قازاقستان رەسپۋبليكاسىنىڭ پرەزيدەنتتىگىنە كانديداتتارعا (بۇدان ءارى – كانديدات) سايلاۋالدى ۇگىت ماتەريالدارىن ورنالاس­تى­رۋعا ارنالعان باسپا كولەمىن بەرۋدىڭ شارتتارى تۋرالى حابارلايدى.

اقپاراتتىق حابارلاما

«ەگەمەن قازاقستان» رەسپۋبليكالىق گازەتى» اق (بۇدان ءارى – رەداكتسيا) 2011 جىلعى 3 ساۋىردەگى قازاقستان رەسپۋبليكاسىنىڭ پرەزيدەنتىن سايلاۋعا قاتىسۋ ءۇشىن «قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى №2464 قازاقستان رەسپۋبليكاسى كونستيتۋتسيالىق زاڭىنىڭ 59-بابىنا سايكەس تىركەلگەن, قازاقستان رەسپۋبليكاسىنىڭ پرەزيدەنتتىگىنە كانديداتتارعا (بۇدان ءارى – كانديدات) سايلاۋالدى ۇگىت ماتەريالدارىن ورنالاس­تى­رۋعا ارنالعان باسپا كولەمىن بەرۋدىڭ شارتتارى تۋرالى حابارلايدى. گازەت كولەمىن بەرۋدىڭ  جالپى شارتتارى رەداكتسيا ماقالالار تۇرىندەگى ۇگىت ما­تەريالدارىن جاريالايدى. ۇگىت ماتەريال­دارىنىڭ ماتىندەرىن كانديداتتاردىڭ ءوز­دەرى ازىرلەيدى. كانديداتقا ۇگىت ماتەريالىن جاريالاۋ ءۇشىن مىنالار قاجەت: 1. رەداكتسياعا مىناداي اقپا­راتتى قامتيتىن جازباشا ءوتىنىشتى ۇسىنادى: 1) جازباشا مالىمدەمەنىڭ كۇنى مەن ۋاقىتى; 2) كانديداتتىڭ فاميلياسى, اتى, اكە­سىنىڭ اتى/جازباشا ءمالىم­دە­مەنى تاپسىرا­تىن ۋاكىلەتتى تۇل­عا­نىڭ فاميلياسى, اتى, اكەسىنىڭ اتى. 2. جازباشا وتىنىشكە مىناداي قۇ­جاتتار قوسا تىركەلۋى ءتيىس: 1) كانديداتتىڭ تىركەلۋىن راس­تايتىن قۇجاتتىڭ كوشىرمەسى; 2) كانديداتتىڭ وكىلىنىڭ وكى­لەتتىگىن راستايتىن قۇجاتتىڭ كو­شىرمەسى; 3) ۇگىت ماتەريالى ءماتىنىنىڭ ءمانىن قاعاز جانە ەلەكتروندىق تاسىمالداعىشتا اشۋ; 4) ءوتىنىش بەرۋشىنىڭ جەكە باسىن كۋالاندىراتىن كوشىرمە; 5) شارت جاساسۋ ءۇشىن ءوتىنىش ءبىل­دىرۋشىنىڭ وكىلەتتىگىن راس­تاي­تىن قۇجاتتار. 3. ورنالاساتىن كولەمنىڭ جوسپارلى اۋ­­قىمى كورسەتىلگەن جازباشا مالىمدەمەنىڭ مازمۇنى. 