ازيادا اقيىقتارىنا ارنالعان العىس

استانا قالاسىنىڭ اكىمى يمان­عالي تاسماعامبەتوۆ ازيا ويىن­دارى­نىڭ جەڭىم­پازدارى مەن ءجۇل­دە­گەرلەرىن ماراپاتتادى. اكىممەن كەزدەسۋگە قىسقى ازيا ويىندارىنا قاتىسقان سپورتشىلارمەن بىرگە گۋانچجوۋ قالاسىندا ءوت­كەن جازعى ازيا ويىندارىنىڭ جۇلدەگەرلەرى دە شاقىرىلدى. قالا باسشىسى سپورت­شىلاردى ۇلكەن جەڭىستەرى­مەن قۇتتىقتاپ, ولارعا پاتەر كىلت­تەرىن تابىس ەتتى. پاتەر كىلتتەرىن بارلىعى 10 سپورتشى الدى. ولاردىڭ ارا­سىندا   بوكس­تان حالىقارالىق ءدا­ر­ەجەدەگى سپورت شەبەرلەرى, جازعى ازيا ويىن­دارىنىڭ جەڭىم­پازى دا­نيار ەلەۋسىنوۆ پەن وسى ج­ا­رىسقا قاتىسقان ۆيتالي لەۆيت, ايەلدەر كۇرەسى بو­يىن­شا حالىق­ارالىق دارەجەدەگى سپورت شەبەرى, ازيا ويىندارىنىڭ قولا جۇلدە­گەرى ايىم ءابىلدينا, دزيۋدودان حا­لىق­ارالىق دارەجەدەگى سپورت شەبەرى, ازياداعا قاتىسۋشى تيمۋر بولات, كور­كەم گيمناستيكادان حا­لىق­ارالىق دارەجەدەگى سپورت شە­بەرى, جەكەلەي جانە كوماندا­لىق ەسەپ­تە ازيا ويىن­دارىنىڭ جەڭىم­پازى اتانعان اننا اليابەۆا, استانا قالاسى قۇراماسى­نىڭ جاتتىق­تىرۋ­شىسى, جازعى ازيا ويىن­دا­رى­نىڭ جەڭىمپازى, ازيا چەم­پيو­نى مايا زاينۋلينا, سپورت­تىق باع­­دار­لاۋ­دان سپورت شەبەرلەرى, قىس­قى ازيا ويىندارىنىڭ ءتورت دۇركىن چەمپيونى ميحايل سوروكين, قىسقى ازيادانىڭ ءتورت دۇركىن جەڭىمپازى ولگا نوۆيكوۆا,  قىسقى ازيا ويىن­دارىنىڭ چەمپيونى ەلميرا مولداشەۆا مەن ەركىن كۇرەستەن جاز­عى ازيا ويىن­دارىنىڭ قولا جۇلدەگەرى لەونيد سپيريدونوۆ بولدى. داستان كەنجالين.