« ۇلى قىتاي قورعانى ءبىر كىرپىشىنەن كەيىن ءبىر كىرپىشى الىنىپ, اقىرى قۇرىپ بىتەدى», دەپ حابارلادى CNN تەلەكومپانياسى.
تەلەارنا ءتىلشىسى سۇيەنىپ وتىرعان مانبە بويىنشا, وسىعان بايلانىستى قازىر قىتايدا كونە زاماندارداعى قورعانىس بەكىنىستەرىن قىلمىستىق دارەجەدە تالان-تاراجعا سالىپ, ۇرلاپ كەتۋدەن قورعاۋ جونىندە جاڭا ءبىر ناۋقان باستالىپ كەتكەنگە ۇقسايدى.
سولاردىڭ ەڭ الدىڭعى لەگىندە تۇرعان ۇلى قىتاي قورعانى يمپەريانى سىرتقى جاۋدان, كوشپەندىلەر شابۋىلىنان قورعاۋ ءۇشىن ءبىزدىڭ داۋىرىمىزگە دەيىنگى ءۇشىنشى عاسىردا سالىنعان. الايدا, قانشا تىيىم سالىنعانىنا قاراماستان, بۇل قورعانعا جەرگىلىكتى تۇرعىندار تاراپىنان شابۋىل جاساۋ توقتاتىلماي كەلەدى. جۇرت ءۇي سالۋ ءۇشىن ونىڭ كىرپىشتەرىن كەرتىپ الۋلارىن قوياتىن ەمەس. ال شەتەلدەردەن كەلگەن تۋريستەر ونى كادەسىي رەتىندە الۋعا قۇمارتىپ تۇرادى ەكەن. وسىلايشا قانشاما عاسىرلاردان بەرى جاۋىن مەن جەلدىڭ, كۇن مەن ىستىقتىڭ سالدارىنان بىرتىندەپ ءمۇجىلىپ كەلە جاتقان اتاقتى قورعان ادامدار تاراپىنان دا داككى كورۋدە.
رەسمي ستاتيستيكاعا سايكەس, قورعاننىڭ 30 پايىزى مين اۋلەتى كەزىندە جوق بولىپ كەتىپتى. ونىڭ 10 پايىزدان كەمدەۋ اۋقىمىنىڭ عانا قازىر جاعدايى جاقسى كورىنەدى.
مۇرات ايتقوجا