4. كانديداتتىڭ نەمەسە سەنىم بىلدىرىلگەن تۇلعانىڭ قولى. 5. رەداكتسيامەن شارت جاساسۋى. ۇگىت ماتەريالدارىن جاريالاۋدىڭ ءتارتىبى 2011 جىلعى 28 اقپاننان باستاپ ساعات 10.00-دەن 17.00-گە دەيىن, كۇن سايىن, سەنبى جانە جەكسەنبىدەن باسقا كۇندەرى جازباشا ءمالىم­دەمەلەر قابىلدانادى جانە شارت جاسالادى, ءۇزىلىس ساعات 13.00-دەن 14.30-عا دەيىن. جازباشا ءمالىم­دە­مەلەردى قابىل­داۋ­دىڭ سوڭعى كۇنى – 2011 جىلعى 29 ناۋرىز. ۇگىت ماتەريالدارىن جاريالاۋدىڭ سوڭ­عى كۇنى – 2011 جىلعى 1 ءساۋىر, رەداكتسيا كانديداتتاردان ماتىندەر­دىڭ ءتۇسۋ رەتىنە قاراي ۇگىت ماتە­ريالدارىن جاريالاۋدىڭ كەزەكتىلىگىن بەلگىلەيدى. كانديداتتار ۇگىت ماتەريالدارىن ودان ءارى جا­ريا­لاۋدى رەداكتسيامەن ۋاعدالاستىق بويىنشا جۇزەگە اسىرادى. بىرنەشە كانديداتتاردان/ۋاكى­لەتتى تۇل­عا­لاردان ءبىر مەزگىلدە ءمالىم­دە­مەلەر تۇسكەن جاعدايدا رەداكتسيا سول كۇنى جەرەبە تاستاۋدى ءجۇر­گى­زەدى. جەرەبە تاس­تاۋعا باسپا ماتە­ريالدارىن ورنالاستى­رۋ­دىڭ كەزەكتىلىگىن تالاس ءبىلدىرۋشى كانديداتتار نەمەسە كانديداتتىڭ ءمۇد­دە­سىن بىلدىرەتىن ۋاكىلەتتى تۇلعا جانە تالاس ءبىلدىرۋشىنىڭ تاۋەلسىز تارابى رەتىندەگى رەداكتسيا وكىلى قاتىسادى. رەداكتسيا ۇگىت ماتەريالدارىن جاريا­لاۋ­دى رەداكتسيانىڭ ەسەپ-ايى­رىسۋ شو­تىنا جاريالانىمدار قۇنىنىڭ 100 پاي­ىزدىق الدىن الا تولەمى تۇسكەننەن كەيىن ءجۇر­گىزەتىن بولادى. رەداكتسيا «ەگەمەن قازاقستان» گازەتىنىڭ بەتتەرىندە ۇگىت ماتە­ري­الدارىن ورنالاس­تىر­ۋدىڭ ورنىن دەربەس ايقىندايدى. ۇگىت ماتەريالدارىن تاپسىرۋدىڭ ءتارتىبى كانديداتتار ۇگىت ماتەريال­دارى­نىڭ ءما­تىندەرىن جاريالاۋدىڭ جوسپارلاناتىن كۇ­نى­نە دەيىن ءۇش كۇن قالعاندا رەداك­تسيا­نىڭ جارناما بولىمىنە تاپسىرادى. ءما­تىندەر كان­دي­داتتىڭ ءوزىنىڭ قول قويۋىمەن باسپا نۇس­قا­سىندا تاپسىرىلۋى جانە ەلەكتروندىق تا­سى­مالدا­عىش­تا قايتا­لا­نۋى قاجەت. ءما­تىن­دەردىڭ باسپا نۇسقالارى بەرۋدىڭ كۇنى جانە ۋاقىتى كورسەتىلىپ, تىركەۋ نومىرىمەن ەكى دانادا تاپ­سىرىلادى. سونداي-اق تۇلعالار­دىڭ جازباشا رۇقساتى قوسىمشا بەرىلەدى, ولاردىڭ بەينەلەرى ۇگىت ماتەريالىندا پايدالانىلادى (قاي­تىس بول­عان جاعدايدا – ولاردىڭ مۇ­را­گەرلەرىنىڭ جازباشا رۇقساتى). رەداكتسيانىڭ جارناما ءبولىمىنىڭ قىزمەتكەرلەرى باسپا نۇسقاسىن قابىلداۋ كەزىندە قابىلداۋ تۋ­را­لى بەلگىنى قويادى, قابىلداۋ كۇنىن, ۋاقىتىن كورسەتەدى جانە ءماتىننىڭ ەكى داناسىندا