ەگەمەن قازاق­ستان» گازەتىندە جاريالانعان (22 شىلدە, 2016 جىل) ايناش ەساليدىڭ «ين­تەرناتتىڭ بالا­سى...» اتتى ماقا­لاسىنا وراي ماڭعىستاۋ وبلىسى, تۇپقاراعان اۋدانى, فورت-شەۆچەنكو قالاسى ارداگەرلەرىنىڭ پىكىرلەرى تومەندەگىدەي. «فورت-شەۆچەنكو قالاسىنىڭ ار­داگەرلەرى «ەگەمەن قازاقستان» گازەتىندە جاريالانعان «ينتەرناتتىڭ بالاسى»... اتتى ماقالاداعى رەسپۋبليكالىق مەكتەپ مارتەبەسىنىڭ ساقتالۋىن ماقۇلداپ, تولىقتاي قولدايدى جانە تىلەۋلەستىگىن بىلدىرەدى. 1972 جىلى نەگىزى قالانعان و.جاۋتىكوۆ اتىنداعى رەسپۋبليكالىق دارىندى بالا­لارعا ارنالعان مامانداندىرىلعان فيزيكا-ماتەماتيكا مەكتەپ-ينتەرناتى – «ۇزدىك وليمپيادالىق كوماندا» نوميناتسياسىن 10 جىل قاتارىنان يەلەنىپ كەلە جاتقان «ۇزدىك وليمپيادالىق مەكتەپ» رەتىندە مويىندالعان ۇجىم. قازاق­ستاندى دامىتۋدىڭ ۇلت جوسپارىنا سايكەس جوعارىدا اتالعان رەسپۋبليكالىق مەكتەپ-ينتەرناتتاردى ساقتاپ قالۋ عانا ەمەس, قايتا ولاردىڭ اياسىن كەڭىتىپ, كەمەل دامۋدىڭ جولىنا سالۋ مىندەتى تۇر. بۇل جاعدايدى ايتۋعا سەبەپ – رەسپۋبليكامىزدىڭ قازىرگى كۇنى دە ءار ايماعىندا قابىلەتتى, اتى اتالعان تۇلەكتەردەن اسىپ تۇسپەسە, كەم تۇسپەيتىن قانشاما دارىن يەلەرى بارشىلىق. بۇل مەكتەپ-ينتەرناتتاردىڭ كەمەلدى كەلەشەگىنە ءالى دە تالاي تالانتتاردىڭ تاعدىرى باي­لانعان. كەزىندە وسى رەسپۋبليكالىق مەك­تەپ-ينتەرناتتاردىڭ جولىن «وندا تەك الماتى قالاسىنىڭ بالالارى وقيدى» دەگەن جالعان اقپاراتتار ارقىلى كەس­پەك بولعان جاعدايلار دا كەزدەستى. اتالمىش مەكتەپتەردە رەسپۋبليكانىڭ ءار تۇكپىرىنەن كەلگەن بالالار دا, اۋىل بالالارى دا وقىپ جاتىر. سول الماتىنىڭ بالاسى دا قازاقتىڭ بالاسى, اۋىلدىڭ بالاسى دا قازاقتىڭ بالاسى... بوقان تاڭعۇلوۆ, فورت-شەۆچەنكو قالالىق ارداگەرلەر ۇيىمىنىڭ توراعاسى, تۇپقاراعان اۋدانىنىڭ «قۇرمەتتى ازاماتى»