لاۋازىمىن جانە فاميلياسىن, اتىن, اكە­سىنىڭ اتىن كورسەتىپ, ءوزىنىڭ قولىن قويادى. ءما­تىننىڭ ءبىر داناسى جارناما ءبولى­مىندە قال­دى­رىلادى, ەكىنشى دانا­سى ونى تاپسىر­عان تۇلعاعا قاي­تارىلادى. «ەگەمەن قازاقستان» گازەتىندە ۇگىت ما­تە­ريالدارى جاريالانعان كەزدە «سايلاۋ-2011» ايدارىمەن ورنالاستىرىلاتىن بولادى. ەگەر ۇگىت باسپا ماتەريالدارىندا كونس­تيتۋتسيالىق قۇرىلىستى كۇشتەپ ءوز­گەرتۋ يدەيالارى جاريا ەتىلسە, رەسپۋبليكانىڭ تۇتاستىعىن بۇزۋدى, مەملەكەتتىڭ قاۋىپ­سىز­دىگىنە نۇقسان كەلتىرۋدى, الەۋمەتتىك, ناسىلدىك, ۇلتتىق, ءدىني, تەكتىك-توپتىق جانە رۋلىق ارازدىقتى قوزدىرۋدى, قاتىگەزدىك پەن زورلىق-زومبىلىققا باس ۇرۋدى, سون­داي-اق زاڭنامادا كوزدەلمەگەن اسكەري­لەن­دىرىلگەن قۇرىلىمداردى قۇرۋ جانە «قا­زاقستان رەسپۋبليكاسىنداعى سايلاۋ تۋرا­ل­ى» قازاقستان رەسپۋبليكاسى كونستيتۋ­تسيا­لىق زاڭىنىڭ تالاپتارىندا قاراستى­رىلعان وزگە نەگىزدەردە گازەت ونداي ۇگىت باسپا ماتەريالدارىن قابىلداۋدان باس تارتۋعا قۇقىلى. باسقا كانديداتتاردىڭ ار-نامىسىنا, ابىرويىنا جانە ىسكەرلىك بەدەلىنە نۇقسان كەلتىرەتىن اقپاراتتار بول­عان جاعدايدا رەداكتسيا كانديداتتىڭ ۇگىت ماتەريالدارىن جاريالاۋدان باس تارتادى. ۇگىت ماتەريالدارىن جاريالاۋ اقىسىن تولەۋ ءتارتىبى كانديدات, سەنىم بىلدىرىلگەن تۇلعا ۇگىت ماتەريالىن جاريالاۋدىڭ 100 پايىز قۇنىن گازەت كولەمىنىڭ 1 شارشى سانتيمەترى ءۇشىن 1 000 ء(بىر مىڭ) تەڭگە ەسەبىنەن ەسەپتەپ, بۇل سومانى ماتەريالدى جاريالاۋ كۇنىنە دەيىن ءۇش كۇننەن كەشىكتىرمەي تولەيدى. تولەماقى رەداكتسيا قويعان شوت نەگىزىندە جۇرگىزىلەدى. تولەماقى سايكەسەتىن شارتتا كورسە­تىل­گەن دەرەكتەمەلەر بويىنشا رەداكتسيانىڭ ەسەپ ايىرىسۋ شوتىنا جۇرگىزىلەدى. قازاقستان رەسپۋبليكاسىنىڭ ۇكىمەتى نەمەسە قازاقستان رەسپۋبليكاسى ورتالىق سايلاۋ كوميسسياسى ۇگىت ماتەريالدارىن جاريالاۋ شارتتارى بويىنشا نورماتيۆتىك قۇ­قىق­تىق اكتىلەردى قابىلداعان جاعدايدا ءساي­كە­سە­تىن اك­تى­لەردىڭ نورمالارى قولدا­نىس­تا بولادى. جارناما ءبولىمى: e-mail: egemen_adv@mail.ru استانا قالاسىنداعى تەلەفون: 8 (7172) 37-60-49, فاكس 8 (7172) 37-64-48.